An Patotoo Kan Walong Tagapagpatotoo

Ipinapaisi sa gabos na manga nasion, manga rasa, manga tataramon asin manga tawo, kun kiisay makakaabot an gibong ini: Na si Joseph Smith, Jun., an nagsalin kan gibong ini, ipinahiling sa samuya an manga plakeng nasabi na, na paghilingon bulawan; asin an kadakolan kan manga pahina na pinagsalin kan nasabing si Smith nakapotan kan samuyang manga kamot; asin nahiling man niamo an manga nakaukit duman, na gabos paghilingon lumang ginibohan, asin makangalas na pagkagibo. Asin ini pinapapatotoohan niamo sa manga matatanos na tataramon, na an nasabing si Smith ipinahiling sa samuya, ta nahiling niamo asin nakapotan, asin aram na totoong gayo na an nasabing si Smith nakua an manga plake na pinagsabi niamo. Asin itinatao niamo an samuyang manga pangaran sa mundo, para magpatotoo sa mundo, kan samuyang nahiling. Asin dai kami nagpuputik, Dios an nagpapatotoo kaini.