Ang
Basahon ni Mormon

Mao nga, usa kini ka minubo sa talaan sa katawhan ni Nephi, ug sa mga Lamanita usab—Gisulat alang sa mga Lamanita, kinsa mga salin sa balay ni Israel; ug alang usab sa Judeo ug sa Hentil—Gisulat pinaagi sa sugo, ug usab sa espiritu sa panagna ug sa pagpadayag—Gisulat ug giselyohan, ug gitipigan ngadto sa Ginoo, aron dili kini madaot—Nga motungha pinaagi sa gasa ug gahom sa Dios ngadto sa kahubaran niini—Giselyohan pinaagi sa kamot ni Moroni, ug gitipigan ngadto sa Ginoo, nga motungha sa tukmang panahon pinaagi sa Hentil—Ang kahubaran niini pinaagi sa gasa sa Dios.

Usa ka pagpamubo nga gikuha gikan usab sa Basahon ni Ether, nga usa ka talaan sa katawhan ni Jared, kinsa nagkatibulaag dihang gilibog sa Ginoo ang pinulongan sa katawhan, samtang nagtukod sila og tore aron makaabot sa langit—Nga ikapakita sa salin sa balay ni Israel unsa nga mahinungdanong mga butang ang gihimo sa Ginoo alang sa ilang mga amahan; ug aron mahibaloan nila ang mga pakigsaad sa Ginoo, nga dili sila ipahimulag sa kahangtoran—Ug sa pag-agni usab sa Judeo ug sa Hentil nga si Jesus mao ang Kristo, ang Dios sa Kahangtoran, nga nagpaila sa iyang kaugalingon ngadto sa tanang kanasoran—Ug karon, kon aduna may kasaypanan kini mga sayop sa mga tawo; mao nga, ayaw ipanghimaraot ang mga butang sa Dios, aron makaplagan kamo nga walay lama sa hukmanan ni Kristo.