1 Le cah dzoʼoc u tʼan Abinadieʼ, le reyoʼ tu túxtah le naʼatoʼob ca u bisoʼob yétel u quínsoʼob.

2 Baʼaleʼ yan huntúl ichiloʼobeʼ Alma u kabaʼ tiʼ xan tiʼ u palaloʼob Nefi u tal. Letiʼeʼ maʼ chʼíhaʼaniʼ, tu kamaʼh le baʼax tu yaʼalah Abinadi tumen u yoheltmaʼh le keban tu yaʼalah Abinadi tiʼoʼoboʼ, le oʼolaleʼ ca hoʼopʼ u tʼan tu tánil rey tu yoʼolal maʼ u chʼaic kuxil yókol Abinadi baʼaleʼ ca u chaʼ u bin tiʼ paz.

3 Baʼaleʼ le reyoʼ pʼuʼuhiʼ, tu túxtah ca hoʼsaʼac Alma ichiloʼobeʼ ca tu túxtah u meyhil maʼc pachil tiʼ utiaʼal ca quínsaʼac.

4 Baʼaleʼ letiʼeʼ h pʼudz tiʼ letiʼoʼob ca tu taacuba le betiʼqueʼ maʼ h caxtaabiʼ, caʼaliquiʼl u taacmuba yaʼab kinoʼobeʼ ca tu dzíbtah tulácal u tʼan Abinadi le baʼaxoʼob yaʼalmaʼhoʼ.

5 Cah úch u túxtiʼc le reyoʼ u meyhil maʼcoʼob utiaʼal baʼpachtiʼc Abinadi yétel ca chuʼucuc yétel ca tu kaxoʼob ca tu dzahoʼob tiʼ kalbil nah.

6 Cu dzoʼocol u maʼn oxpʼél kinoʼobeʼ cu dzoʼocol u tsol xiquiʼntaal le reyoʼ tumen le naʼatoʼoboʼ ca tu yaʼalah ca bisaʼac tu tánil tu caʼatén.

7 Ca tu yaʼalah tiʼ: Abinadi, yan toʼon baʼax utiaʼal c taquiʼc a pol yétel a nálmaʼh químil.

8 Tumen ta wáʼalaheʼ Dioseʼ bín émec ichil u palal maʼcoʼob, tu yoʼolal tún lelaʼ bín luksaʼac a cuxtal haʼali ca a kex a tucul yétel ca kex a tʼan dzoʼoc a wáʼalic yoʼolal u kasiʼlil tiʼ ten yétel in cahal.

9 Ca tu núcah Abinadi ca tu yaʼalah tiʼ: Quin wáʼalic techeʼ maʼ bín in kex le dzoʼoc in wáʼalicoʼ tu yoʼolal baʼaxoʼob tiʼn wáʼalah tech tu yoʼolal le cahaʼ tumen hahoʼob; yétel tu yoʼolal a wohéltiʼqueʼex haheʼ dzoʼoc in chaʼic in lúbul ta kabeʼex.

10 Bixmaʼiʼ, bín mukyahnaquen hasta in químil baʼaleʼ maʼ tiʼn kexic in tʼan tu yoʼolal humpʼél hahil tʼanil ta wókoleʼex. Wá xan ca quínsiqueneʼexeʼ ca wequiʼqueʼex kiʼik minaʼan u keban, le xan le heʼelaʼ bín pʼátac bey humpʼél hahil tʼan ta wókoleʼex tu dzoʼoc kinoʼ.

11 Rey Noe túneʼ hach tu yóltah u hálkabteʼ tumen sahacchah tiʼ u tʼanoʼob, tu hahil sahac tiʼ u juicio Dios maʼ xán ca lúbuc tu yókoliʼ.

12 Baʼaleʼ le haʼatoʼoboʼ h kaʼam tʼanahoʼob tu tánil Abinadi ca hoʼopʼ u taquiʼcoʼob u pol tán u yaʼalicoʼob: Dzoʼoc u yaʼalic baʼal tiʼ rey le betiʼqueʼ le reyoʼ hach chʼupi yétel humpʼél kuxulil, tu yoʼolal leloʼ ca tu kubah ca quínsaʼac.

13 Ca tun h bisaʼabeʼ cah kaʼaxiʼ, ca chuʼuchuʼuhaʼab u wínclil yétel kíx, beyoʼ, tac ca químic.

14 Le ca hoʼopʼ u yélel yétel le kákoʼ ca tu yaʼalah tiʼoʼob: Palaleʼexeʼ bín u bet u mukyah yaʼab maʼc heʼebix le quiʼn mukyahtiʼcaʼ, tac u yahil u químil tumen kák, lelaʼ tu yoʼolal u creertiʼcoʼob tiʼ u salvacion u Yumtsil Hahal Dios.

15 Heʼel túnaʼ, heʼebix dzoʼoc a betiʼqueʼex tiʼ tenaʼ, beyoʼ a palaleʼex bín u bet u mukyah yaʼab maʼcoʼoboʼ heʼebix le quiʼn mukyahtiʼcaʼ, tac u yahil u químil tumen kák; lelaʼ tumen letiʼoʼobeʼ cu creertiʼcoʼob tiʼ u salvacionil u Yumtsil Hahal Dios.

16 Yan xan u yúchul, ichileʼex bín betaac a mukyaheʼex yétel tulácal u heʼheʼlásil kohaʼaniloʼob tu yoʼolal a kebaneʼex.

17 Beyoʼ, yétel bín betaac yah tiʼ teʼex tiʼ tulácal tuʼux ca bineʼex, bín tohol chʼintaaqueʼex yétel bín kiʼitiʼqueʼex tac tulácal tuʼux, bey humpʼél u pictánil káxil wácaxoʼob chaʼapachtaanoʼob tumen h káxil yétel h chiʼibal baʼalcheʼoʼobeʼ.

18 Tiʼ le kinoʼoboʼ bín chuʼucuqueʼex yétel bín lúbuqueʼex tu kab a enemigoeʼex, tiʼ tún ca mukyaheʼex heʼebix in mukyah tenaʼ, u mukyahil químil tiʼ kák.

19 Bey u chʼaʼic tohil Dios tiʼ le maʼxoʼob xuʼulsic u cahaloʼ. Hahal Dios, kam in pixan.

20 Le cah dzoʼoc u yaʼalic Abinadi le tʼanoʼobaʼ h lúbiʼ, dzoʼoc u mukyahtiʼc químil tiʼ kák. Beyoʼ, h quínsaʼab tumen maʼ tu kexah u yól tiʼ u tʼanil Diosil yétel tu kaxah u hahil u tʼan yétel u químil.