1 Iñeqkuna-huñuq hamawt’ankuna nispa waqyasqa yachachisqakuna, kurakkunata, yachacheqkunatawan imaynata sapaqchasqanku—

2 Cristoq sutinpi Taytaman rimarikusqanku patamantaq, paykuna pataman makinkuta churarqanku, hinaspataq nirqanku:

3 Jesucristoq sutinpi kurak kanaykipaq sapaqchayki (yachacheq kanman chaytaq) yachacheq kanaykipaq sapaqchayki, Jesucristoq ukhunta yuyayman kutirimuyta, hucha panpachaytawan yachachinaykipaq, sutinpi iñiywan tukukuykama takyanawan. Hinataq kachun, nispa.

4 Khaynatan kurakkunata, yachacheqkunatawan paykuna sapaqcharqanku, runakunaman qosqan Yayaq qoyninman waqyayninmanwan hina; paykunapi kaq Qollanan Nunaq atiyninwantaq paykunata sapaqcharqanku.