1 Die woorde van Christus, wat Hy met sy dissipels gespreek het, die twaalf wat Hy gekies het, toe Hy sy hande op hulle gelê het—

2 En Hy het hulle by die naam genoem, en gesê: Julle sal die Vader aanroep in my Naam, in magtige gebed; en nadat julle dit gedoen het, sal julle mag hê dat aan hom op wie julle jul hande sal lê, julle die Heilige Gees sal gee; en in my Naam sal julle dit gee, want aldus doen my apostels.

3 Nou het Christus hierdie woorde gespreek met hulle ten tyde van sy eerste verskyning; en die skare het dit nie gehoor nie, maar die dissipels het dit gehoor; en op soveel as wat hulle die hande gelê het, het die Heilige Gees geval.