Mormónpaj Quilcashca

Chaimanda, cai can Nefipaj llactapuracunapaj quilcashcamanda shuj ashallayachishca, Lamanitacunapapash—Quilcashca Lamanitacunapa, picuna can Israelpaj huasipaj puchucuna; Judíocunapapash, Gentilcunamanbash—Quilcashca rurachunbacha saquishcapaj ñanmanda, achil villachinapaj, achil ricuchinapajpash espírituhuan—Quilcashca, sellashcapash, pacashcapash Apunchijpaj munaipa, paicuna ama tucurichun—Llujshishpa Diospaj don ushaihuanbash caimanda shuj shimiman tigrachingapa—Sellashca Moronipaj maquihuan, pacashcapash Apunchijpaj munaipa, llujshichun punlla chayajpi Gentilcunamanda—Shuj tigrachingapa Diospaj ushaihuan.

Éterpaj Quilcashcamanda japishpa shuj ashallayachishcapash, imami can Jaredpaj llactapuracunapaj tandachishpa quilcashca, pimi chajchurirca imaura Apunchij pandachirca llactapuracunapaj shimirimaicunata, imaura paicuna shuj torreta ruranajurca jahua pachaman chayangapa—Cai can ricuchingapa Israelpaj huasimanda puchucunaman ima jatun cuzascuna Apunchij rurashca paicunapaj taitacunamanda; paicuna yachai ushachun Apunchijpaj conveniocunata, paicuna na calpachi tucushcapash cajta mana tucurinacaman—Crichingapapacha Judíocunata, Gentilcunata Jesús Cristo cajta, Mana Tucurina Dios, paimandallata ricurimun tucui jatun llactacunaman—Cunan, pandaicuna tiajpica runacunapaj pandaicuna can; chaimanda, ama condenaichichu Diospaj cuzascunata, mapa illa ricuringuichi Cristopaj jatun shayarina ñaupapi.

Original Inglés shimirimaiman tigrachishca jirru fangacunamanda
José Smith, Churi shuj shimirimaiman tigrachirca.

Callari Inglés edición publicarishca
Palmyrapi, Nueva York, USA, 1830