1 Ere chiney e, yibi buch nib yoʼor e piʼin ni rungʼag e thin rokʼ Samuel, ni fare Lamanite, ni weliy u dakean e yoror ko fare binaw. Ma oren e piʼin ni michaenʼ ko thin rokʼ e ranoed ngar gayed Nephi; ma napʼan ni rabaed ra pirʼeged mar pogofay niged e pi denen roraed ngakʼ ma dar baen gaed riy, ni yaed be athapeg ni gomanga yog nni tawfe nagraed ni fan ngakʼ Somoel.

2 Machane oren e piʼin ni de michaenʼraed ko fapi thin rokʼ Samuel e ra damomuw gaed ngakʼ; mar paged e malang ngakʼ nga dakean e yoror, ma kub yoʼor e piʼin ni ur gatʼing niged u napʼan nib sakʼiy u dakean fare yoror; machane fare Kan ni Thothup rokʼ Somoel e immoy rokʼ nibe ayuweg, ni arame deyog ni nge kaen ko malang roraed nge gane gatʼing roraed.

3 Ere napʼan ni kar guyed ni dabiyog ni nge kaen roraed, me yoʼor e piʼin ni michaenʼ ko thin rokʼ, ni arame ra chuw gaed nga ranoed ngakʼ Nephi ni ngan tawfe nagraed.

4 Ya musap gaed, Nephi e i tawfe nag, ma be prophesy, ma be machib, ma be yoeg ngakʼ fapi gidiiʼ ni ngar kalgaed ngaenʼraed, ma be dag e pow nge tin ni be balyang anʼuy ngay banʼen, nge muruwel ko maʼangʼang u fithikʼ fapi gidiiʼ, ni gomanga yog ni ngar nanged ni fare Kristus e dab ki nʼuw napʼan make yib—

5 Ni be yoeg ngoraed e pinʼen ni dab ki nʼuw napʼan make yib, ni gomanga yog ni ngar nanged me yib ngaenʼraed ko re ngiyalʼ i nʼen nibe yib ni kan muʼ i weliy ngoraed u mʼon, ni fan e nge yog ni michaenʼraed; ere oren e piʼin ni michaenʼ ko fapi thin rokʼ Samuel e ranoed ngakʼ ni ngan tawfe nagraed, ya karbaed ni kar kalgaed ngaenʼraed ma yaed be pogofay nag e pi denen roraed.

6 Machane oren ni yaed e de michaen ko fapi thin rokʼ Samuel; ere napʼan ni kar guyed ni arame dabiyog ni nge kaen ko pi malang roraed nge pi gane gatʼing roraed, mar tolul gaed ngakʼ e pi kapten roraed, ni yaed be gaʼar: Mu koeled e re moʼon ney ngam mʼaged, ya musap gaed bay e moʼoniyanʼ rokʼ; ma bachan gelingin fare moʼonyean ni bay rokʼ ere dabiyog ni nge kaen ko pi malang rodaed nge pi gane gatʼing rodaed; ere mu feked ngam mʼaged, ngam chuweged.

7 Ma napʼan ni ranoed iyaen ni ngar koeled, ma musap gaed, me og u leang nga butʼ ko fare yoror, me miil nga wuruʼ e pi binaw roraed, arragon, ni miil iyaen nge madaʼ ko birokʼ e nam, me tabab ko machib nge prophecy u fithikʼ e tirokʼ e gidiiʼ.

8 Ere musap gaed, ma arame dakun rungʼag morngaʼagen u fithikʼ fapi Nephites; ere aray rogon e pi gagyeg rokʼ fapi gidiiʼ.

9 Ma aray rogon ni mʼay e bin meruk i ragag nge nelʼ e duw ko fare lung ko fapi tapuf-oloboch ko gidiiʼ ku Nephi.

10 Ma ku aray rogon ni mʼay e bin meruk i ragag nge medilip e duw ko fare lung ko fapi tapuf-oloboch, ni tin yoʼor ko fapi gidiiʼ e kar magaey gaed u fithikʼ e ufʼuf roraed nge pi ngongol roraed nib kireb, ma ini yaed e bagaʼ ni yaed be yaen ni yaed be koel chiyaʼ u pʼoewchen Got.

11 Ma ku aray rogon e dodow u lan e bin meruk i ragag nge meruk e duw ko fare lung ko fapi tapuf-oloboch.

12 Ma buchʼuw u fithikʼ e pi gagyeg rokʼ fapi gidiiʼ e thil, ma kemus ni fapi gidiiʼ e ra tabab gaed ko ngongol ni kireb ni ke almarin boech, mar almarin gaed iyaen ko pinʼen nib togopluw ko fapi motochiyel rokʼ Got, u lan e bin meruk i ragag nge mereb e duw ko fare lung ko fapi tapuf-oloboch.

13 Machane yibi buch u lan e bin mereb i ragag e duw ko fare lung ko fapi tapuf-oloboch, ni bay e pow ni kan piiʼ ngakʼ fapi gidiiʼ, nge pinʼen nibe balyang anʼuy ngay; ma fapi thin ko pi profet e arame tabab ni nge muguʼul iyaen.

14 Me mʼug e pi angel ngakʼ e gidiiʼ, ni gidiiʼ ni gonop, mar weliyed ngoraed e thin nib felʼ ko falfalaenʼ nib gel; ere lan e re duw ney e tabab riy ni nge muguʼul fapi chep nib thothup.

15 Yug aram rogon machane, fapi gidiiʼ e ra tabab gaed i ʼelʼel nag e pi gumʼirchaʼ roraed, ni yaed gubin ma kemus ni piʼin ni ke michaenʼraed, ni fapi Nephites nge fapi Lamanites, mar tabab niged e tagaʼ ko tiroraed e gelingin nge tiroraed e gonop, ni yaed be gaʼar:

16 Boech e banʼen e rayog ni kar sana niged nib mangil, machane musap gaed, gadaed manang ni gubin e pi muruwel ney nib gaaʼ mab maʼangʼang e dabi buch, niʼir e kan weliy morngaʼagen.

17 Mar tabab gaed ko maleʼeg thin nge togopluw u fithikʼraed, ni yaed be gaʼar:

18 Binir e dariy gamʼingin ni nge yib beeʼ nib Kristus; ya faʼanra arragon, ma ir ni Fak Got, ma ire Chitamangin e tharmiy nge fayleng, ni woed ni kan weliy, ma mangfan ni dabi mʼug ngodaed ni woed rogon ni mʼug ngakʼ fa piʼinem ni yaed bay u Jerusalem?

19 Arragon, mangfan ni dabi mʼug u lan e e biney e binaw ni woed ni mʼug u lan e binaw nu Jerusalem?

20 Machane musap gaed, gadaed manang ni ireray e bin nib kireb e chep, ni ke af iyib nga butʼ u paʼ e pi chitamangdaed, ni nge wawliy daed ni nge michaenʼ daed ko pinʼen nib gaaʼ ma ba maʼangʼang ni bay yibi buch, machane gathi fithikʼ daed, ya lan binaw nib palog nga orel, nib binaw ni daed nanged; ere yaed be taʼdaed ni gadaed ba minaenʼ, ya dabiyog ni ngad micheged nga oewchdaed ni bogi banʼen nib riyulʼ.

21 Ma yaedra rinʼ, u dakean e pi salap nib sasaliyeb nge sasalap rokʼ fachaʼ nib kireb, ni ngongoliy boech e gagiyeg nib gagangʼ ni dabda nanged fan, niʼir e nge tay daed u butʼ ngad manged tapigpig ko thin roraed, nge ku tapigpig roraed, ya kad tagaʼ gaed ngoraed ni ngar filed ngodaed fare thin; ere aray rogon ni yaedra tay daed u fithikʼ e minaenʼ ni faʼan gadaed ra pag daed ngoraed, u gubin e pi rran u lan e yafos rodaed.

22 Ma kub yoʼor boech banʼen ni i lemnag fapi gidiiʼ yaʼan u lan gumʼirchaʼaraed, ni ba meechiyang ma dariy fan; ma ku be taganaenʼraed nib gel, ni bachan Moʼoniyanʼ niʼir e miliyraed ngar ʼulʼul gaed i rinʼ e denen; arragon, i ire i gathibthib iyaen ma be togopluw u dakean gaʼangin yang fare nam, ni nge ʼelʼel nag gumʼirchaʼen e gidiiʼ nge togopluw ko tin nib felʼ me togopluw ko tin bay ki yib.

23 Ma yug aram rogon ni bay e pow nge maʼangʼang ni yibe gagyeg nag u fithikʼ fapi gidiiʼ ko fare Somoel, nge urngin e pi maʼangʼang ni kar rinʼed, ma moʼoniyanʼ e ire chechʼey paʼ u gumʼirchaʼen fapi gidiiʼ u dakean gaʼangin yang e nam.

24 Ere aray rogon ni mʼay e bin mereb i ragag e duw ko fare lung ko fapi tapuf-oloboch nga dakean fapi gidiiʼ ku Nephi.

25 Ere aray rogon ni mʼay fare ke babyor ku Helaman, u rogon e chep ku Helaman nge fapi pagael ni fak.