1 Ngan yana, anak ko, mayada ako igsisiring mahitungod han pagpahiuli kun diin ipinamulong; kay kamatuoran; ginbalikad han iba an baraan nga mga kasuratan, ngan hira in humirayo tungod hine nga nahuna-huna. Ngan nakakasabot ako nga an iyo mga huna-huna in nawoworok tungod hine nga nahunahuna. Kundi kaurosahon, ine in akon igpapahibaro ha iyo.

2 Nasiring ako ha imo, anak ko, nga an plano han pagpahiuli in kinahanglan han hustisya han Diyos; tungod kay kinahanglan nga an ngatanan nga butang in igbabalik ha husto nga hulagway. Sigurado, ine in kinahanglanon ngan makatadongan, subay han gahum ngan han pagkabanhaw ni Cristo, nga an kalag han katawhan in igbabalik ha iya lawas, ngan kada parte han lawas in igbabalik ngadto ha iya kalugaringon.

3 Ngan ginkikinahanglan han hustisya han Diyos nga an tawo in paghukman subay han ira mga binuhatan; ngan kun an ira mga binuhatan hine nga kinabuhi in maupay, ngan ira hingyap liwat han ira mga abilidad in mga mag-upay, hira liwat, ha urhi nga adlaw, in igpapahiuli ngadto han maupay.

4 Ngan kun an ira mga binuhatan in maraot igpapahiuli ngadto ha ira an maraot. Sanglit, an ngatanan nga butang in igpapahiuli ha ira husto nga kabutangan, kada butang ngadto han iya igo nga balayan — an pagkamatay in pag-aalsahon ngadto ha waray kamatayon, pagkadunot ngadto ha waray pagkadunot — mabuhat ngadto han waray katapusan nga kalipayan nga makapanonod han ginhadian han Diyos, o ngadto han waray katapusan nga pagsakit ha panonod han ginhadian han yawa, an usa ha usa nga butang, ngan usa ha usa liwat —

5 An usa in bubuhaton ha kalipayan subay han iya hingyap han kalipayan, o ha kaupayan subay han iya hingyap han maupay; ngan an usa in ha maraot subay han iya hingyap han maraot; tungod kay hiya in naghingyap hin pagbuhat hin maraot ha bug-os nga oras sugad man hiya in makakakuha hin pahali pay han yawa ha pag-abot han gab-i.

6 Ngan ine in aada ha iba nga butang, kun hiya in magbasul han iya mga sala, ngan naghingyap hin kaupayan ngada han iya katapusan nga mga henerasyon, kun masugad hiya in pahahalipayan hin kaupayan.

7 Hira adton mga tinubos han Ginoo; oo, ngan hira adton mga ginkuha, ngan natalwas tikang han waray katapusan nga kasisidman han gab-i; ngan sugad man hira in matukdaw o mahuhulog; tungod kay kamatuoran, an ira kalugaringon ngahaw an maghuhukom, kun magbubuhat hin maupay o magbubuhat hin maraot.

8 Yana, an balaod han Diyos in dire mababag-o; sanglit, an dalan in nakaandam nga agud an hin-o man an naruruyag in poydi lumakat ngadto ngan matalwas.

9 Ngan yana pamati, anak ko, ayaw paghimo hin kataragman hin usa pa nga pagtipa kontra han imo Diyos ha hine nga parte han doktrina, nga imo ginprobaran ha paghimo hin pakasala.

10 Ayaw panhuna-huna, tungod kay iginyakan ko mahitungod han pagpahiuli, nga ikaw in igpapahiuli tikang ha mga sala ngadto ha kalipayan. Ungod, nasiring ako ha imo, an karat-an in dire bisan san-o pa man kalipayan.

11 Ngan yana, anak ko, ngatanan nga tawo nga aada ha kahimtang, han kinaiya akon isisiring, in lawasnon nga kahimtang, in aada ha puno nga kapaitan ngan bariga han sala; hira in waray Diyos dinhe ha kalibutan, hira in nagsupak han kinaiya han Diyos; sanglit, hira in aada ha kahimtang supak han kinaiya han kalipayan.

12 Ngan yana pagsumat, ine ba an karuyag sidngon han pulong nga paghibalik nga kuhaon an butang ha kinaiya nga kahimtang ngan ibutang ha dire kinaiya nga kahimtang, o an pagbutang hito ha kahimtang supak han iya kinaiya?

13 O, anak ko, dire ine asya; kundi an karuyag sidngon han pulong nga paghibalik in igbalik hin otro an maraot ha maraot, o an kalibutanon ha kalibutanon, an yawa ha pagkayawa — buotan ngadto ha buotan; maupay ngadto ha maupay; tangkod ngadto kamatangkod; matadong ngadto ha matadong; maloloy-on ngadto ha maloloy-on.

14 Sanglit, anak ko, kitaa nga ikaw in magin maloloy-on ngadto han imo kabugtoan; makigsabot hin tangkod, maghukom hin matadong, ngan padayon nga magbuhat hin maupay; kun imo buhaton ine nga mga buruhaton ikaw in makakakarawat hin pahalipay; oo, ngan an kaluoy in igbabalik ngadto ha imo hin otro; ngan an hustisya in igbabalik ngadto ha imo hin otro; ngan an matadong nga paghukom in igbabalik liwat ngada ha imo; ngan maupay in igpapahalipay ha imo liwat.

15 Tungod kay adton imo ginpadara in igbabalik ha imo hin otro, ngan igpapahiuli; sanglit, an pulong nga pagpahiuli magsisirot hin duro han magpakasasala, ngan hiya dire tatagan hin katadungan.