1 Ere chiney e yibi buch u lan e bin meruk i ragag nge nelʼ e duw, ma fapi Nephites e ku yaed be paer u fithikʼ e ngongol ni kireb, arragon, u fithikʼ e ngongol ni thʼabi kireb, ma ngiyalʼ nem e fapi Lamanites e ri yaed be koel chiyaʼ ko fapi motochiyel rokʼ Got, u yalen fare motochiyel rokʼ Moses.

2 Me yibi buch nu lan e re duw ney ma bay beeʼ ni Samuel fithingan, nib Lamanite, ni yib nga lan fare binaw nu Zarahemla, me tabab ko machib ngakʼ fapi gidiiʼ. Me yibi buch ni machib nag e kalngaenʼ ngakʼ fapi gidiiʼ, nib yoʼor e rran, mar chuweged u lan taferaed, me yaen ni nge sul ko binaw rokʼ.

3 Machane musap gaed, me yib laman Somoel ngakʼ, ni nge sul bayay, nge prophesy nag ko fapi gidiiʼ e pinʼen ni bay yib nga lan gumʼirchaʼen.

4 Me yibi buch ni dar paged nge yaen nga lan fare binaw; ere yaen nge thapeg ir nga dakean i pʼebugul e yoror riy, me pug paʼ ngalang me non nib gaaʼ laman, me prophesy nag ngakʼ fapi gidiiʼ e pinʼen ni tay fare Somoel nga lan gumʼirchaʼen.

5 Me gaʼar ngoraed: Musap gaed, I gag, Samuel, ni guba Lamanite, e gube weliy e thin rokʼ fare Somoel ni ke tay nga lan gumʼirchaʼeg; ere musap gaed ke tay nga lan gumʼirchaʼeg ni nggog ko pi gidiiʼ ney ni fare sayden ko gechig e kan tining nga dakean e pi gidiiʼ ney; ma aningeg miriʼay e duw e dabitaw ngay nge madaʼ ko ngiyalʼ ni ke aw farengi sayden ko gechig nga dakean e pi gidiiʼ ney.

6 Arragon, mogothgoth nib tomal e be soen nag e pi gidiiʼ ney, ma rib dugil nibe yib ngakʼ e pi gidiiʼ ney, ma dariy banʼen nra ayuweg e pi gidiiʼ ney ma kemus kalngaenʼ nge mich ngakʼ fare Somoel i Yesus Kristus, ni rib dugil ni bay yib nga fayleng, mab yoʼor banʼen ni ra gafgow riy ma yira liiʼ ngemʼ ni fan ko gidiiʼ rokʼ.

7 Ere musap gaed, ba angel rokʼ fare Somoel e ke yoeg ngog e pinnʼey, ma ke yib nag e thin ni falfalaenʼ ngog ni poloʼ. Ere musap gaed, kan piiʼeg kugub ngomed ni ngug weliy ngomed, ni gomanga yog ngomed e pi thin ni falfalaenʼ; machane musap gaed dubmed ni ngam motoyil gaed ngog.

8 Ere, gaʼar fare Somoel: Bochan ʼelʼel gumʼirchaʼen fapi gidiiʼ ko Nephites, ma faʼanra dabra kalgaed ngaenʼraed, ma bay guchuweg e thin rog u fithikʼraed, ma gura chuweg fare Kan ni Thothup rog roraed, ma dab kug paer roraed, ma gura cheleg gumʼirchaʼen pi walagraed nge togopluw ngoraed.

9 Ma aningeg miriʼay e duw e dabi mʼay u mʼon ni bay gguy rogon ni ngan liiʼraed; arragon, gura gechig nagraed ko sayden nge uyngol nge mʼar ni ubchiyaʼ.

10 Arragon, gura gechig nagraed u fithikʼ e damomuw rog, ma bay boech e pi toʼogor romed ko bin aningeg e mfen, ni yaedra paer ni yaed bafos, ni ngar guyed e mogothgoth ni nge aw ngomed; ma biney e rib dugil ni ra buch, ma kemus ni faʼan gimed ra kalngaenʼ, ni yoeg fare Somoel; ma fa piʼinem ko bin aningeg e mfen e bay rabaed nag e gafgow ngomed.

11 Machane faʼan gimed ra kalngaenʼ magmed chel ngakʼ fare Somoel ni Got romed ma gura chefeg e damomuw rog nga orel, ni yoeg fare Somoel; arragon, aray rogon ni yoeg fare Somoel, ba tawaʼath e piʼin ni yaedra kalngaenʼ mar chelgaed ngog, ma ri gafgow ngakʼ e chaʼ ni dabi kalngaenʼ.

12 Arragon, ri gafgow ngakʼ e re binaw ney nu Zarahemla; ya musap gaed, ri bachan e piʼin nib matʼaw ma ke paer ni dawor ni gathaey; arragon, gafgow ngakʼ e re binaw ney, ya gaʼar fare Somoel, kug nang nib yoʼor e gidiiʼ, arragon, ni bagaʼ ni oren e gidiiʼ ko re binaw ney, e yaedra ʼelʼel nag gumʼirchaʼraed ngog, ni yoeg fare Somoel.

13 Machane rib felʼ waʼathan e piʼin ra kalngaenʼ, ya gura tay raed ni dabra mʼaed. Machane musap gaed, faʼan manga boech ni gathi bachan e piʼin nib matʼaw ni yaed bay u lan e re binaw ney, ma musap gaed, ma kug guy rogon nge yib e nifiy u tharmiy nga butʼ nge gatheay.

14 Machane musap gaed, ri fan ngakʼ fa piʼin nib matʼaw ni dan gatheayraed. Ere musap gaed, fare ngiyalʼ innʼem e be yib iyib, ni yoeg fare Somoel, ma napʼan ni gimed ra chuweg fa piʼin nib matʼaw u fithikʼmed, ma arame bay mu loel gaed ni ngan gatheaymed; arragon, ngri buch waʼathan e re binaw ney, ni bachan e pi ngongol nib kireb nge pi fananikan ni bay u langgin.

15 Arragon, ngri buch waʼathan fare binaw ku Gideon, ni bachan e pi ngongol nib kireb nge pi fananikan ni bay u langgin.

16 Arragon, ngri buch waʼathan fapi binaw ni bay u lan fare nam nib liyeg, ni tafen fapi Nephites, ni bachan e pi ngongol nib kireb nge pi fananikan ni bay u langgin.

17 Ere musap gaed, bay ba wol ni kireb ni bay yibi aw nga dakean fare nam, ni yoeg fare Somoel ko Yoʼor, ni bachan fapi gidiiʼ ni yaed bay u dakean e binaw, arragon, ni bachan e pi ngongol roraed nib kireb nge pi fananikan roraed.

18 Me yibi buch, ni gaʼar fare Somoel ko Yoʼor, arragon, ni fare Got rodaed ni gaaʼ mab riyulʼ, ni enra chaʼariy e falaʼab nu fayleng ni fen e dabki pirʼeg bayay, ni bachan e fare wol ni kireb ko fare binaw, ma kemus ni faʼanra ir beeʼ nib matʼaw, ma ra chaʼariy ngakʼ fare Somoel.

19 Ya gubaʼadag, ni yoeg fare Somoel, ni ngar chaʼariyed e pi falaʼab roraed ngog; mab buch waʼathan e piʼin ni dabra chaʼariyed e pi falaʼab roraed ngog; ya dariy beeʼ ni ma chaʼariy e falaʼab rokʼ ngog ma kemus ni piʼin nib matʼaw; ma chaʼ ni dar ma chaʼariy e falaʼab rokʼ ngog, e ba buch waʼathan, nge falaʼab rokʼ, ma dariy beeʼ nra fek ni bachan fare wol ni kireb ko fare binaw.

20 Ma fare rran e bay yib ni bay ra chaʼariyed e pi falaʼab roraed ni bachan e kar tayed gumʼirchaʼraed nga dakean e pi falaʼab; ere bachan e kar tayed gumʼirchaʼraed nga dakean e pi falaʼab roraed, ma yaedra chaʼariy e pi falaʼab roraed u napʼan ni ngar miil gaed ko pi toʼogor roraed; ni bachan e dabra chaʼariyed ngog, ere wol ni kireb ngoraed nge pi falaʼab roraed; ma lan e re rran nem e bay nliiʼraed, ni yoeg fare Somoel.

21 Musap gaed, gimed fapi gidiiʼ ko re binaw ney, ngam motoyil gaed ko thin rog; arragon, motoyil gaed ko fapi thin ni yoeg fare Somoel; ya musap gaed, ke yoeg ni nge buch waʼathmed ni bachan e pi falaʼab romed, nge kupi falaʼab romed e bbuch waʼathan ni bachan e kam yuluyed gumʼirchaʼmed nga dakean, ma damur motoyil gaed ko thin rokʼ e chaʼ ni piiʼ ngomed.

22 Dakir yib ngaenʼmed fare Somoel ni Got romed ko pinʼen ni ke tawaʼath nagmed riy, machane gubin e ngiyalʼ ma be yib ngaenʼmed e pi falaʼab romed, ma damur oged magaer riy ngakʼ fare Somoel ni Got romed; arragon, ma pi gumʼirchaʼ romed e damur piiʼed ngakʼ fare Somoel, machane kar thow gaed ko yowlop, ma kar ufʼuf gaed, ni ke thow nag e moʼowaenʼ, togopluw, nge fananikan, nge thibthib, nge mathang pogofan, nge gubin mite denen.

23 Arayfan ni fare Somoel ni Got e ke guy rogon ni nge yib ba wol ni kireb nga dakean fare nam, nge pi falaʼab romed, ni fan e biney e bachan e pi denen romed.

24 Arragon, rib buch waʼathan e pi gidiiʼ ney, ni bachan e ngiyalʼ ney ni ke taw ngay, ni kam chuweged fapi profet, ma gimed be muning ngoraed, ma gimed be malang nagraed, ma gimed be liiʼraed, ma gimed be rinʼ gubin mite tagan ngoraed, ni boed rogon ni rinʼ e piʼin kakrom.

25 Ere chiney e napʼan ni gimed ra non, magmed gaʼar: Faʼan gomanga pi rran rodaed e immoy u lan e pi rran rokʼ e pi chitamangdaed ni kakrom, ma dab diliiʼed fapi profet; ma dabda malang niged raed, min chuwegraed.

26 Musap gaed rib gel boech e kireb romed ngoraed; ya boed nib fos fare Somoel, ma faʼanra yib ba profet nga fithikʼmed me weliy ngomed fare thin rokʼ Somoel, niʼir e be micheg e pi denen nge pi ngongol romed ni kireb, magmed damomuw ngakʼ, ngam chuweged magmed gay gubin e kanawo ni ngam liiʼed riy; arragon, gimed ra yoeg niʼir ba profet ni deriyulʼ, ma beeʼ nib tadenen, mab wokon moʼoniyanʼ, ni bachan e be micheg i weliy e pi ngongol romed nib kireb.

27 Machane musap gaed, faʼanra yib beeʼ nga fithikʼmed me gaʼar: Mu rinʼed e biney, ma dariy e kireb riy; mu rinʼed e binir ma dab mu gafgow gaed; arragon, ra gaʼar: Mu leaked fare ufʼuf ko gumʼirchaʼ romed; arragon, mu leaked fare ʼufʼuf ko oewchef romed, magmed rinʼ ni demutrug e renʼen nibe araʼareg gumʼirchaʼmed—ma faʼanra yib beeʼ nga fithikʼmed me yoeg e biney ni aray rogon, ma gimed rafol rokʼ, magmed yoeg niʼir beeʼ nib profet.

28 Arragon, gimed ra liyoer ngakʼ, ma gimed ra piiʼ boech banʼen romed ngakʼ; ma gimed ra piiʼ boech e gol romed ngakʼ, nge boech e silber romed, ma gimed chuweg nga mad nib totolang puluwon; ma bachan e be safalʼfalʼ thin ngomed, me yoeg ni gubin banʼen ma kub felʼ rogon, ma arame dab mu gayed thibngin.

29 O gimed e re mfen ni kireb mab ʼelʼel laniyaenʼ; gimed pi gidiiʼ ni ʼelʼel mab gelaenʼ, uw nʼumngin i napʼan ni ngam lemniged ni fare Somoel e ra pagmed ngam pired ni arragon? Arragon, uw nʼumngin i napʼan ni ngam paged gimed nge powiʼiymed e piʼin ni meechiyang mab maʼew? Arragon, uw nʼumngin i napʼan ni ngam melʼeged e lumor ma gathi tamilang?

30 Arragon, musap gaed, damomuw rokʼ fare Somoel e kari noemow ngomed; musap gaed, ke kireb nag waʼathan e nam ni bachan e denen romed.

31 Ere musap gaed, fare ngiyalʼ innʼem e be yib iyib ni nge bucheg waʼathan e pi falaʼab romed, ni bayi mʼurmʼur doew, ni dab kiyog ni ngam koeled; ma aram u lan e pi rran ni ke tʼuf romed ma dabiyog ni ngam feked.

32 Ma lan e pi rran ni ke tʼuf romed ma bay mu meybil gaed ngakʼ fare Somoel, ma bay mu meybil gaed nib mʼay fan, ni bachan e kan muʼ i piiʼ keruʼuy ngomed, ma gafgow romed e kari dugil; ma arame bay mu yoer gaed ma gimed be gelʼgelʼ u lan e re rran nem, ni yoeg fare Somoel ko Yoʼor. Ma bayi kirbaenʼmed, magmed gaʼar:

33 O faʼan gomanga gu kalnganʼug, ma daguliiʼ fapi profet, ma dag malang nagraed, ma dag chuwegraed. Arragon, u lan e re rran nem ma gimed ra gaʼar: O faʼan gomanga ud tayed fare Somoel ni Got rodaed u wunʼdaed u lan fare rran ni piiʼ ngodaed e pi falaʼab rodaed, ma arame dabi mʼurmʼur doew nge yaen rodaed ngab yang; ere musap gaed, pi falaʼab rodaed e dakuriy rodaed.

34 Musap gaed, gadaed ra tay ba talin e muruwel aray ma ra rebo rran riy ma dakuriy; ere musap gaed, pi sayden rodaed e kan fek ke chuw rodaed u lan fare rran ni gadaed be gay ni ngad feked ko mael.

35 Arragon, kad mithaeged e pi falaʼab rodaed ke luʼur rodaed kechuw, ni bachan e buch waʼathan ko fare nam.

36 O faʼan gomanga kad kalgaed ngaenʼdaed u lan fare rran ni yib fare thin rokʼ Somoel ngodaed; ya musap gaed fare nam e kan bucheg waʼathan, ma gubin banʼen make mʼurmʼur doew, ma dabkiyog ni ngad koeled.

37 Musap gaed, ke liyeg daed e moʼoniyanʼ, arragon, ke liyeg daed e pi angel rokʼ e chaʼ niʼir e ki igay rogon ni nge gatheay daed ni poloʼ. Musap gaed, pi denen rodaed e rib ubchiyaʼ. O Somoel, dabkiyog ni ngam chefeg e damomuw rom nga orel romaed? Ere ireray rogon e thin romed u lan e tinem rran.

38 Machane musap gaed, pi rran romed ni ngan guy rogmed riy e ke thimur; ya ka munʼed yaran e rran ni ngam falʼeged rogmed ko fare woʼen e thap nge yibi madaʼ ko ngiyalʼ ni ke sasagaʼal, ma gafgow romed e kari dugil; arragon, ya kam gayed u lan gubin e pi rran ko yafos romed e pinʼen ni dabiyog ngomed; ma kam gayed e falfalaenʼ nga fithikʼ e ngongol ni denen, niʼir e ba togopluw nga rarogon e tin nib matʼaw niʼir e bay rokʼ e chaʼ ni thʼabi Gaaʼ ni Manechubog rodaed.

39 O gimed e gidiiʼ ko nam, gomanga yugum motoyil gaed ko thin rog! Ma gube meybil ni gomanga cheaf fare damomuw rokʼ Somoel nga orel romed, ma gomanga yug mu kalgaed ngaenʼmed ngam thap gaed.