Te
Puka A Momoni

E akapapaanga akapotoia teia no runga i te au tangata o Niphai, e te ngati Lamana oki. Kua tataia ki te ngati Lamana, e toenga ratou no te ngutuare o Iseraela e pera katoa atu ki to Iuda, e ki te au Etene. Kua tataia na roto i te akaueanga, e te vaerua o te totou e te orama. Kua tataia, e i topiriia, e i uunaia te reira ki te Atu, kia kore e akakoreia. Kia riro mai ei te reira na roto i te orongaanga e te mana o te Atua, i te akauriangaia o te reira. Kua topiriia e te rima o Moronai, e kua uunaia ki te Atua ra, e kia akaokiia mai i tona uaorai tuatau tikai ra, na roto ïa i te Etene. Kareka te akaurianga ra o te reira, e mea oronga uaia mai ïa e te Atua.

E akapotoanga katoa tetai tei raveia mai mei roto i te puka a Etera, tei roto oki i reira te akapapaanga o te ngati Iareta, tei akapueurikiriki keia e te Atua i te tuatau ka tarurikeiaʼi te reo o te tangata i to ratou patu anga i tetai patu teitei kia tae atu ki te rangi. Ei akakite oki te reira ki te toenga o te ngutuare o Iseraela, i te au mea mamaata ta te Atua i rave ki to ratou ai metua, e kia kite oki ratou i te koreromotu a te Atua e kare rava ratou i akaruke takiriia, e ma te akakite katoa atu ki te ngati Iuda e te au Etene, e ko Iesu te Mesia, te Atua mutukore, tei akakite iaia uaorai ki te au basileia ravarai.

E teianei, me e tarevake tetai ra, e tarevake ïa no te tangata ua nei, e tenana, auraka e akaapa atu i te au mea o te Atua, kia tu ei kotou ki mua i te akavaanga a te Mesia ma te titoutou kore.

Te Neneianga Mua i te
Reo Beritani
1830