1. Aj tuʼmal tzaʼn kit tbaj cyʼiwlaʼn bix sipan t-xumlal bix tchicyʼel Cristo te glesya cyuʼn élderes bix presbíteros; bix kittzan tbaj cycyʼiwlaʼn bix tbaj cysipan según ajke tmandamyent Cristo, ax aj loʼn kuʼn baʼn ten tuʼmal; bix aj élderes bixmo presbítero cyuʼn nbaj cycyʼiwlaʼn bix nbaj cysipan.

2. Bix i cub ẍmeje tucʼ glesya, bix inan Dios twitz mambaj tuj tbi Cristo, cyjaʼw:

3. Aya Dios, Mambaj te Junmajx, tuj tbi Jesucristo, aj tCʼwaʼla, nxiʼ kkaʼnna teya tuʼn ttzaj tcyʼiwlaʼna bix tuʼn tbaj ttxʼajoʼna aj pan luʼ cyekej anma cyakil aj chi nebel tiʼj; tuʼn t-xiʼ cywaʼn te nabil te t-xumlal tCʼwaʼla, bix tuʼn t-xiʼ cykʼoʼn ax toc twitza, aya Dios, Mambaj te Junmajx, ajke cyajbil tuʼn cycʼam cyibaj aj tbi tcʼwaʼla, bix cucx tuʼn tcʼujlet, bix tuʼn t-xiʼ cycʼuʼn ajke tmandamyentya oʼ cheʼx tkʼoʼn cye, tuʼntzan tten tXew cyucʼal. Icytzan tenjo.