1 Vaveʼ cʼa, ri e Runimakul y ri Teuchunelaʼ can que vi reʼ xquisamajij chi utzil ri ruchʼacul y ri ruquiqʼuel ri Cristo chiquivech ri Kʼataj. Rijeʼ xquisamajij achiʼel cʼa niquibij ri rupixaʼ ri Cristo. Roma cʼariʼ, ketaman chi ri rubaniquil riʼ can kitzij vi, y ja ri Runimakul o ri Teuchunel can xsamajin vi richin.

2 Rijeʼ xexuqueʼ cʼa quiqʼuin ri Kʼataj y xechʼo akʼanij riqʼuin ri Tataʼixel, pa rubiʼ ri Cristo, y quereʼ xquibij:

3 Lokʼolej Dios, Jumul Tataʼixel, pa rubiʼ ri Jesucristo, ri Acʼajol, nikacʼutuj chave chi taturusaj cʼa y tachʼajchʼojirisaj re caxlan vey reʼ richin ri cánima checonojel ri xquecʼuluman apon riqʼuin, richin chi xtiquitij richin ri runatabal ri ruchʼacul ri Acʼajol, y xtiquikʼalajirisaj apon chavech rat, Lokʼolej Dios, Jumul Tataʼixel, chi niquirayij niquiqʼuen pa quiviʼ ri rubiʼ ri Acʼajol, y chi rijaʼ nokaʼ ka chiquicʼuʼx junelic y chukaʼ chi yequitakej ri rupixaʼ ri e ruyaʼon can rijaʼ chique, richin queriʼ junelic xticʼojeʼ cʼa ri Ruxlabal quiqʼuin. Amen.