Fare Mich Ko Fa Meruk I Gidiiʼ Ni Michriy

Nge nang gubin e pi nam, nge pi mfen, nge pi thin, nge pi gidiiʼ, nra yibi taw e re muruwel ney ngoraed: Ni Joseph Smith, Jun., niʼir fare tapilyeg thin ko re muruwel ney, e ke dag ngomaed fapi yungi plate niʼir faram e kan weliy morngaʼagen, ni boed ramaʼen e gol; nge urngin yang ni yoeg Smith ni ke pilyeg e thin riy e rug koled nga paaʼ maed; ma kug guyed fapi yol ni kan ker nga dakean, ni gubin ma be yibi mʼug ni boed e muruwel ni kakrom, ma rib felʼ rogon i muruwliy. Ma pinnʼey e kug yoloeyed babyoren nrib tamilang e thin riy, ni faʼanem i Smith e ke dag ngomaed, ya kug guyed ma kug koled nggu chibyed ngalang, ma kari mudugil u wunʼmaed ni faʼanem i Smith e kefek fa yungi plates niʼir faram e kug weliyed morngaʼagen. Ma kug piiʼed fithingmaed nga fayleng, ni nggu micheged ko fayleng e pinʼen ni kug guyed. Ma dagur baen gaed, Got e mich riy.