1 Pues pa’go, i ginefli’e’-hu na mañe’lu-hu, atan, hu diklara giya hamyo na solu manmañotsot hamyo, i gima’-miyu siempre tai minaolek.

2 Hunggan, solu manmañotsot hamyo, i famalao’an-miyu siempre mampiniti gi diha anai mannana’susu; sa’ siempre en kechagi manmalagu ya taya’ lugat para en fanattok; hunggan, ya ai na nina’ma’ase’ ayu siha i manmapotge’, sa’ siempre manmakkat, ya ti siña manmalagu; entonses, siempre mamoddong ya manma po’lo para u fanmatai.

3 Hunggan, ai na mannina’ma’ase’ este siha na taotague Nephi solu manmañotsot, yanggen ma li’e’ i siñat yan na’manman siha ni’ para u ma fa’nu’i; sa’ atan, inayek Yu’os siha na taotao; hunggan, ha guaiya i taotao Nephi, yan lokkue’ ha kastiga siha; hunggan, gi tiempon isao-ñiha ha kastiga siha sa’ ya-ña siha.

4 Lao atan, i mañe’lu-hu, ha chatli’e’ i Lamanites sa’ puru ha’ baba bidan-ñiñiha, ya este put i isao i kostumbren i tatan-ñiha. Lao atan, matto giya siha satbasion ginen i pinagat i Nephites; ya put este na ha na’apmam i Asaina i dihan-ñiha.

5 Ya ya-hu na en tingo’ na meggai mas giya siha manggaige gi chalan maolek, ya manmamomokkat gi halom Yu’os, ya ma o’osge i tinago’-ña yan i lai-ña, yan i sentensia-ña konsiste gi lain Moises.

6 Hunggan, hu sangani hamyo, na meggai mas giya siha chumocho’gue este, ya manmachocho’cho’ kon dilihente para u ma fa’nu’i i tetenan na mañe’lon-ñiha i tiningo’ i minagahet; entonses meggai siha manma tutat gi numiron-ñiha kada diha.

7 Yan atan, en tingo’ ha’ este, sa’ en testigu, na i mineggai-ñiha ni’ manma fa’nu’i nu i tiningo’ i minagahet, yan ma tungo’ i mala yan baba na kostumbren tatan-ñiha, ya ma na’fanhongge nu i sagradu na eskritura, hunggan, i prufisihan i sagradu na prufeta siha, ni’ ma tuge’, ya nina’fanggai hinengge nu i Asaina, esta manmañotsot, ni’ hinengge yan sinetsot ha na’ma tulaika i kurason-ñiha —

8 Entonses, i mineggai-ñiha ni’ manmatto guini, en tingo’ na mamfitme yan manmetgot gi hinenggen-ñiha, yan ayu i muna’fanlibre siha.

9 Yan en tingo’ ha’ lokkue’ na ma hafot i atmas-ñiha gera, ya manma’a’ñao umusa sa’ ayu i u fanisao; hunggan, en li’e’ na manma’a’ñao manisao — ya atan sa’ ma po’lo siha na u fanma tomba yan u fanma puno’ nu i kontrariu, ya ti u ma hatsa i sapblen-ñiha kontra siha, ya este put i hinenggen-ñiha as Kristo.

10 Pues pa’go, put i fitmen-ñiha ni’ ma hongge ayu siha i ma hongge, put i fitmen-ñiha anai ma fa’nu’i nu i chalan, atan, i Asaina siempre ha bendisi siha yan ha na’apmam i ha’anen-ñiha, sin ennao i isao-ñiha —

11 Hunggan, achok ha’ dumidide’ i hinenggen-ñiha i Asaina siempre ha na’apmam i ha’anen-ñiha, estaki matto i tiempo ni’ ma sangan nu i tata-ta siha, yan lokkue’ i prufeta as Zenos, yan meggai siha otro prufeta, put i restorasion i mañe’lu-ta, i Lamanites, tatte gi tiningo’ minagahet —

12 Hunggan, hu sangani hamyo, na gi uttemo diha i prumesan i Asaina ma ekstiende gi mañe’lu-ta, i Lamanites; ya sin ayu i meggai pinadesen-ñiha, yan sin ayu i para u fanma chalapon gi hilo’ tano’, yan u fanma espiha, ya taya’ lugat-ñiha para u fanliheng, ya i Saina siempre u gai mina’ase’ nu siha.

13 Ya este konsiste gi prufisiha, na para u fanmafa’nu’i ta’lo nu i magahet na tiningo’, ayu i tiningo’ put i Satbadot, yan i magahet na pastot-ñiha, ya u fanma kuenta gi kinilu-ña.

14 Entonses hu sangani hamyo, na maolekña para siha ki nu para hamyo solu mañotsot hamyo.

15 Sa’ atan, yanggen manma fa’nu’i nu i dangkolo na cho’cho’ ni’ ma fa’nu’i hamyo, hunggan, giya siha ni’ ti manmanhongge sa’ i kostumbren tatan-ñiha, siña ha’ en li’e’ na ni ngai’an ta’lo na ti u fanmanhongge.

16 Entonses, ilek-ña i Asaina: Ti bai hu destrosa siha, lao bai hu sedi na gi ha’anen i tinemtom-hu siempre ma bira siha tatte giya guahu, ilek-ña i Asaina.

17 Pues pa’go atan, ilek-ña i Asaina, put i taotague i Nephites: Yanggen ti manmalago’ manmañotsot, yan u ma cho’gue i malago’-hu, bai hu destrosa siha, ilek-ña i Asaina, put i taya’ hinenggen-ñiha sin ayu i meggai dangkolon cho’cho’ ni’ u cho’gue para siha; ya magahet na lala’la’ si Yu’os siempre manmagahet este siha, ilek-ña i Asaina.