ایلما

مورمن کی کِتاب

فہرست/متن
تعارف اور گواہان
۱ نِیفی
۲ نِیفی
یعقُوب
انوس
یروم
اومنی
مورمن کا کلام
مُضایاہ
ایلما
ہیلیمن
۳ نِیفی

ایلما

باب ۱
نحُور جُھوٹی تعلِیم سِکھاتا، کلِیسیا قائم کرتا، دغاباز کاہنوں کو مُتعارف کراتا، اور جدعون کو قتل کرتا ہے—نحُور کو اِس کے جرائم کے سبب سے سزائے موت دی جاتی ہے—لوگوں میں اذیتیں اور کہانتی دغابازیاں بڑھتی ہیں—کاہن اپنی کفالت آپ کرتے ہیں، لوگ غریبوں کا خیال رکھتے ہیں اور کلِیسیا خُوش حال ہوتی ہے۔ قریباً ۹۱–۸۸ ق۔م۔
باب ۲
عملیس بادِشاہ بننے کا خواہاں ہے اور عوام کی آواز اُسے ردّ کر دیتی ہے—اُس کے پیروکار اُسے بادِشاہ بنا دیتے ہیں—عملیسی نِیفیوں سے جنگ کرتے اور شِکست کھاتے ہیں—لامنوں اور عملیسیوں کی فَوجیں اِکٹھی ہوتی ہیں اور شِکست کھاتی ہیں—ایلما عملیس کو قتل کر دیتا ہے۔ قریباً ۸۷ ق۔م۔
باب ۳
عملیسیوں نے اپنے آپ کو نبِیوں کی پیشین گوئی کے مُطابق نِشان زد کِیا—لامنی بغاوت کے سبب سے ملعُون کِیے گئے—لوگ اپنے آپ پر لعنتوں کا سبب بنتے ہیں—نِیفی لامنوں کی ایک اور فَوج کو شکست دیتے ہیں۔ قریباً ۸۷–۸۶ ق۔م۔
باب ۴
ایلما ہزاروں رُجُوع لانے والوں کو بپتسما دیتا ہے—کلِیسیا میں بدی داخل ہو جاتی ہے اور کلِیسیا کی ترقی میں رکاوٹ بنتی ہے—نِیفیہا اعلیٰ قاضی مُقرّر ہوتا ہے—ایلما اپنے آپ کو بحیثیت اعلیٰ کاہن خِدمت کے لِیے وقف کر دیتا ہے۔ قریباً ۸۶–۸۳ ق۔م۔
باب ۵
نجات پانے کے لِیے ضرُور ہے کہ اِنسان تَوبہ کریں اور خُدا کے حُکموں کو مانیں، نئے سِرے سے پَیدا ہوں، اپنے جامے مسِیح کے خُون کے وسِیلے سے پاک کریں، فروتن بنیں اور غرور اور حسد ترک کریں اور راست بازی کے کام کریں—اچھّا چرواہا اپنے لوگوں کو بُلاتا ہے—وہ جو بُرے کام کرتے ہیں، اِبلیس کی اَولاد ہیں—ایلما اپنی تعلِیم کی سچّائی کی گواہی دیتا ہے اور اِنسان کو تَوبہ کا حُکم دیتا ہے—راست بازوں کے نام زندگی کی کِتاب میں لِکھے جائیں گے۔ قریباً ۸۳ ق۔م۔
باب ۶
ضریملہ کی کلِیسیا کو پاک صاف اور مُنظم کِیا جاتا ہے—ایلما جدعون میں مُنادی کے لِیے جاتا ہے۔ قریباً ۸۳ ق۔م۔
باب ۷
مسِیح مریم سے پَیدا ہو گا—وہ موت کے بندھن کھول دے گا اور اپنے لوگوں کے گُناہوں کو اُٹھا لے گا—وہ جو تَوبہ کرتے، بپتسما لیتے اور حُکموں کو مانتے ہیں، اَبَدی زِندگی پائیں گے—نجاست خُدا کی بادِشاہی کی وارث نہیں ہو سکتی—فروتنی، اِیمان، اُمِید اور محبّت درکار ہیں۔ قریباً ۸۳ ق۔م۔
باب ۸
ایلما مُنادی کرتا اور مِلَک میں بپتسما دیتا ہے—وہ امونیہا کے مُلک میں ردّ کِیا جاتا ہے اور وہ وہاں سے چلا جاتا ہے—فرِشتہ اُسے واپس جانے اور لوگوں کو تَوبہ کے لِیے پُکارنے کا حُکم دیتا ہے—امیولک اُس کا اِستقبال کرتا ہے، اور وہ دونوں امونیہا میں مُنادی کرتے ہیں۔ قریباً ۸۲ ق۔م۔
باب ۹
ایلما، امونیہا کے لوگوں کو تَوبہ کا حُکم دیتا ہے—خُدا آخِری ایّام میں لامنوں پر رحم کرے گا—اگر نِیفی نُور کو ترک کر دیں تو وہ لامنوں کے ہاتھوں ہلاک ہوں گے—خُدا کا بیٹا جلد آئے گا—وہ اُن کو مُخلصی دے گا جو تَوبہ کرتے، بپتسما پاتے، اور اُس کے نام پر اِیمان لاتے ہیں۔ قریباً ۸۲ ق۔م۔
باب ۱۰
لحی، منسّی کی نسل سے ہے—امیولک بتاتا ہے کہ فرِشتہ نے اُسے کیسے ایلما کی دیکھ بھال کا حُکم دِیا—راست بازوں کی دُعائیں لوگوں کے بخشے جانے کا باعث بنتی ہیں—ناراست وکِیل اور قاضی لوگوں کی تباہی کی بُنیاد رکھتے ہیں۔ قریباً ۸۲ ق۔م۔
باب ۱۱
نِیفیوں کا مالی نظام واضح کِیا جاتا ہے—امیولک، زیضروم سے بحث و تکرار کرتا ہے—مسِیح لوگوں کو اُن کے گُناہوں میں نہیں بچائے گا—صِرف وہی جو آسمان کی بادِشاہی مِیراث میں پاتے ہیں، نجات پائیں گے—کُل بنی نوع اِنسان لافانیت میں زِندہ ہوں گے—مُردوں کی قیامت کے بعد کوئی موت نہیں ہے۔ قریباً ۸۲ ق۔م۔
باب ۱۲
ایلما، زِیضروم سے بحث کرتا ہے—خُدا کے بھید صِرف اِیمان داروں کو بخشے جاتے ہیں—اِنسان کی عدالت اُن کے خیالات، عقائد، کلام اور اَعمال سے ہوتی ہے—بدکار رُوحانی موت جھیلیں گے—یہ فانی زِندگی کیفیتِ کارِ آمُوزی ہے—نجات کے منصُوبہ کی بدولت مُردوں کی قیامت وقُوع پذیر ہوتی ہے، اور اِیمان کے وسِیلے سے، گُناہوں کی مُعافی—اِکلوتے بیٹے کے وسِیلے سے تائِب رحم پانے کے حق دار ہیں۔ قریباً ۸۲ ق۔م۔
باب ۱۳
آدمی اپنے بڑے اِیمان اور نیک کاموں کے وسِیلے سے اعلیٰ کاہن بُلائے جاتے ہیں—اُنھیں حُکم سِکھانے ہیں—وہ راست بازی کے وسِیلے سے پاک کِیے جاتے ہیں اور خُداوند کے آرام میں داخل ہوتے ہیں—مَلکِ صِدق اُنھی میں سے ایک تھا—فرِشتے سارے مُلک میں خُوشی کی بشارت کا اِعلان کرتے ہیں—وہ مسِیح کی سچّی آمد کی آبشارت دیں گے۔ قریباً ۸۲ ق۔م۔
باب ۱۴
ایلما اور امیولک قید میں ڈالے اور مارے پِیٹے جاتے ہیں—اِیمان داروں کو اور اُن کے پاک صحائف کو نذرِ آتش کِیا جاتا ہے—خُداوند جلال میں اِن شہِیدوں کا اِستقبال کرتا ہے—قید خانے کی دِیواریں لرزتی اور گِر جاتی ہیں—ایلما اور امیولک رہائی پاتے ہیں، اور اُن پر ظُلم کرنے والے ہلاک کِیے جاتے ہیں۔ قریباً ۸۲–۸۱ ق۔م۔
باب ۱۵
ایلما اور امیولک سدوم کو جاتے اور کلِیسیا قائم کرتے ہیں—ایلما، زیضروم کو شِفا دیتا ہے جو کہ کلِیسیا میں شامِل ہو جاتا ہے—بُہتیرے بپتسما پاتے ہیں اور کلِیسیا تقویت پاتی ہے—ایلما اور امیولک ضریملہ روانہ ہوتے ہیں۔ قریباً ۸۱ ق۔م۔
باب ۱۶
لامنی امونیہا کے لوگوں کو برباد کرتے ہیں—ضورام، نِیفیوں کو لامنوں پر فتح دِلانے کے لیے راہ نُمائی کرتا ہے—ایلما اور امیولک اور کئی دُوسرے کلام کی مُنادی کرتے ہیں—وہ سِکھاتے ہیں کہ مسِیح زِندہ ہونے کے بعد نِیفیوں پر ظاہر ہو گا۔ قریباً ۸۱–۷۷ ق۔م۔
باب ۱۷
مضایاہ کے بیٹوں کے پاس نبُوّت اور مُکاشفے کی رُوح ہے—وہ لامنوں میں کلام کی مُنادی کے لیے اپنی اپنی راہ کو جاتے ہیں—عمون، اِسماعیل کے مُلک میں جاتا ہے اور لمونی بادِشاہ کا خادِم بنتا ہے—عمون بادِشاہ کے گلّے کو بچاتا ہے اور اُس کے دُشمنوں کو سیبس کے پانیوں پر قتل کرتا ہے۔ آیات ۱–۳، قریباً ۷۷ ق۔م۔؛ آیت ۴، قریباً ۹۱–۷۷ ق۔م۔؛ اور آیات۵–۳۹، قریباً ۹۱ ق۔م۔
باب ۱۸
لمونی بادِشاہ عمون کو عظیم رُوح خیال کرتا ہے—عمون، بادِشاہ کو تخلیق، خُدا کے اِنسان کے ساتھ مُعاملات اور مسِیح کے وسیلے سے عطا ہونے والی مُخلصی کی بابت تعلِیم دیتا ہے—لمونی اِیمان لاتا ہے اور مُردے کی مانِند زمِین پر گر جاتا ہے۔ قریباً ۹۰ ق۔م۔
باب ۱۹
لمونی اَبَدی زِندگی کا نُور پاتا ہے اور مُخلصی دینے والے کو دیکھتا ہے—اُس کا گھرانا عالمِ ملکُوت کی سیر کرتا ہے، اور بُہتیرے فرِشتوں کو دیکھتے ہیں—عمون مُعجزانہ طور پر بچایا جاتاہے—وہ بُہتوں کو بپتِسما دیتا اور اُن کے ہاں کلِیسیا قائم کرتا ہے۔ قریباً ۹۰ ق۔م۔
باب ۲۰
خُداوند عمون کو اپنے قیدی بھائیوں کی رہائی کے لیے مدونی بھیجتا ہے—عمون اور لمونی، لمونی کے باپ سے مِلتے ہیں جو پُورے مُلک کا بادِشاہ ہے—عمون، بُوڑھے بادِشاہ کو اپنے بھائیوں کی رہائی کی منظُوری کے لیے مجبُور کرتا ہے۔ قریباً ۹۰ ق۔م۔
باب ۲۱
ہارُون، عمالیقیوں کو مسِیح اور اُس کے کَفّارے کی بابت تعلِیم دیتا ہے—ہارُون اور اُس کے ہم خِدمت بھائی مدونی میں قید کِیے جاتے ہیں—اپنی رہائی کے بعد، وہ عِبادت خانوں میں تعلِیم دیتے ہیں اور بُہتیرے رُجُوع لاتے ہیں—لمونی، وطنِ اِسماعیل کے لوگوں کو مذہبی آزادی دیتا ہے۔ قریباً ۹۰–۷۷ ق۔م۔
باب ۲۲
ہارُون، لمونی کے باپ کو تخلیق، آدم کی زوال پذیری اور مسِیح کے وسیلے سے مُخلصی کے منصوبے کی بابت سِکھاتا ہے—بادِشاہ اور اُس کا سارا گھرانا رُجُوع لاتا ہے—نیفیوں اور لامنوں کے مابین زمِین کی تقسیم کی تفصِیل بیان کی گئی ہے۔ قریباً ۹۰–۷۷ ق۔م۔
باب ۲۳
مذہبی آزادی کا اِعلان کِیا جاتا ہے—سات عِلاقوں اور شہروں میں لامنی اِیمان لاتے ہیں—وہ خُود کو عنتی‐نِیفی‐لِحی کہتے ہیں اور لعنت سے آزاد کِیے جاتے ہیں—عمالیقی اور عملونی سچّائی کو رَدّ کرتے ہیں۔ قریباً ۹۰–۷۷ ق۔م۔
باب ۲۴
لامنی خُدا کی اُمّت کے خِلاف چڑھ آتے ہیں—عنتی‐نِیفی‐لِحی، مسِیح میں شادمان ہوتے ہیں اور فرِشتے اُن کی مُلاقات کے لِیے آتے ہیں—وہ اپنا دِفاع کرنے کی بجائے موت کو گلے لگاتے ہیں—مزید بے شُمار لامنی اِیمان لے آتے ہیں۔ قریباً ۹۰–۷۷ ق۔م۔
باب ۲۵
لامنی جارجیت پھیلتی جاتی ہیں—نوح کے کاہنوں کی اَولاد ابینادی کی نبُوّت کے مُطابق برباد ہوتی ہے—بُہت سے لامنی اِیمان لاتے ہیں اور عنتی‐نِیفی‐لِحی کے لوگوں میں شامِل ہوتے ہیں—وہ مسِیح پر اِیمان لاتے اور مُوسیٰ کی شریعت پر عمل کرتے ہیں۔ قریباً ۹۰–۷۷ ق۔م۔
باب ۲۶
عمون خُداوند میں شادمان ہوتا ہے—اِیمان دار خُداوند کے وسیلے سے تقوِیّت پاتے ہیں اور اُنھیں معرفت عطا کی جاتی ہے—اِیمان کے وسِیلے سے اِنسان ہزاروں جانوں کو تَوبہ کی طرف لا سکتا ہے—قُدرتِ کامِلہ خُدا کے پاس ہے اور اُس کو ہر شَے کا اِدراک ہے۔ قریباً ۹۰–۷۷ ق۔م۔
باب ۲۷
خُداوند عنتی‐نِیفی‐لِحی کی اُمّت کو محفُوظ جگہ پر لے جانے کے لِیے عمون کو قیادت کرنے کا حُکم دیتا ہے—ایلما سے مُلاقات کے موقعہ پر، عمون اِس قدر خُوش ہوتا ہے کہ اُس کی ہمت جواب دے جاتی ہے—نیفی، عنتی‐نِیفی‐لِحی کے لوگوں کو یرشون کا مُلک دے دیتے ہیں—وہ عمون کی اُمّت کہلاتے ہیں۔ قریباً ۹۰–۷۷ ق۔م۔
باب ۲۸
لامنوں کو خَوف ناک جنگ میں شِکست ہوتی ہے—ہزارہا قتل ہوتے ہیں—بدکاروں کو دائمی پژمُردہ حالت کے سپُرد کِیا جاتا ہے، راست باز ہمیشہ کی اِقبال مندی پاتے ہیں۔ قریباً ۷۷–۷۶ ق۔م۔
باب ۲۹
ایلما فرِشتوں کے سے جوش کے ساتھ تَوبہ کی مُنادی کی آرزُو کرتا ہے—خُداوند سب قَوموں کے واسطے مُعلمین مُہیا کرتا ہے—ایلما کارِ خُداوندی اور عمون اور اُس کے ہم خِدمت بھائیوں کی کامیابی پر فخر کرتا ہے۔ قریباً ۷۶ ق۔م۔
باب ۳۰
مُخالفِ مسِیح قوریحر، مسِیح، کَفارہ، اور نبُوّت کے رُوح کی تحقِیر کرتا ہے—وہ سِکھاتا ہے کوئی خُدا نہیں، اِنسان کی زوال پذیری نہیں، گُناہ کی سزا نہیں، اور مسِیح کا وجُود نہیں—ایلما گواہی دیتا ہے کہ مسِیح آئے گا اور ہر شَے یہ ظاہر کرتی ہے کہ خُدا ہے—قوریحر نِشان کا تقاضا کرتا ہے اور گونگا کر دِیا جاتا ہے—اِبلِیس فرِشتہ بن کر قوریحر پر ظاہر ہوتا اور اُسے بتاتا ہے کہ کیا کہنا ہے—قوریحر پَیروں تلے روندا جاتا اور مرتا ہے۔ قریباً ۷۶–۷۴ ق۔م۔
باب ۳۱
ایلما برگشتہ بنی ضورام کی کارِ اِصلاح کے لِیے قیادت سنبھالتا ہے—بنی ضورام مسِیح کا اِنکار کرتے، اپنے برگُزِیدہ ہونے کے غلط تصُّور پر اِعتقاد رکھتے، اور مُعیّن دُعاؤں کے ساتھ عِبادت کرتے—مُبلغِین رُوحُ القُدس سے مَعمُور ہو جاتے ہیں—اُن کے مُصائب و الام مسِیح کی خُوشی میں سما جاتے ہیں۔ قریباً ۷۴ ق م۔
باب ۳۲
ایلما مسکِینوں و مُحتاجوں کو تعلِیم دیتا ہے جِن کے مُصائب و آلام نے اُنھیں فروتن بنا دِیا تھا—اِیمان اُس اَن دیکھی شَے پر توکّل کا نام ہے جو سچّی ہے—ایلما گواہی دیتا ہے کہ فرِشتے مردوں، عورتوں اور بچّوں کی خِدمت گُزاری کرتے ہیں—ایلما کلام کو بِیج سے تشبِیہ دیتا ہے—اِس کو بونا اور اِس کی آبیاری کرنا اِنتہائی لازِم ہے—پِھر یہ بڑھ کر شجر بنتا ہے جِس سے اَبَدی زِندگی کا پھل کھایا جاتا ہے۔ قریباً ۷۴ ق۔م۔
باب ۳۳
ذینوس نے تعلِیم دی کہ لوگ ہر جگہ دُعا اور عِبادت کریں، اور یہ کہ بیٹے کے سبب سے سزائیں موقُوف کر دی گئی ہیں—ذینوق نے سِکھایا کہ بیٹے کے وسِیلے سے رحم کِیا جاتا ہے—مُوسیٰ نے بِیابان میں خُدا کے بیٹے کا نِشان بُلند کِیا تھا۔ قریباً ۷۴ ق۔م۔
باب ۳۴
امیولک گواہی دیتا ہے کہ کلمہِ نجات مسِیح میں ہے—اگر کَفارہ ادا نہیں کِیا جاتا، تو کُل بنی نوع اِنسان کا ہلاک ہونا لازِم ہے—مُوسیٰ کی ساری شریعت خُدا کے بیٹے کی قُربانی کی طرف اِشارہ کرتی ہے—اَبَدی مُخلصی کے منصُوبے کی بُنیاد اِیمان اور تَوبہ پر ہے—دُنیاوی اور رُوحانی برکتوں کے لِیے دُعا کرو—اِنسان کی خُدا سے مُلاقات کے واسطے یہ زِندگی تیاری کرنے کا وقت ہے—خُدا کے سامنے خَوف کھاتے ہُوئے اپنی نجات کے کام کِیے جاؤ۔ قریباً ۷۴ ق۔م۔
باب ۳۵
کلام کی مُنادی بنی ضورام کی عیّاری و مکاری کو تباہ و برباد کر دیتی ہے—وہ رُجُوع لانے والوں کو خارج کر دیتے ہیں، جو پھر یرشون میں عمون کی اُمّت میں شامِل ہوتے ہیں—ایلما لوگوں کی بدی کے باعث نہایت ملُول ہوتا ہے۔ قریباً ۷۴ ق۔م۔
باب ۳۶
ایلما، ہیلیمن کو فرِشتہ دیکھنے کے بعد اپنے رُجُوع کی بابت بتاتا ہے—وہ ملعُون جان کے دُکھ اور درد برداشت کرتا ہے؛ وہ یِسُوع کا نام پُکارتا ہے اور تب خُدا میں پَیدا ہوتا ہے—اُس کی جان شِیریں راحت سے معمُور ہو گئی—اُس نے فرِشتوں کے بے شمار لشکروں کو خُدا کی تمجید و ستایش کرتے دیکھا—جَیسے اُس نے چکھا اور دیکھا ویسے ہی بُہت سے رُجُوع لانے والوں نے چکھا اور دیکھا ہے۔ قریباً ۷۴ ق۔م۔
باب ۳۷
پِیتل کے اَوراق اور دُوسرے نوِشتے رُوح کو نجات کی طرف لانے کے لِیے محفُوظ کیِے جاتے ہیں—بنی یارد اپنی بدکاری کے سبب سے نیست و نابُود ہُوئے—ضرُور ہے کہ اُن کی خُفِیہ قَسمیں اور مُعاہدے لوگوں سے دُور رکھے جائیں—اپنے سب کاموں میں خُداوند سے مشورت کر—جِس طرح لیحونا نے بنی نِیفی کی ہدایت فرمائی اِسی طرح مسِیح کا کلام بنی نوع اِنسان کی اَبَدی زِندگی کی طرف راہ نُمائی کرتا ہے۔ قریباً ۷۴ ق۔م۔
باب ۳۸
شبلون راست بازی کے سبب سے ستایا گیا تھا—نجات مسِیح میں ہے، جو زِندگی اور دُنیا کا نُور ہے—اپنے تمام جوش و جذبات کو قابُو میں رکھو۔ قریباً ۷۴ ق۔م۔
باب ۳۹
جنسی گُناہ مکرُوہ ہے—کوری عنتن کے گُناہوں نے بنی ضورام کو کلام قُبول کرنے سے دُور رکھا—وہ اِیمان دار جو مسِیح کی مُخلصی سے پہلے وفات پاگئے ہیں بچائے جائیں گئے۔ قریباً ۷۴ ق۔م۔
باب ۴۰
مسِیح ہر بشر کی قیامت کو مُمکن بناتا ہے—مرنے کے بعد راست باز لوگ فِردَوس میں جاتے ہیں اور بدکار لوگ باہر اِندھیرے میں اپنے روزِ قیامت کا اِنتظار کرتے ہیں—قیامت کے دِن ساری چِیزیں اپنی اصل اور کامل حالت میں بحال کی جائیں گی۔ قریباً ۷۴ ق۔م۔
باب ۴۱
مُردوں کی قیامت میں اِنسان دائمی اِقبال مندی یا اَزلی بدحالی کی حالت میں قبروں سے باہر آتے ہیں—بدی خُوش بختی کبھی نہ تھی—نفسانی بشر اِس دُنیا میں خُدا کی دست گِیری سے محرُوم ہیں—بحالی میں ہر شخص اُن خصائص اور وصائف کو پھر سے پا لیتا ہے جو اُس نے فانی زِندگی میں حاصِل کِیے تھے۔ قریباً ۷۴ ق۔م۔
باب ۴۲
فانی زِندگی زمانہَ کارِ آموزی ہے جو اِنسان کو تَوبہ اور خُدا کی خِدمت کرنے کے لایق بناتا ہے—آدم کی زوال پذیری کُل بنی نوع اِنسان کے لِیے جِسمانی اور رُوحانی موت لائی—مُخلصی تَوبہ کی بدولت عطا ہوتی ہے—خُدا خُود جہان کے گُناہوں کا کَفارہ اَدا کرتا ہے—رحم اُن کے لِیے ہے جو تَوبہ کرتے ہیں—باقی سب اِنسان خُدا کے اِنصاف کے تحت ہیں—رحم کَفارہ کی بدولت نازِل ہوتا ہے—فقط سچّے تائب نجات پائیں گے۔ قریباً ۷۴ ق۔م۔
باب ۴۳
ایلما اور اُس کے بیٹے کلام کی مُنادی کرتے ہیں—بنی ضورام اور دِیگر مُنحرف نِیفی، بنی لامن بن جاتے ہیں—بنی لامن، بنی نِیفی کے خِلاف جنگ کے لِیے آتے ہیں—مرونی بنی نِیفی کو دِفاعی زِرہ بکتر سے مُسلح کرتا ہے—خُداوند بنی لامن کی حِکمتِ عملی کو ایلما پر ظاہر کرتا ہے—بنی نِیفی اپنے گھروں، آزادی، خاندانوں اور اِیمان کا دِفاع کرتے ہیں—مرونی اور لِحی کی فَوجیں بنی لامن کو گھیر لیتی ہیں۔ قریباً ۷۴ ق۔م۔
باب ۴۴
مرونی بنی لامن کو حُکم دیتا ہے کہ صُلح کا معاہدہ کریں یا ہلاک ہوں—ضریمنہ پیش کش کو رد کر دیتا ہے اور جنگ پھر سے جاری ہو جاتی ہے—مرونی کی فَوجیں بنی لامن کو شِکست دیتی ہیں۔ قریباً ۷۳–۷۴ ق۔م۔
باب ۴۵
ہیلیمن ایلما کی باتوں کا یقِین کرتا ہے—ایلما بنی نِیفی کی تباہی کی پیشین گوئی کرتا ہے—وہ زمِین پر برکت دیتا اور لعنت بھیجتا ہے—مُمکن ہے کہ، ایلما کو موسیٰ کی مانِند رُوح کے وسِیلے سے اُوپر اُٹھا لِیا گیا ہو—کلِیسیا میں فساد بڑھتا ہے۔ قریباً ۷۳ ق۔م۔
باب ۴۶
عیمالیقیہ، بادِشاہ بننے کے لِیے سازِش کرتا ہے—مرونی آزادی کا پرچم بُلند کرتا ہے—وہ لوگوں کو اُن کے مذہب کے دِفاع کے لِیے مُتحد کرتا ہے—حقیقی اِیمان لانے والے مسِیحی کہلاتے ہیں—یُوسف کے بقیہ کو محفُوظ رکھا جائے گا—عمالیقیہ اور سرکش نِیفی کے مُلک فرار ہوتے ہیں—جو آزادی کی جدوجہد کی حمایت نہیں کرتے اُنھیں موت کے گھاٹ اُتار دِیا جاتا ہے۔ قریباً ۷۲–۷۳ ق۔م۔
باب ۴۷
عیمالیقیہ بنی لامن کا بادِشاہ بننے کے لِیے فریب، قتل اور سازباز کرتا ہے—سرکش نِیفی بنی لامن سے زیادہ بدکار اور سفاک ہیں۔ قریباً ۷۲ ق۔م۔
باب ۴۸
عیمالیقیہ بنی لامن کو بنی نِیفی کے خِلاف اُکساتا ہے—مرونی اپنی اُمّت کو مسِیحیوں کی جدوجہد کے دِفاع کے لِیے تیار کرتا ہے—وہ آزادی اور حُرِیّت سے شادمان ہوتا ہے اور زورآور مردِ خُدا ہے۔ قریباً ۷۲ ق۔م۔
باب ۴۹
حملہ آور بنی لامن، امونیہا اور نوح کے قلعہ بند شہروں پر قابض ہونے میں، ناکام ہوتے ہیں—عیمالیقیہ خُدا کو لعن طعن کرتا ہے اور مرونی کا خُون پِینے کی قَسم کھاتا ہے—ہیلیمن اور اُس کے بھائی کلِیسیا کو مضبُوط و مُستحکم کرتے رہتے ہیں۔ قریباً ۷۲ ق م۔
باب ۵۰
مرونی بنی نِیفی کے عِلاقوں کی قلعہ بندی کرتا ہے—وہ کئی نئے شہر تعمیر کرتے ہیں—بنی نِیفی پر اُن کی بدکاریوں اور مکروہات کے ایّام میں جنگیں اور تباہیاں برپا ہوتی ہیں—موریعنتن اور اُس کے باغی تینعقم سے شِکست کھاتے ہیں—نیفیہاہ وفات پاتا، اور اُس کا بیٹا فحورن تختِ عدالت پر بیٹھتا ہے۔ قریباً ۷۲–۶۷ ق۔م۔
ایلما ۵۱
شاہ پرست قانُون میں تبدیلی اور بادِشاہ کی تقرری کے خواہاں ہیں—لوگ رائے دہی کے ذریعے سے فحورن اور حُرِیّت و عہد پسندوں کی حمایت کرتے ہیں—مرونی شاہ پرستوں کو مجبُور کرتا ہے کہ وہ مُلک کا دِفاع کریں ورنہ مارے جائیں گے—عیمالیقیہ اور بنی لامن بُہت سے قلعہ بند شہروں پر قبضہ کر لیتے ہیں—تیعنقم لامنوں کو پَسپا کرتا اور عیمالیقیہ کو اُس کے خیمہ میں قتل کر دیتا ہے۔ قریباً ۶۷–۶۶ ق۔م۔
باب ۵۲
عیمرون عیمالیقیہ کی جگہ بنی لامن کا بادِشاہ بنتا ہے—مرونی، تیعنقم، اور لِحی بنی لامن کے خِلاف فاتحانہ جنگ میں بنی نِیفی کی قیادت کرتے ہیں—میولک کا شہر دُوبارہ لے لِیا جاتا ہے، اور یعقُوب ضورامی قتل کِیا جاتا ہے۔ قریباً ۶۴–۶۶ ق۔م۔
باب ۵۳
بنی لامن قیدیوں کو فراوانی کے شہر کی قلعہ بندی کرنے کے لِیے اِستعمال کِیا جاتا ہے—بنی نِیفی کے باہمی تنازعات بنی لامن کی فتوحات کا سبب بنتے ہیں—ہیلیمن، بنی عمون کے دو ہزار نوجوان فرزندوں کی کمان سنبھالتا ہے۔ تقریباً۶۴–۶۳ ق۔م۔
باب ۵۴
عیمرون اور مرونی قیدیوں کے تبادلہ کے لِیے بات چیت کرتے ہیں—مرونی مُطالبہ کرتا ہے کہ بنی لامن اپنی فَوجیں نِکالیں اور خُونی حملوں سے باز آئیں—عیمرون، بنی نِیفی کو ہتھیار ڈالنے اور بنی لامن کے مُطیع ہونے کا مُطالبہ کرتا ہے۔ قریباً ۶۳ ق۔م۔
باب ۵۵
مرونی قیدیوں کا تبادلہ کرنے سے اِنکار کرتا ہے—بنی لامن کے مُحافظوں کو مَے پِینے کے لِیے ورغلایا جاتا ہے، اور نِیفی قیدی آزاد کرا لِیے جاتے ہیں—جد کے شہر پر خُون ریزی کے بغیر قبضہ کر لِیا جاتا ہے۔ قریباً ۶۳–۶۲ ق۔م۔
باب ۵۶
ہیلیمن، مرونی کو خط بھیجتا ہے، جِس میں وہ بنی لامن کے ساتھ جنگ کی صُورتِ حال کا تذکرہ کرتا ہے—انتیپاس اور ہیلیمن بنی لامن پر بُہت بڑی فتح پاتے ہیں—ہیلیمن کے دو ہزار نوجوان فرزندان مُعجزانہ قُدرت کے ساتھ لڑتے ہیں، اور اُن میں سے کوئی بھی ہلاک نہیں ہوتا۔ آیت ۱، قریباً ۶۲ ق۔م؛ آیات ۲–۱۹، قریباً ۶۶ ق۔م؛ اور آیات ۲۰–۵۷، قریباً ۶۵–۶۴ ق۔م۔
باب ۵۷
ہیلیمن، انتیپارا کی فتح اور سُپردگی اور بعد میں قُمنی کے دِفاع کے بارے میں بیان کرتا ہے—اُس کے عمونی جواں مرد دلیری سے لڑتے ہیں؛ سب زخمی ہوتے ہیں، لیکن کوئی مارا نہیں جاتا—جد لامنی قیدیوں کے قتل اور فرار کی خبر دیتا ہے۔ قریباً ۶۳ ق۔م۔
باب ۵۸
ہیلیمن، جد اور تیعومنر حِکمتِ عملی کے ساتھ مانٹی کے شہر پر قابض ہوتے ہیں—بنی لامن پسپا ہوتے ہیں—بنی عمون کے بیٹے بچائے جاتے ہیں چُوں کہ وہ اپنی آزادی اور عقِیدے کے تحفُظ کے لِیے ثابت قدم رہتے ہیں۔ قریباً ۶۳–۶۲ ق۔م۔
باب ۵۹
مرونی، فحورن کو ہیلیمن کی فَوجوں کو مضبُوط کرنے کے لِیے کہتا ہے—لامنی نیفیہا کے شہر پر قبضہ کر لیتے ہیں—مرونی حُکُومت پر خفا ہوتا ہے۔ قریباً ۶۲ ق۔م۔
باب ۶۰
مرونی، فحورن سے حُکُومت کی فَوجوں کے ساتھ عدم توجہ کی شکایت کرتا—خُداوند راست بازوں کو ہلاک ہونے دیتا ہے—بنی نِیفی کو اپنی ساری طاقت اور وسائل اپنے آپ کو اپنے دُشمنوں سے بچانے کے لِیے اِستعمال کرنے پڑتے ہیں—مرونی حُکُومت کے خِلاف بغاوت کی دھمکی دیتا ہے سِوا اِس کے کہ اُس کی فَوجوں کو مدد فراہم کی جائے۔ قریباً ۶۲ ق۔م۔
باب ۶۱
فحورن، مرونی کو حُکُومت کے خِلاف بَلوے اور بغاوت کے مُتعلق بتاتا ہے—شاہ پرست ضریملہ کو چِھین لیتے اور بنی لامن کے اتحادی بن جاتے ہیں—فحورن باغیوں کے خِلاف فَوجی مدد مانگتا ہے۔ قریباً ۶۲ ق۔م۔
باب ۶۲
مرونی جدعون کے عِلاقہ میں فحورن کی مدد کے لِیے پیش قدمی کرتا ہے—شاہ پرست جو اپنے مُلک کا دِفاع کرنے سے اِنکار کرتے ہیں، ہلاک کر دِیے جاتے ہیں—فحورن اور مرونی، نِیفیہا کو دوبارہ فتح کر لیتے ہیں—کئی بنی لامن عمون کی قَوم میں شامِل ہو جاتے ہیں—تیعنقم عیمرون کو قتل کر دیتا ہے اور جِس کے نتِیجہ میں قتل کِیا جاتا ہے—بنی لامن کو مُلک سے بھگا دِیا جاتا ہے اور اَمن و امان قائم کِیا جاتا ہے—ہیلیمن خِدمت گُزاری کی طرف لَوٹ آتا ہے اور کلِیسیا کی تعمیر و ترقی کرتا ہے۔ قریباً ۶۲–۵۷ ق۔م۔
باب ۶۳
شِبلون اور بعد میں ہیلیمن کو مُقدّس نوِشتوں کی اَمانت سونپی جاتی ہے—بُہتیرے نِیفی شِمالی عِلاقہ جات کی طرف روانہ ہوتے ہیں—ہاجوتھ کشتیاں بناتا ہے، جو کہ مغربی سَمُندر میں بادگِیر ہیں—مرونِیہا بنی لامن کو لڑائی میں شِکست دیتا ہے۔ قریباً ۵۶–۵۲ ق۔م۔