1. Bix jaʼla oc celal baj twiʼ nyola tiʼj kʼuchbil ntanmiya, ajke nefitas. Bix banttzan que o aʼjal makʼtzʼaja cywitz lamanitas jatuma toʼtaka tnejal.

2. Bixj kʼina, Mormón, cub ntzʼibana jun epístola te rey cye lamanitas, bix xiʼ nkaʼnna te tuʼn tcub tkiyoʼn tuʼn cyoc chmet juntl el ntanmiya tuj tnam Cumora, nakaʼyan tiʼj witz Cumora tbi, bix atzan ko kʼojlela cyiʼjjo.

3. Bix banttzan que aj rey cye lamanitas tzaj tkʼoʼn ttxolal tiʼj aj otak txiʼ nkaʼnna.

4. Bix banttzan que nkoʼxa tuj país te Cumora, bix ibant kpacha tiʼjla witz Cumora; bix taʼtak tuj jun ligar jatuma attak nim aʼ niʼman bix jatuma nchi jatz itzʼj aʼ; bix atzan oayona cyiʼj lamanitas tuʼn cycub kuʼna.

5. Bix taj teltzan baj ox syent tucʼ ochenta y cuatro abkʼi, ya otak chul kiʼna aj tzanx cytenca ttxʼaban ktnama tuj tnam te Cumora.

6. Bix bajtzan que aj otak chi baj kchmoʼna tzaʼnx cytenca ttxʼaban ktnama tuj tnam te Cumora, lutzan luʼ a kina, Mormón, ya nkeʼ tuʼn ntijana; bix loʼntak wuʼna que oʼcxtak juntl twiʼpan kʼoj te ntanmiya, bix otak tzaj tmaʼn Kajaw wecyʼ tuʼn mi t-xiʼ tuj cykʼab lamanitas ajke storya cyʼiwlaʼn tzʼibanka cyuʼn kmana (tuʼnj cbeltak cykʼuchan lamanitas), bant wuʼna aj tuʼmal ax yin t-xiʼlen jatz wiʼna cyuj sleʼw cʼuxbil te Nefi, bix ijeʼx weʼwana tuj witz Cumora tzaʼnx cytenca ajke storya otak chi tzaj kʼoʼn wecyʼ tuʼn tkʼab kman, per miʼnkej cab ni planch ijex nkʼoʼna te ncyʼajala Moroni.

7. Bix banttzan que aj ntanmiya, cyucʼ cyxuʼjal bix cycʼwaʼl, nxiʼ cyqueʼyin jaʼla ajke ejército cye lamanitas cye cyjaʼtak cyxiʼ cyiʼj; bix tucʼ aj taʼw tnachal te camac aj nnoj tzi cyxuʼc tzaʼnx cytenca nach, iayon cyiʼj tuʼn cycanan.

8. Bix banttzan que ijul kʼojlel kecyʼ; bix tzaʼnx cytenca anma inoj tucʼ nim tchiylal aj toc cyqueʼyin baka chin bix baka neʼ cyipamal.

9. Bix banttzan que xiʼ kʼoʼn tibaj ntanmiya ajke spada, arc, flecha, siʼwbil cʼuxbil, bix cyakilca wikal macbil te kʼojlebil.

10. Bix bant cye icub biyoʼn nxjalala, oʼna, ajke laj mil teʼtak wucʼala, bix aj kina incub tzʼaka tucʼ wocyʼa cyxol; bix ajke lamanitas i icyʼ jatumatak tina, que aj tuʼmal mitiʼ el cyiʼn wankʼbila.

11. Bix aj cyicyʼtzan baj kxola cyakil, bix kʼuchan majke tzaʼnx cytenca ntanmiya, per miʼn cyeke veinticuako neʼ (bix cyxolkej ajo atak taʼ ncʼwaʼla Moroni), tuj prim cyjaʼtak ttzajtl, otak chajtz maktzʼaj lamanitas tuj cycampament, bix koʼya otak ko cyaj ankʼina akajo ttxʼaban ktanmya, okila, max tibaj witz Cumora, cye otak chi cub baj biyoʼn aj laj mil nxjalala tej ntanmya ajke otak chi ten tuj kʼoj tuj ncwenta.

12. Bix ax kila aj laj mil kxjala otak chi ten tuj tcwent ncyʼajala Moroni.

13. Bix lutzan luʼ, bix aj laj mil te Gidgiddona ya otak chi cub, bix lukʼa taʼtak tuj cymijl.

14. Bix otak cub tzʼak Lámah tucʼ laj mil t-xjalal; bix Gilgal otak cub tzʼak tucʼ laj mil t-xjala; bix Límah cyuj laj mil t-xjalal; bix Joneam cyucʼ laj mil t-xjalal; bix otak chi cub Cameníah, bix Moroníah, bix Antiónum, bix Shiblom, bix Shem, bix Josh, teylax te juʼn tucʼ laj mil t-xjalal.

15. Bix bant que attak lajtl icub tuʼn spada, bix teylax te junn tucʼ laj mil t-xjalal, icytzanjo, tzaʼnx tenca nxjala otak chi naj — per miʼnkej veinticuatro neʼ ateʼtak wucʼala, bixke jun jteʼ neʼtl itzokpaj cyuj tnam tcubil kʼij, bixke juʼn neʼ otak chaʼjal cyucʼ lamanitas — bix aj cychibajal, cybakal bix cychicyʼel attak twitz txʼotxʼ, otak chi cyaj paleʼ tuʼn cykʼabkej icub biyonte cye, tuʼntzan cycub kʼay bix tuʼn cycub kʼuchj twitz txʼotxʼ, bix tuʼn cyaʼjal tuj txʼotxʼ aj cytxuʼ.

16. Bix aj wanmiya o cub tmij tuʼn bis nok tuʼn tlaj nxjalala otak chi cyim, bix nxiʼ nmaʼna:

17. ¡Aya tnam cyeʼyax, tzaʼn el cyiʼn cyiba tiʼj tbe Kajaw! ¡Aya tnam cyeʼyax, tzaʼn el cyicʼana aj Jesús jajantakke tkʼab tuʼn cycʼameta!

18. Lutzan luʼ, nokat miwtx bant j-ajo cyuʼna, miwtla ma chi cuba. Mas lutzan luʼ, maʼ chi cuba, bix nxiʼ wokʼjeʼna tzaʼn ma chi cuba.

19. ¡Akaya cʼwaʼlbaj xinak bix xuʼj cyeʼyaxke, akaya, mambaj bix txubaj, akaya, chmilbaj bix xuʼjlalbaj, aya tnam cyeʼyax, tzaʼnxax ten ma cuba!

20. Per lutzan luʼ, maʼ chi cub naja, bix aj taʼw wiʼja milay bant tuʼn tuʼn cymakʼtzʼaj juntl ela.

21. Bix jorat tzul kʼij que aj cyxumlala te cyimleʼn oc cocal te miyaʼ te cyimleʼn bix ajke xumlalbaj aj nchi kʼay tuʼn cykʼuchj, jorat chi pol tuʼn mi cykʼuchj; tons chi pola twitz xtisbil te Cristo tuʼntzan cyoca tuj xtis según tzaʼn cybinchbena; bix ka ax toc tbanalkiya, tons oc chi bajl cyʼiwlaʼna icyxtzaʼn cymana ajke oʼ chi cyim.

22. ¡Oy, nokat otak tzʼajs tiʼj cyanmya tiʼj tnachal aj naʼxtak tulj matij kʼuchbil luʼ. Bix lutzan luʼ, ẍe cub naja, bix aj Mambaj, icytzanjo, aj Mambaj te Junmajx tuj cyaʼj, loʼn tuʼn aj tzaʼn teʼya; bix oc cbantel tbinchbenkʼa cyucʼala según t-xtis bix xtalbil cyiʼja.