1 Kag karon ako, si Moroni, nagsulat sang mga pulong nga ginsugo sa akon, suno sa akon madumduman; kag nasugiran ko na kamo sang mga butang nga akon ginselyohan; gani indi pagtanduga ang mga ini agud malubad ninyo; kay ina nga butang ginadumilian sa inyo, luwas lang nga sa tion nga mangin kinaalam ini sa Dios.

2 Kag tan-awa, mahimo nga may pribilihiyo kamo nga mapakita ninyo ang mga lamina sa ila nga magabulig sa pagpatuman sining buluhaton;

3 Kag sa tatlo ipakita ang mga ini paagi sa gahum sang Dios; gani mahibal-an nila sing pat-od nga ining mga butang matuod.

4 Kag sa baba sang tatlo ka saksi ining mga butang pagalig-onon; kag ang testimonya sang tatlo, kag sang sini nga kasulatan, nga sa diin ipakita ang gahum sang Dios kag amo man ang iya pulong, nga parte sini ang Amay, kag ang Anak, kag ang Balaan nga Espiritu nagapamatuod—kag ini tanan magatindog bilang testimonya batok sa kalibutan sa katapusan nga adlaw.

5 Kag kon maghinulsol sila kag magpalapit sa Amay sa ngalan ni Jesus, pagabatonon sila sa ginharian sang Dios.

6 Kag karon, kon wala ako sing awtoridad para sa sining mga butang, kamo ang maghukom; kay mahibal-an ninyo nga may awtoridad ako kon makita ninyo ako, kag magatindog kita sa atubang sang Dios sa katapusan nga adlaw. Amen.