Fare Babyor ku Moroni

1 Chiney e gag, Moroni, e tomuren ni kug muʼ i ngochngoch nag i yoloey fare chep ko gidiiʼ ku Jared, mug lemnag ni dab kug yoloey boech, machane kug bay ni dawor gumʼ; ma dagur guy rogon ni nge nang fapi Lamanites ya gube rus ngay ni yaedra liiʼeg nggumʼ.

2 Ya musap gaed, pi mael roraed e rib maʼangech u fithikʼraed; ma bachan e fananikan roraed mar liiʼed e tin baʼaram e Nephite ni dabra feked yathin Kristus.

3 Ere gag, Moroni, e dab gufek yathin Kristus; ere, garbael ni gube tay e gube gay e gin ni rayog ni nggu miith riy.

4 Ere chiney, e nggu yoloey buchʼuw banʼen, ni nge thil nga rogon ni gu lemnag; ya gu lemnag ni dab kug yoloey boech; machane nga kug yoloey buchʼuw banʼen, ni gomanga yog ni yib angin ngakʼ pi walageg, ni fapi Lamanites, u lan rebo rran ko tin kubay e rran nga mʼon, u rogon ni baʼadag Somoel.