1. Bix jaʼlatzan ayina, Moroni, cbel ntzʼibana aj ocslaʼn wuʼna que baʼn; bix cbel ntzʼibana cye wermaniya lamanitas; bix wajbila tuʼn tel cynicyʼ tiʼj que maʼ tzʼelxa cyaja syent tucʼ veinte abkʼi aj cyyecʼlenxa techaklil tiʼj tuʼn tul Cristo.

2. Bix despwestzan oc t-xiʼ baj nkʼamaʼna aj yol luʼ te ocsabil, octzan cjel w-otxʼona ajke storya luʼ.

3. Lutzan luʼ wajbala tuʼn cyxiʼ wocsaʼna, oc cyjaw schʼitj cosas luʼ, ka baʼn tuj twitz Dios tuʼn tjaw cyschʼiʼna, tuʼn tzan t-xiʼ cycʼujlaʼcja que njatz tcʼuʼj Kajaw cyiʼj cycʼwaʼl xjal, atxax aj t-itzʼj Adán asta tuj tyemp oc cycʼama ajke cosas luʼ, bix tuʼntzan t-xiʼ cybisama tiʼj tuj cyanmiya.

4. Bix octzan tcyikʼaya kej cosas luʼ, wajbila tuʼn t-xiʼ wocsaʼna cyeya tuʼn t-xiʼ cykaʼnana te Dios aj Mambaj te jumajx, tuj tbi Cristo, ka miyaʼx ax tockej cosas luʼ; bix ka ma txiʼ cykaʼnna tucʼ jun cyanmiya ax toc, bix tuʼn cyakil cyanmiya, bix tucʼ cyocslabila tiʼj Cristo, oc ctzajal tyecʼankʼa cyeya aj kej cosas ajo nok tuʼn tipamal Xewbaj Sant;

5. Bix tuʼn tipamal Xewbaj Sant jaʼca tzʼel cynicyʼa tiʼj ax toc cyiʼj cyakil cosas.

6. Nok tiʼx tkal jun cosa baʼn, ax tbanaljo bix ax toc tiʼj; cyjaʼtzan jluʼ, mijun aj tiʼ tkal baʼn nnel icʼan Cristo tuʼn tnejal nxiʼ tcʼujlaʼcj que itzʼkʼa.

7. Bix nok tuʼn tipamal Xewbaj Sant celal cynicyʼa tiʼj que atkʼa; cyjaʼtzanjo tuʼn t-xiʼ wocsaʼna cyeya tuʼn mi tel cyicʼana tipamal Dios; tuʼn nbant tbinchben tucʼ tipamal, según aj cyocslabil cycʼwaʼl xjal, icytzanj jaʼla, nchiʼj bix te junmajx.

8. Bix cxel wocsaʼna cyeya, akeya wermaniya, tuʼn mi tel cyicʼana aj toyj Dios, tuʼnj nimke bix tzajna tiʼjx Dios at nim tuʼmal tuʼn t-xiʼ txʼoleʼ cyiʼj oyj ajo, per ax Dios nnakʼnan cyiʼj cyakil cosas, bix nxiʼtzan kʼot cye xjal tuʼn t-Xew Dios tuʼntzan tajblan cye.

9. Tuʼnj lutzan luʼ, te junx kʼoʼn tuʼn txnaʼtzan tiʼj yol nim tipamal ax t-Xew Dios;

10. Bix te juntl, tuʼn tyecʼat aj te syencia tuʼnx ax Xewbaj;

11. Bix te juntl, tuʼn ten jun tocslabil matij wena; bix te juntl, ajke oyaj tuʼn tkʼanan tuʼnx a Xewbaj;

12. Bix te juntl, tuʼn cybant binchben matij tipamal;

13. Bix te juntl, tuʼn tkʼama jun tyempca cyiʼj cyakil cosas;

14. Bix te juntl, tuʼn toc tqueʼyin ángeles bixke xewbaj xnakʼtzalka cyiʼj xjal twitz txʼotxʼ.

15. Bix te juntl, tzaʼnx cytenca wik yolbil;

16. Bix te juntl, tuʼn tbant tuʼn t-xiʼ tmaʼn cyuj juntl yolbil bix cyakil wikal yolbil.

17. Bix cyakilkaj oyaj ajo nchi tzaj tuʼn t-Xew Cristo; bix aj tzaʼn te tajbil, nxiʼ tkʼoʼn te teylax juʼn xjal.

18. Bix wajbila tuʼn cyxiʼ wocsaʼna, akeya wermaniya nim wajbila cyiʼja, tuʼn tten tuj cynabila cyakilkaj oyaj tbanal tzajnaka tiʼj Cristo.

19. Bix wajbila tuʼn cyxiʼ wocsaʼna, akeya wermaniya wajbila cyiʼja, tuʼn tpon tiʼj cycʼuʼja que axkʼa aj ew, jaʼla bix te junmajx, bix cyakilkaj oyaj maʼ chin yolana tiʼj cyeya, puro xewbajkajo, mi jtoj tuʼn cyel kʼit, myentras cucx tten twitz txʼotxʼ, sino que nok tuʼn ntiʼ cyocslabil cycʼwaʼl xjal.

20. Cyjaʼtzan jluʼ, ilx tiʼj tuʼn ten ocslabil; bix ka il tiʼj tuʼn ten ocslabil, ax il tiʼj tuʼn ttenaj tuʼn tkeʼ kcʼuʼj, ax il tiʼj tuʼn tten xtalbil aj cʼujlabil.

21. Bix miʼntzala xtalbil aj cʼujlabil at tucʼala, mi jun tuʼmal jaʼca coleta tuj tkʼukʼbil Dios; bix milay chi coleta tuj tkʼukʼbil Dios ka ntiʼ cyocslabila; mix ka ntiʼ tuʼn tkeʼ cycʼuʼja.

22. Bix ka ntiʼ tuʼn tkeʼ cycʼuʼja, ilx tiʼj chi tela tuj bis; bix aj bis ntzaj tuʼn tlaj tnachal.

23. Bix ax toc aj xiʼ tmaʼn Cristo cye kman: ka at cyocslabila, jaʼca chi bant cyakil cosas aj baʼn tuj nwitza.

24. Bix jaʼla chin yolala cyibaj cyakil xjal ttxanla txʼotxʼ: ka ma pon kʼij aj tuʼn t-xiʼ cycoʼlan tuʼn cyten aj tipamal bix toyj Dios, tuʼntzaj aj mitiʼ ocslabil.

25. Bix ¡Becyʼbil cywitz cycʼwaʼl xjal ka ma bant icyjo; tuʼnj mi al jun cyxola tuʼn tbinchan tiʼj baʼn, mi jun tjunalx! Nokattzan at jun cyxola tuʼn tbant baʼn tuʼn, tons nok tuʼn tipamal bix toyj Diosjo.

26. Bix ¡Becyʼbil cywitzkej ajo aj ka ma txiʼ cycoʼlan bix ma chi cyim, tuʼnj chi cymel tuj twitz il bix milay chi colet tuj tkʼukbil Dios! bix nxiʼnmaʼna según ajke tyol Cristo, bix ntiʼ nxiʼ nnicʼana.

27. Bix nxiʼ w-ocsaʼna cyeya tuʼn t-xiʼ cycʼujlaʼcje kej cosas ajo; pwes nlekʼan ttzaj tyemp ajo que quelal cynicyʼa tiʼj que ntiʼ nxiʼ nnicʼana, tuʼnj chin nocal cyqueʼyina twitz xtisbil te Dios; bix aj Kman Dios ctzajal tkʼamaʼn cyeya: ¿Ntiʼ xiʼ ntxʼolbaʼn nyola cyeya, aj cub tzʼiban tuʼnj xjal luʼ, lonxa icytzanx jun xjal nschʼin cyxol cyimna, icytzanjo, lonxa icytzan junx oc tyolan max tuj puj?

28. Nxiʼ ntxʼolbaʼna kej cosas luʼ tuʼntzan tel twitz ajke jun tyemp nchi kʼunj bix lutzan luʼ, chelatz tuj ttziʼ Dios te Junmajx; bix aj tyol oc cẍutʼal tuj juʼn cʼoloj ankʼbil.

29. Bix ctzajal tyecʼan Dios cyeya que aj maʼ cub ntzʼibana ax tocjo.

30. Bix juntl el cxel wocsaʼna cyeya tuʼn cytzaja tiʼj Cristo, bix cyoc lakʼeya tiʼj tbanal oyaj; tuʼn mi toc cymacoʼna ajke oyaj nach, mix aj ti tkal nach.

31. ¡Tjaw cyʼisja, bix weʼctza tuj puj, aya Jerusalén; icytzanjo, bix kʼoʼnoc ke t-xbalana cyeʼyax, aya tmeʼjal Sión; cyiwsaʼn baj ke tstaca, bix kʼonxke tmajona te jun majx, tuʼntzan mi tocla más ttzacaj, bix tuʼntzan cyel twitz aj bann tiʼj tuʼn Mambaj tucʼala, aya ja te Israel!

32. Icytzanjo, cytzaja tiʼj Cristo, bix cybinchanx cyiba tuj tbanal tiʼj, bix cytzinan cub cyiba tiʼj cyakil tnachal; bix ka ma cub cytzinan cyiba tiʼj cyakil tnachal, bix tzʼoc cycʼujlaʼna Dios tuʼn cyakil cyipamala, cyanmiya bix cyipana, tons acax xtalbil cyeya, bix tuʼn xtalbil jaʼca baj cybinchan cyiba tuj tbanal tiʼj Cristo; bix ka tuʼn txtalbil Dios ma choca tbanal tiʼj Cristo, tons mijun tuʼmal jaʼca tzʼel cyicʼana tipamal Dios.

33. Bix icxtlju, ka tuʼn txtalbil Dios ma baj cybinchan cyiba tuj tbanal tiʼj Cristo, bix mi ma tzʼel cyicʼana tipamal, tons octzan chi bajal txʼajoʼna tiʼj Cristo tuʼn txtalbil Dios, aj tuʼn tel len tchicyʼel Cristo, según aj bann tiʼj tuʼn Mambaj cyucʼala tuʼntzan cynajset twitz cyila, tuʼntzan cyoca sant bix ntiʼ ẍwoʼj cyiʼja.

34. Bix jaʼla octzan chi cyjel ncaʼwana cycyakila. Te joratx chin xela ujlal tuj cyaʼj tucʼ Dios, asta que aj nxewa bix nxumlala cocal cyjunan juntl el cyib te acʼaj, bix ma txiʼ kʼiʼn tuʼj cykʼikʼ tucʼa nim tzalajibil tuʼntzan toc kqueʼyin kib twitz aj cyeʼyax bix matij xtisbil te Jehová, aj Jwes te Junmajx cyekej nchi ankʼin ankʼin bixkej cyimna. Icytzan tenjo.