1 Jareʼ cʼa ri rubanic xquiben ri tijoxelaʼ ri quibiniʼan e Runimakul ri Kʼataj tok xequitek chi utzil ri Teuchunelaʼ y ri Tijonelaʼ.

2 Tok e chʼovinek chic akʼanij riqʼuin ri Tataʼixel pa rubiʼ ri Cristo, jariʼ tok xquiyaʼ quikʼaʼ pa quiviʼ y quereʼ xquibij chique:

3 Pa rubiʼ ri Jesucristo, yatintek chi utzil richin yatoc jun Teuchunel, (o vi rijaʼ jun Tijonel), yatintek richin yatoc jun Tijonel richin queriʼ nachʼabalij ri tzolibel cʼuʼx y ri rucuyubel mac ri nuben ri Jesucristo, riqʼuin ri cukubabel cʼuʼx riqʼuin ri rubiʼ rijaʼ, cʼa pa ruqʼuisibel. Amen.

4 Queriʼ cʼa xquiben tok xequitek chi utzil Teuchunelaʼ y Tijonelaʼ, achiʼel cʼa nrajoʼ ri lokʼolej sipanic y oyonic richin ri Dios chique ri achiʼaʼ. Xequitek cʼa chi utzil roma ri ruchukʼaʼ ri Uxlabixel ri cʼo quiqʼuin.