1 Pues pa’go, matto i tiempo na meggai siha humungok i palabran Samuel, i Lamanite, ni’ ha sangan gi ligan i si’uda. Ya i meggai ni’ humongge i fino’-ña manhanao ya ma espiha si Nephi; ya anai manmatto ya ma sodda’ ma konfesat i isao-ñiha ya ti ma ñega, ya manmalago’ na u fanma takpange gi Saina.

2 Lao i meggai siha ni’ ti humongge i fino’ Samuel manlalalo’ nu guiya; ya ma daggao acho’ giya guiya kontra i liga, yan lokkue’ meggai flumecha gui’ anai tumohtohge gi liga; lao i Espiriton i Asaina gaige giya guiya, esta ti siña ma danche gui’ nu i acho’ pat flechan-ñiha.

3 Pues anai ma li’e’ na ti siña ma danche gui’, meggai mas humongge i fino’-ña, esta manhanao guatu as Nephi para u fanma takpange.

4 Ya atan, si Nephi manakpapange, prumufesisiha, pumapagat, ha a’agang sinetsot gi taotao, ya ha fa’nu’i siha siñat yan na’manman siha, ha chocho’gue milagru siha gi halom i taotao, para u ma tungo’ na ti apmam i finatton Kristo —

5 Ya ha sangani put i para u fanmatto siha na tiempo, para u ma tungo’ yan hasso gi tiempo anai manmatto na manma sangani siha kon tiempo, esta siña manmanhongge; entonses i mineggai ni’ manmanhongge gi fino’ Samuel manhanao guatu giya guiya para u ma takpange, sa’ manmatto ya manmañotsot yan mangonfesat nu i isao-ñiha.

6 Lao meggaiña giya siha ti manmanhongge gi fino’ Samuel; entonses anai ma li’e’ na ti siña ma danche gui’ nu i acho’ yan flechan-ñiha, ma sangani i kapitan-ñiha, ilek-ñiha: Konne’ este na taotao ya en gedde, sa’ gaige giya guiya i manganiti; ya put i alentos i manganiti ni’ gaige giya guiya ti siña in danche nu i acho’ yan flechan-mami; entonses konne’ ya en gedde gui’, ya na’suha gui’.

7 Ya anai manhanao guatu gi fi’on-ña, ha yute’ gui’ papa’ ginen i liga, ya malagu gui’ huyong gi tano’-ñiha, hunggan, esta i tano’-ña, ya ha tutuhon pumagat yan prumufisiha gi taotao-ña.

8 Pues atan, taya’ na ma hungok put guiya gi halom i Nephites ta’lo; ya este i kalamten este siha na taotague.

9 Ya este na makpo’ i ochenta yan sais añon i gubietnon i hues siha gi taotao Nephi.

10 Ya este na makpo’ lokkue’ i ochenta yan siette añon i gubietnon i hues siha, ya mas meggai na taotao siha mañaga gi banidoson-ñiha yan isao-ñiha, ya i pumalu ma osge i tinago’ Yu’os.

11 Ya este i kondision siha lokkue’ gi ochenta yan ocho añu ni gubietnon i hues siha.

12 Ya didide’ ha’ ma tulaika-ña i bidan i taotao siha, sa’ mas i taotao manmahettok put i isao-ñiha, ya mas ma cho’gue i ti tinago’ Yu’os, gi ochenta yan nuebi años gi gubietnon i hues siha.

13 Lao matto i tiempo gi disinuebi añon i gubietnon i hues siha, meggai siha na siñat yan na’manman ma na’i i taotao siha; ya i fino’ i prufeta siha ma tutuhon ma kumple.

14 Ya ma fattoigue i taotao, nu i anghet siha, i man menhalom na taotao siha, ya ma diklara giya siha dangkolo na minagof; ya guini na sakkan na ma tutuhon ma kumple i eskritura.

15 Sinembatgo, i taotao siha ma tutuhon muna’mahettok i kurason-ñiha, todu fuera ayu siha i manmanhongge, tanto i Nephites yan lokkue’ i Lamanites, ya ma tutuhon dumipende gi minetgot-ñiha yan tinemtom-ñiha, ya ilek-ñiha:

16 Meggai siha siña ha’ ma danche, gi halom meggai, lao atan, ta tungo’ ha’ na todu este siha i mandangkolo yan manna’manman ti siña matto, ayu i ma sangan.

17 Ya ma tutuhon manggai rason yan ma manacha’igen maisa siha, ya ilek-ñiha:

18 Ti rasonapble na u fatto i Kristo; yanggen magahet, ya guiya i Lahen Yu’os, i Tatan i langet yan i tano’, ni’ ma sangan, hafa na ti para u fa’nu’i hit nu guiya yan lokkue’ ayu siha i manggaige giya Jerusalem?

19 Hunggan, hafa na ti siña ha fa’nu’en maisa gui’ guini na tano’ yan giya Jerusalem?

20 Lao atan, ta tungo’ ha’ na mala este na kostumbre, ni’ ma na’i hit nu i tata-ta, para ta hongge i dangkolo yan na’manman siha ni’ para u fatto, ahe’ ti giya hita, lao para un tano’ ni’ sen chago’, un tano’ ni’ taya’ tiningo’-ta; entonses, siña ha’ ma konne’ hit gi iknorante sa’ ti siña ta testigu ni’ mata-ta na manmagahet.

21 Ya siempre, gi fayi yan engkantao na cho’cho’ ayu i baba, ma cho’gue dangkolo na mesteriu ni’ ti siña ta komprende, ya siempre ha na’setbente hit para i fino’-ñiha, yan lokkue’ setbiente giya siha, sa’ ta dipende giya siha para u ma fa’na’gue hit i ebangheliu; ya siempre manma konne’ hit gi iknorante yanggen ta entrega hit giya siha, todu i dihan i lina’la’-ta.

22 Ya meggai mas i taotao siha ma imahina gi kurason-ñiha, ni’ manhafkao yan manai bali; ya maninestotba, sa’ si Satanas ha na’ma cho’gue isao siha; hunggan, sigi ha chalapon rumot yan kombalache gi todu i tano’, para u na’mahettok i kurason i taotao kontra i maolek yan ayu i para u fatto.

23 Ya sin ayu i siñat yan na’manman siha ni’ matto gi taotao i Asaina, yan i meggai milagru siha ni’ ma cho’gue, si Satanas meggai na kurason taotao siha ha go’te gi tano’.

24 Ya este na makpo’ i nubenta añon i gubietnon i hues siha gi taotague Nephi.

25 Yan este na makpo’ i lepblon Helaman, konsiste gi notan Helaman yan i lahi-ña siha.