Ikɔ Ntiense mme Ntiense Ita

Yak ofuri idut, iman, usem, ye owo, emi utom emi edisimde efiɔk ete: Ke nnyin, oto ke mfɔn Abasi Ete, ye Ɔbɔŋ nnyin Jesus Christ, imikut mme usan emi ɔdɔŋɔde ŋwed emi, emi edide ŋwed mbon Nephi, nko ye eke mme Lamanite, nditɔ ete mmɔ, nko ye eke mbon Jared, emi eketode tower emi eketiŋde ebaŋa. Ndien nnyin nko imifiɔk ite ke ekabare mmɔ ke enɔ ye odudu Abasi, koro uyo esie eketiŋ ɔnɔ nnyin; ke ntre nnyin imifiɔk ke akpanikɔ ite ke utom emi edi akpanikɔ. Ndien nnyin nko imitie ntiense ite ke nnyin imikut se emiŋde emi edude ke mme usan oro; ndien ewut nnyin mmɔ ke odudu Abasi, ndien idighe eke owo. Ndien nnyin imidɔhɔ ke mme ikɔ uteŋe, ite ke angel Abasi ama ɔsɔhɔre ke heaven edi, ndien enye ada onyuŋ enim ke iso nnyin, ndien nnyin ise inyuŋ ikut mme usan oro, ye se emiŋde ke mmɔ; ndien nnyin imifiɔk ite ke edi ke mfɔn Abasi Ete, ye Ɔbɔŋ nnyin Jesus Christ, ke nnyin ikut inyuŋ itie ntiense ite ke mme ŋkpɔ emi edi akpanikɔ. Ndien edi utibe ke enyin nnyin. Edi, uyo Jehovah ama ɔnɔ nnyin uyo ete yak nnyin itie ntiense ibaŋa enye; ke ntre, man inam uyo Abasi, nnyin imitie ntiense ibaŋa mme ŋkpɔ emi. Ndien nnyin imifiɔk ite ke edieke nnyin ibuɔtde idem ke Christ, nnyin iyiyet iyip mme owo isio ke ɔfɔŋ nnyin, inyuŋ inana ndo ke itie ubiere ikpe Christ, iyinyuŋ iduŋ ye enye ke nsinsi ke mme heaven. Ndien ukpono enyene Ete, ye Eyen, ye Edisana Spirit, emi edide Abasi kiet. Amen.