1. Bix lutzan luʼ wajbila tuʼn t-xiʼ nmaʼna ke juʼn cosas tej ttxʼaban tnam luʼ ajke oʼ chi culet, kama cheʼx tkʼoʼn Dios nyola cye, tuʼntzan tel cynicyʼ cyiʼj cosas te cyman; icytzanjo, nchin yolana cyucʼala akiya ttxʼaban ja te Israel, bix akatzan yol jluʼ aj cxel ntxʼolbaʼna cyeya:

2. Tzʼelx cynicyʼa tiʼj que akaya aj ja te Israel.

3. Tzʼelx cynicyʼa tiʼj que oc cajs tiʼj cyanmya tiʼj tnachal, bixmo miʼn chi coleta.

4. Tzʼelx cynicyʼa tiʼj que il tiʼj tuʼn tcyaj cycoʼlana ajke macbil te kʼojlebil, bix miʼn chi tzalaja tiʼj tuʼn tel mas chicyʼtl, bix miʼn chi aʼjal maktzʼaja tzyul juntl elke macbil te kʼojlebil, oʼcxtzala ka ma tmanta Dios.

5. Tzʼelx cynicyʼa tiʼj que il tiʼj tuʼn cycanna tuʼn tel cynicyʼa tiʼj cymana, bix tuʼn tajs tiʼj cyanmya tiʼj twitz cyila bix nicyʼca tnachal, bix tzaʼnx tuʼn tocx cyocslaʼna que aj Jesucristo ajo tCʼwaʼl Dios, aj cub cybiyoʼn judíos, per nok tuʼn tipamal Mambaj xjaw weʼ juntl el te acʼaj, bix cyjaʼtzan ma camban tuʼn tetz tuj pantyon; bix tiʼjtzankʼa cyjel kʼuchbil aj taʼw camacy.

6. Bix maʼ bant tuʼn cyjaw itzʼj cyimna, ix tuʼntzanjo chi jawal itzʼj xjal tuʼn cypon twitz xtisbil.

7. Bix ax oʼ bant tuʼn, aj colbil tiʼj twitz txʼotxʼ tuʼntzanjo aj tuj kʼij te jwisyo alcyej ma kʼunj ax toc tbanal twitzkʼa, oc c-ankʼil ttxlaj Dios, tuj tkʼuʼkʼbil, tuj jun tuʼmal te tzalajibil bix ntiʼ tuʼn tnaj mi jtojx, tuʼntzan tbitzan tzalajibil te junmajx cyucʼke bitzal te tuj cyaʼj, te Mambaj, bix te Cʼwaʼlbaj, bix te Xewbaj Sant que akajo junx Dios.

8. Cyjaʼtzan jluʼ, tzʼajs tiʼj cyanmya tiʼj tnachal bix chi biyana tuj tbi Jesús, bix cyoctzana tiʼj bangelyo te Cristo que miyaʼ nok oʼcx cyuj storya luʼ cxel yecʼat, sino que ax icyx cyuj storya chi xel cyiʼj judíos cyeke xjal miyaʼ teʼ tuj ja te Israel, ke storya chul cyucʼala cyuʼnke xjal miyaʼ teʼ tuj ja te Israel.

9. Tuʼnj lutzan luʼ, nchi cub tzʼibat jluʼ tuʼntzan tocx cyocslaʼna cyiʼjke; bix ka ma tzʼocx cyocslaʼna cyiʼjke; bix ka ma tzʼocx cyocslaʼna cyiʼj jluʼ, oc celal cynicyʼa tiʼj cymana, bix tzaʼnx cyiʼj binchben cyeʼyax Ẍi bant cyxol tuʼn tipamal Dios.

10. Bix quelal cynicyʼa tiʼj que akaya ttxaban elna let tiʼj Jacob; cyjaʼtzan jluʼ, ajlaʼnkiya cyxolke tnam tej at tnejal tziybil cyucʼal; bix ka ma tzʼocx cyocslaʼna tiʼj Cristo, bix ka ma chi biyana, tnejal tuj aʼ, bix yajxatzan tucʼtzan kʼakʼ bix tucʼ Xewbaj Sant, bix oc t-xiʼ kʼit aj yecʼbil tuʼn Coʼpal ke, según aj oʼ tzaj tmaʼn ke, tons baʼntzan cbajel cyiʼja tuj kʼij te jwisyo. Icytzan tenjo.