Te Tuatua A Nga Kite Toko Varu

Kia kite to te au basileia, e te au kopu, te au reo, e te au tangata i te au ngai e taeaiaʼi e teianei puka. Ko Iosepha Timete te tangata i akauri i teia puka, kua akaari mai kia matou i te au papa, mei tei tuatuaia, mei te auro tikai tona akaraanga, e ko te kapi tei akauriia e Iosepha Timete, ko ta matou ïa i amirimiri ki to matou rima, e kua akara oki to matou mata i te au kotikotianga, ko ta matou akaraanga, e angaanga taito, e te tuke. Ko ta matou teia e tuatua nei ma te akapapu i te reira e na Iosepha Timete tikai i akaari mai kia matou, kua akara tikai matou, e kua tataki i tona teiaa e kua kite papu e, kua rauka mai teia au papa ia Iosepha Timete, mei ta matou e tuatua ana. E te oronga nei matou i to matou au ingoa ki to te ao nei, ei kite ki to te ao nei no ta matou i akara. Ko te Atua oki tei kite i te reira, e kare matou e pikikaa.