Capitulo 4
Yan Lailieʼyaʼab baʼatel, cu quínsaʼaloʼob yaʼab maʼcoʼob. Le kas maʼcoʼoboʼ cu kascuntiʼc le kakas maʼcoʼob. Yan maʼs u kasaʼanil tiʼ u kinil que caʼach cu yilaʼal tiʼtulácal Israel. Cu quínsaʼaloʼob coʼoleloʼob yétel chanpaloʼob utiaʼal yanal diosoʼob maʼ Hahal Diosiʼ. U palaloʼob Laman tu cáhsic u púdzicoʼob u palaloʼob Nefi actán tiʼoʼob.
1 Úch tún beyoʼ tiʼ u haʼabil trecientos sesenta y tres letiʼ u palal Nefioʼoboʼ lukoʼob tiʼ u luʼumoʼ tac le tuʼux yan yayah ólaliloʼ yétel u baʼatel maʼcoʼob utiaʼal u baʼatel letiʼ u palaloʼob Laman.
2 Bey túnoʼ le u mul baʼatel maʼcoʼob letiʼ u palal Nefioʼoboʼ toholchiʼintaaboʼob tiʼ u luʼumil. Le cah tyaʼanoʼob hach caʼanaʼanoʼobeʼ ca lúb yókoloʼob humpʼél múchʼ letiʼ u palal Lamanoʼob, anhi humpʼél baʼatel hach dzíc, tuʼux le cahal Laman tu chʼahoʼob le u luʼumil yayah óliloʼ, tuʼux tu quínsah yaʼabach tiʼ u palal Nefioʼob, ca tu chʼa beyoʼ yaʼabach maʼcoʼob u kaleʼ.
3 U yalab letiʼ u palal Nefioʼoboʼ h púdzoʼob, ca tu unirtubaoʼ tiʼ u cahal Teancum nadz anicoʼob tuʼux cu maʼn tu haʼ le kaʼnaboʼ, nadz tiʼ u Noh Cahil Xuʼulsaʼaboʼ.
4 Tu yoʼolal u hókloʼob u cahiloʼob utiaʼal u baʼateloʼob u palal Nefioʼob tu contra u palal Lamanoʼobeʼ, cah hoʼopʼ u chʼeʼeleloʼob, wá maʼ tu yoʼolal leloʼ le u palal Lamanoʼ minaʼan tiʼoʼob páhtalil tu yókoloʼob.
5 Baʼaleʼ heʼel túnaʼ u juicio Hahal Dioseʼ cu lúbul tu yókol le kakas maʼcoʼoboʼ, yétel xan tu yoʼolal le kasaʼanoʼob cu hadzaʼal le kasaʼanoʼoboʼ tumen le kakas maʼcoʼoboʼ cu pecsic u pucsiʼkal u palal maʼcoʼob utiaʼal u wécoʼob kiʼik.
6 Bey úchicoʼ letiʼ u palal Lamanoʼoboʼ tu listocuntubaoʼ utiaʼal u baʼatel tu contra u cahal Teancum.
7 Úch túneʼ tiʼ haʼabil trecientos sesenta y cuatro le u palal Lamanoʼ baʼatelnahoʼob tu contra u cahil Teancum, tu yoʼolal u chʼicoʼob xan utiaʼalintoʼob.
8 Bey túnoʼ letiʼ u palal Nefioʼoboʼ tu hoʼsoʼob. Le tún ca tu yilah le tiʼ u palal Nefioʼob dzoʼoc u hoʼsoʼob letiʼ u palal Lamanoʼoboʼ, ca tu nohochquiʼnsubaoʼob yoʼolal u mukiloʼob, hókoʼob tún beyoʼ u dzamaʼh yóloʼob chén tiʼ u mukoʼob yan tiʼoʼoboʼ, ca tu caʼa chʼahoʼob tún beyoʼ le u Noh Cahil Xuʼulsaʼaboʼ.
9 Tulácal le baʼaloʼobaʼ úch, yétel yaʼabach u milesil maʼcoʼob dzoʼoc u químiloʼob bey ichil tiʼ u palal Nefioʼob bey xan ichil tiʼ u palal Lamanoʼob.
10 Bey túnoʼ dzoʼoc u maʼn u haʼabil trecientos sesenta y seis, ca sunahoʼob tu caʼatén letiʼ u palaloʼob Laman tu pach letiʼ u palal Nefioʼoboʼ, chén baʼaleʼ le cahal Nefi maʼ tu kex yóloʼob yoʼolal u kebanoʼob, baʼaleʼ maʼntadz tu dza yól tiʼ sénquech kasiʼlil.
11 Maʼ tu páhtal u yaʼalaʼal tumen huntúl maʼc, mixmaʼc yan xan utiaʼal u dzíbtiʼc wá u yeʼesic tulácal u chucaʼaniʼl u quínsaʼal maʼc bucaʼah kiʼik yétel químil cu yilaʼal ichil le cahoʼ, bey tiʼ u palal Nefi, beyxann tiʼ u palal Laman, tulácal u pucsiʼkaliloʼobeʼ chichchahiʼ, bey túnoʼ u quiʼmaʼc ólaleʼ tu betah tiʼ u wéquiʼc kiʼik maʼntadz.
12 Mix huntén anchahac bucaʼah hach nohoch kasiʼl ichil tulácal u palal Lehi, mix tulácal nahil xan Israel, heʼebix c ilic tu tʼan Yumtsil, heʼebix le yan ichil u cahaleʼ.
13 Úch túneʼ letiʼ u palal Laman tu caʼa chʼahoʼob u Noh Cahil Xuʼulsaʼaboʼ, úch beyoʼ tumen cu xoʼocol maʼs maʼcoʼob ichiloʼob que ichil u palal Nefioʼoboʼ.
14 Binoʼob baʼatel xan tu cahil Teancum, ca tún tu hoʼsahoʼob teʼeloʼ u maʼquiʼloʼob, ca tu chʼahoʼob kalbiloʼob u coʼoleloʼob yétel meheʼn palaloʼob, cah tʼuʼuboʼob utiaʼal quínsaʼaloʼob tiʼ u yanal diosoʼoboʼ.
15 Tiʼ u haʼabil trecientos sesenta y siete úch tún beyoʼ letiʼ u palal Nefioʼoboʼ chichnah u pucsiʼkaloʼob, tumen letiʼ u palal Lamanoʼoboʼ tu quínsah yatanoʼob yétel u palaloʼob, binoʼob chupoʼob yétel kuxil, bey túnoʼ, ca tu chaʼapachtoʼob u palaloʼob Laman tu caʼatén yétel hoʼsaʼaboʼob tiʼ u luʼumiloʼ.
16 U cahal Lamanoʼ maʼ sunahoʼob tu pach u palal Nefioʼob tac tu haʼabil trecientos setentiʼcinco.
17 Tiʼ le haʼab heʼelaʼ lúboʼob tu yókol u palal Nefioʼob yétel tulácal u mukoʼob, maʼ pátchah u xoʼocoloʼobiʼ tumen hach yaʼaboʼob.
18 Bey túnoʼ mix bikin sunah u palal Nefioʼoboʼ u ganartiʼcoʼob le u palal Lamanoʼoboʼ, ca hoʼopʼ tún u kikitaal u palaloʼob Nefi heʼebix le yeb tu tán kinoʼ.
19 Úch tun beyoʼ le tiʼ u palal Lamanoʼoboʼ lúboʼob yókol u Noh Cahil Xuʼulsaʼaboʼ; teʼeloʼ anchah humpʼél dzíc baʼatel tu luʼumil heʼeloʼ cah tu ganartoob le u palal Nefioʼoboʼ láh haʼayoʼob.
20 Heʼel túnaʼ púdzoʼob tu caʼatén tu tánil u palal Lamanoʼoboʼ, ca kuchoʼob tu cahil Boaz, teʼeloʼ baʼatelnahoʼob tu tán u palal Laman yétel hach dzíc u baʼateloʼob. Beyoʼ u palal Laman maʼ u páhchah u ganartiʼcoʼob hasta ca sunacoʼob tu contraoʼob.
21 Le cah sunahoʼob tu caʼatén cah hoʼsoʼob u palaloʼob Nefi u láh haʼiloʼob, hach nohchil, hoʼsaʼaboʼob xuʼulsaʼaboʼob yétel nohoch yayah químil, u yatanoʼobeʼ yétel u palaloʼobeʼ caʼa kuʼuboʼob cah quínsaʼaboʼob tiʼ u yanal diosoʼoboʼ.
22 Letiʼ u palal Nefioʼoboʼ púdzoʼob tiʼoʼob tu caʼatén tu tániloʼob, ca tu bisah yételoʼob tulácal u yét láktsiloʼob heʼebix tiʼ le meheʼn cahoʼoboʼ bey xan le tiʼ le nucuch cahoʼoboʼ.
23 Bey túnoʼ ten Mormon ca tiʼn wilah u palal Laman taitac u utiaʼalintoʼob le luʼumoʼ, cah binen tún tu caʼanal luʼumil Xim, ca tiʼn hoʼsah u dzíbiloʼob u tsícbalil u taacmaʼh Ammaʼron tiʼ Yumtsil.