Isahluko 2
UYesu wanika abafundi abalishumi elinambini bamaNifayithi amandla okunika isipho soMoya oyiNgcwele. Malunga E.K. 401–421.
1 Amazwi kaKrestu, awathi wawathetha kubo abafundi bakhe, ishumi elinambini awalonyulayo, njengokuba wayebeke izandla zakhe phezu kwabo—
2 Kwaye wababiza ngegama, esithi: Niya kubiza kuBawo egameni lam, ngomthandazo onamandlakazi; kwaye emva kokuba nikwenzile oku niya kuba namandla okokuba kulowo eniya kuthi nibeke izandla zenu phezu kwakhe, niya kunikela uMoya oyiNgcwele; kwaye egameni lam niya kuwunika, kuba benza njalo abapostile bam.
3 Ngoku uKrestu wawathetha la mazwi kubo ngelixa lokuqala lokubonakala kwakhe; saza isihlwele asaweva, kodwa abafundi baweva; kwaye phezu kwabaninzi kangangoko babebeka izandla zabo kubo, wehla uMoya oyiNgcwele.