Helaman

Basahon ni Mormon

Mga Sulod
Pasiuna ug mga Saksi
1 Nephi
2 Nephi
Jacob
Enos
Jarom
Omni
Mga Pulong ni Mormon
Mosiah
Alma
Helaman
3 Nephi
4 Nephi
Mormon
Ether
Moroni

Helaman

Kapitulo 1
Ang ikaduhang Pahoran nahimo nga labaw nga maghuhukom ug gipatay ni Kishkumen—Si Pacumeni mipuli sa hukmanan—Si Coriantumr nangulo sa mga kasundalohan sa mga Lamanita, miilog sa Zarahemla, ug mipatay kang Pacumeni—Si Moronihah mipildi sa mga Lamanita ug miilog sa Zarahemla, ug si Coriantumr gipatay. Mga 52–50 B.C.
Kapitulo 2
Si Helaman, ang anak nga lalaki ni Helaman, nahimo nga labaw nga maghuhukom—Si Gadianton mao ang nangulo sa pundok ni Kishkumen—Ang sulugoon ni Helaman mipatay kang Kishkumen, ug ang pundok ni Gadianton miikyas ngadto sa kamingawan. Mga 50–49 B.C.
Kapitulo 3
Daghan nga Nephita ang milangyaw ngadto sa amihanang bahin sa yuta—Mitukod sila og mga balay nga semento ug nagtipig og daghan nga talaan—Napulo ka kaliboan ang nakabig ug nabunyagan—Ang pulong sa Dios naggiya sa mga tawo ngadto sa kaluwasan—Si Nephi ang anak nga lalaki ni Helaman ang mipuli sa hukmanan. Mga 49–39 B.C.
Kapitulo 4
Ang mga masinupakon nga Nephita ug ang mga Lamanita nagkahiusa sa pwersa ug miilog sa yuta sa Zarahemla—Ang mga kapildihan sa mga Nephita miabot tungod sa ilang pagkadaotan—Ang Simbahan mikunhod, ug ang katawhan nahimo nga mahuyang sama sa mga Lamanita. Mga 38–30 B.C.
Kapitulo 5
Si Nephi ug si Lehi mipahinungod sa ilang mga kaugalingon ngadto sa pagsangyaw—Ang ilang mga ngalan nag-awhag kanila sa pagpakabuhi sama sa kinabuhi sa ilang mga katigulangan—Si Kristo motubos niadtong maghinulsol—Si Nephi ug si Lehi nakahimo og daghan nga kinabig ug nabilanggo, ug ang kalayo miliyok kanila—Usa ka panganod sa kangitngit mitabon sa tulo ka gatos nga katawhan—Ang yuta nauyog, ug usa ka tingog misugo sa mga tawo sa paghinulsol—Si Nephi ug Lehi nakig-istorya sa mga anghel, ug ang pundok sa katawhan giliyokan og kalayo. Mga 30 B.C.
Kapitulo 6
Ang matarong nga mga Lamanita misangyaw ngadto sa daotang mga Nephita—Ang duha ka pundok sa katawhan miuswag sa panahon sa kalinaw ug kabuhong—Si Lucifer, ang tinubdan sa sala, miaghat sa mga kasingkasing sa mga daotan ug sa mga tulisan ni Gadianton sa pagpatay ug sa pagpakadaotan—Giilog sa mga tulisan ang gobyerno sa mga Nephita. Mga 29–23 B.C.
Kapitulo 7
Si Nephi gisalikway didto sa amihanan ug mipauli sa Zarahemla—Nag-ampo Siya didto sa iyang tanaman nga tore ug unya mitawag sa katawhan aron maghinulsol o mamatay. Mga 23–21 B.C.
Kapitulo 8
Ang dili makiangayong mga maghuhukom nagtinguha sa paghulhog sa katawhan batok ni Nephi—Sila si Abraham, Moises, Zenos, Zenock, Ezias, Isaias, Jeremias, Lehi, ug Nephi ang tanan nagpamatuod ni Kristo—Pinaagi sa pagdasig si Nephi mipahibalo bahin sa pagpatay sa labaw nga maghuhukom. Mga 23–21 B.C.
Kapitulo 9
Ang mga sinugo nakakita sa labawng maghuhukom nga patay na diha sa hukmanan—Gibilanggo sila ug sa wala madugay gibuhian—Pinaagi sa pagdasig si Nephi miila ni Seantum nga mao ang mamumuno—Si Nephi gidawat sa uban isip usa ka propeta. Mga 23–21 B.C.
Kapitulo 10
Ang Ginoo mihatag ni Nephi og gahom sa pagselyo—Siya gihatagan og gahom sa pagbugkos ug sa pagbadbad dinhi sa yuta ug didto sa langit—Siya misugo sa katawhan sa paghinulsol o mamatay—Ang Espiritu midala kaniya gikan sa usa ka pundok sa katawhan ngadto sa lahi nga pundok sa katawhan. Mga 21–20 B.C.
Kapitulo 11
Si Nephi mihangyo sa Ginoo nga pulihan ang ilang gubat og kagutom—Daghang katawhan ang namatay—Naghinulsol sila, ug si Nephi nangamuyo sa Ginoo og ulan—Si Nephi ug Lehi nakadawat og daghang pagpadayag—Ang mga tulisan ni Gadianton nagpalig-on sa ilang mga kaugalingon diha sa yuta. Mga 20–6 B.C.
Kapitulo 12
Ang mga tawo dili makanunayon ug walay kaalam ug dali nga mobuhat og daotan—Ang Ginoo mosilot sa Iyang katawhan—Ang pagkawalay kapuslanan sa mga tawo gitandi ngadto sa gahom sa Dios—Sa adlaw sa paghukom, ang mga tawo makaangkon og walay kataposan nga kinabuhi o walay kataposan nga panghimaraot. Mga 6 B.C.
Kapitulo 13
Si Samuel nga Lamanita nanagna sa kalaglagan sa mga Nephita kon dili sila maghinulsol—Sila ug ang ilang mga katigayonan gitunglo—Sila misalikway ug mibato sa mga propeta, giliyokan sa mga panulay, ug nangita og kalipay pinaagi sa pagbuhat sa kadaotan. Mga 6 B.C.
Kapitulo 14
Si Samuel mitagna og kahayag sa panahon sa kagabhion ug usa ka bag-ong bitoon sa pagkatawo ni Kristo—Si Kristo motubos sa mga tawo gikan sa temporal ug espirituhanong kamatayon—Ang mga timailhan sa Iyang kamatayon naglakip sa tulo ka adlaw nga kangitngit, ang pagpangatumpag sa dagkong mga bato, ug dako nga kaguliyang sa kinaiyahan. Mga 6 B.C.
Kapitulo 15
Ang Ginoo mipanton sa mga Nephita tungod kay Siya nahigugma kanila—Ang nakabig nga mga Lamanita lig-on ug makanunayon sa pagtuo—Ang Ginoo magmaluluy-on sa mga Lamanita sa ulahing mga adlaw. Mga 6 B.C.
Kapitulo 16
Ang mga Nephita nga mituo ni Samuel gibunyagan ni Nephi—Si Samuel dili mapatay sa mga panâ ug sa mga bato sa dili mahinulsolon nga mga Nephita—Ang uban nagpatig-a sa ilang mga kasingkasing, ug ang uban nakakita og mga anghel—Ang mga dili tumutuo miingon nga walay katarongan ang pagtuo kang Kristo ug sa Iyang pag-abot sa Jerusalem. Mga 6–1 B.C.