Etera

Pāpa’ira’a mo’a

Buka a Moromona

Mau mea i roto
Te ’ōmuara’a ’e te mau ’ite
1 Nephi
2 Nephi
Iakoba
Enosa
Iaroma
Omoni
Mau Parau a Moromona
Mosia
Alama
Helamana
3 Nephi
4 Nephi
Moromona
Etera
Moroni

Etera

Pene 1
’Ua ha’apoto Moroni i te mau pāpa’ira’a a Etera—’Ua fa’a’itehia mai te tuatāpapara’a tupuna o Etera—’Aita te reo o te mau ’āti Iareda i fa’ahuru-’ē-hia i te Pare i Babela—’Ua fafau te Fatu ’ia arata’i ia rātou i te hō’ē fenua maita’i roa ’e ’ia fa’ariro ia rātou ’ei nūna’a rahi.
Pene 2
Tē fa’aineine ra te mau ’āti Iareda nō tō rātou tere i te fenua i fafauhia ra—E fenua maita’i roa a’e teie ’e i reira ho’i e mea ti’a roa i te mau ta’ata ’ia tāvini i te Mesia ’e ’aore rā e tāpū-’ē-hia atu rātou—’Ua paraparau te Fatu i te taea’e o Iareda e toru hora te maoro—’Ua hāmani te mau ’āti Iareda i te mau pahī—’Ua ani te Fatu i te taea’e o Iareda ’ia fa’ata’a mai nāhea ’ia ha’amāramarama i roto i te mau pahī.
Pene 3
’Ua ’ite atu te taea’e o Iareda i te manimani rima o te Fatu ’a tāpe’a mai ai ’oia i te mau ’ōfa’i hō’ē ’ahuru ’e ma ono—’Ua fa’a’ite mai te Mesia i tōna tino vārua i te taea’e o Iareda—E’ita roa e ti’a i te feiā ’o tei fāri’i i te ’ite parauti’a roa ’ia tāpe’ahia i te tahi pae mai o te pāruru—’Ua fa’aineinehia te feiā ’īriti parau nō te ha’amāramarama mai i te pāpa’a parau ’ati Iareda.
Pene 4
’Ua fa’auehia Moroni ’ia tāpiri i te mau pāpa’ira’a a te taea’e o Iareda—E’ita roa te reira e fa’aho’ihia mai ē tae roa ’ua rahi te fa’aro’o o te ta’ata nei mai tō te taea’e o Iareda te huru—Tē fa’aue mai nei te Mesia i te ta’ata nei ’ia ti’aturi i tāna mau parau ’e i te mau parau a tāna mau pipi—’Ua fa’auehia te ta’ata nei ’ia tātarahapa, ’ia ti’aturi i te ’evanelia, ’e ’ia fa’aorahia.
Pene 5
E riro nā ’ite to’otoru ’e te ’ohipa iho ’ei fa’a’itera’a pāpū nō te parau mau o te Buka a Moromona.
Pene 6
’Ua tūra’ihia te mau pahī o te mau ’ati Iareda e te mau mata’i ē tae roa atu i te fenua i fafauhia ra—’Ua ’ārue atu te mau ta’ata i te Fatu nō tōna maita’i—’Ua mā’itihia Oriha ’ei ari’i i ni’a a’e ia rātou—’Ua pohe Iareda ’e tōna taea’e.
Pene 7
’Ua fa’atere ari’i Oriha ma te parauti’a—I rotopū i te ’ohipa harura’a mana ’e te mārōra’a, ’ua fa’atupuhia ihora nā bāsileia ’enemi o Sule ’e Kohora—’Ua fa’ahapa te mau peropheta i te mau ’ohipa ’ī’ino ’e te ha’amori ’īdolo a te mau ta’ata, ’e ’ua tātarahapa rātou i muri iho.
Pene 8
’Ua tupu te tama’i ’e te mārōra’a nō ni’a i te bāsileia—’Ua fa’atupu Akisa i te tapura’a i rotopū i te mau melo nō te pupu ’ohipa huna ’ia taparahi i te ari’i—Nā te diabolo teie mau pupu ’ohipa huna ’e nā te reira e ha’amou i te mau nūna’a—’Ua fa’aarahia mai te mau ’Ētene nō teie ’anotau ’ia ara i te pupu ’ohipa huna ’o tē ’imi ra i te rāve’a ’ia ha’amou i te ti’amāra’a o te mau fenua ato’a, te mau nūna’a ato’a, ’e te mau vāhi ato’a.
Pene 9
’Ua he’e noa te bāsileia mai te metua tāne ē tae atu i te tamaiti, ’e nā roto i te ’ohipa huna, ’e te taparahira’a ta’ata—’Ua ’ite atu Emera i te Tamaiti nō te parauti’a—E rave rahi peropheta i a’o atu i te parau nō te tātarahapa—’Ua ha’afifihia te mau ta’ata nā roto i te o’e ’e te mau ’ōphī ta’ero.
Pene 10
’Ua mono te hō’ē ari’i i te tahi iho ari’i—E mea parauti’a te tahi mau ari’i ; e mea parauti’a ’ore te tahi pae—’ia tupu te parauti’a, e ha’amaita’ihia te mau ta’ata ’e e ha’amanuiahia rātou e te Fatu.
Pene 11
’Ua rahi roa te ’arora’a, te mārōra’a, ’e te mau ’ohipa ’ī’ino i roto i te orara’a o te mau ’āti Iareda—’Ua tohu te mau peropheta e ha’amou-roa-hia te mau ’āti Iareda maori rā ’ia tātarahapa rātou—’Ua pāto’i te mau ta’ata i te mau parau a te mau peropheta.
Pene 12
’Ua a’o atu te peropheta Etera i te mau ta’ata ’ia ti’aturi i te Atua—’Ua fa’ati’a atu Moroni i te mau mea māere ’e te ’ūmere ’o tē tupu nā roto i te fa’aro’o—Nā roto i te fa’aro’o i ti’a ai i te taea’e o Iareda ’ia hi’o atu i te Mesia—’Ua hōro’a mai te Fatu i te paruparu i te ta’ata nei ’ia ti’a ia rātou ’ia fāri’i i te ha’eha’a—’Ua fa’anu’u te taea’e o Iareda i te mou’a Zerina nā roto i te fa’aro’o—E mea tītauhia te fa’aro’o, te ti’aturi, ’e te here nō te fāri’i i te fa’aorara’a—’Ua ’ite mata Moroni ia Iesu.
Pene 13
’Ua parau mai Etera nō ni’a i te Ierusalema ’Āpī ’o tē patuhia i ni’a i te fenua Amerika e te hua’ai o Iosepha—’Ua tohu ’oia, ’e ’ua ti’avaruhia ’oia, ’e ’ua pāpa’i ’oia i te ’ā’amu o te ’ati Iareda, ’e ’ua fa’a’ite ātea ’oia i te ha’amoura’ahia o te mau ’ati Iareda—’Ua tupu rahi te ’arora’a i ni’a i te fenua tā’āto’a.
Pene 14
Nā te mau ’ohipa ’ī’ino a te mau ta’ata i fa’atae mai i te ’anatemara’a i ni’a i te fenua nei—’Ua fa’atupu Korianetumera i te tama’i ia Gileada, ’e ’ia Liba, ’e ’ia Siza—’ua ’ī te fenua i te toto e te taparahira’a ta’ata.
Pene 15
E rave rahi milioni ta’ata o te mau ’āti Iareda i taparahihia i roto i te ’arora’a—’Ua ha’aputuputu mai Siza ’e Korianetumera i te mau ta’ata ato’a nō te ’arora’a ha’apohe roa—’Ua fa’aea te Vārua o te Fatu i te pārahi mai i rotopū ia rātou—’Ua ha’amou-roa-hia te nūna’a ’āti Iareda—’O Korianetumera ana’e tei toe mai.