Daóltaʼii

Diyin God Bizaad

Diyingo Naʼnitin dóó Bee Ahadaʼdeestʼáanii

Baadahane’ígíí
Saad Bee Ąą Álnéehii dóó Ałkééʼ Ádahootʼįįdígíí Baa Haneʼ
Daóltaʼii

Daóltaʼii

Wóltaʼii 1
1–7, Hóyééʼgo ádahodooníłígíí dineʼé tʼáá áłtsogóó bee bił dahodoonih; 8–16, Diyin Bisodizin Bitsʼáʼiildééh dóó doo yáʼáshóonii baa ooldahdoo tʼah doo Christ Nínáádoodááł Bijį́įdi tʼáá bítséedi áhodoonííł; 17–23, Joseph Smith éí Diyin Bóhólníihii bi tʼáá aaníinii dóó bedaʼadziilii nahasdzáán yikááʼ ninéídoodlééłgo bikʼihodiiniiʼ; 24–33, Naaltsoos Mormon Wolyéhígíí chʼétʼą́ dóó Sodizin tʼáá aaníinii hadilyaa; 34–36, Nahasdzáán bikááʼdóó hodeezyéél náádidoolyééł; 37–39, Díí bee hazʼáanii ndaałkaah.
Wóltaʼii 2
1, Elijah Diyin bibeʼadziilii ííshjání íídoolííł; 2–3, Azheʼé danilíinii ádééh hadaʼhaasdziʼę́ę áłchíní bijéí biyiʼdi ndahaasyáh.
Wóltaʼii 3
1–4, Diyin Bóhólníihii bihoogááł éí tsʼídá tʼááłáʼí áhoolʼáágóneʼ bee áhootʼį́; 5–15, Joseph Smith éí ádaa náʼiidookąął éí doodaiiʼ ataʼ haneʼ beiyílyáhę́ę da bigháádoolyééł 16–20, Naaltsoos Mormon Wolyéhígíí hadilyaago Lehi baʼáłchíní yinahjįʼ yisdádookah.
Wóltaʼii 4
1–4, Naanish hayóígo álʼínígíí éí Diyin Bóhólníihii bá nidaʼnitiní yisdábííʼeezh; 5–6, Diyin bá dahozhdísinígíí bikʼehgo naʼnitin baa dahiditʼaah; 7, Diyin God bitsʼą́ą́dóóígíí biká áhátʼį́į doo.
Wóltaʼii 5
1–10, Díí kʼad oolchíiłdi Diyin Bóhólníihii bizaad Joseph Smith binahjįʼ deididootsʼį́į́ł; 11–18, Tááʼ daʼiiłtsáanii Naaltsoos Mormon Wolyéhígíí tʼáá aaníí átʼé dadidooniił; 19–20, Diyin Bóhólníihii bizaad ałkʼidą́ą́yę́ęgiʼ átʼáo ííshją́ą́ ádoolnííł; 21–35, Martin Harris ádaa níʼdookąął áko atah łaʼooʼíinii dooleeł.
Wóltaʼii 6
1–6, Diyin Bóhólníihii bidáʼákʼehdi ndaalnishígíí éí yisdáʼiildééh deidoołbįįł; 7–13, Yisdáʼiildééh aaʼilyé éí doo łaʼ bilááh átʼéego aaʼiilyéii da; 14–27, Iiʼsizį́ Diyinii bibeeʼadziil binahjįʼ tʼáá aaníinii béédahoozįįh; 28–37, Christ baʼíínóhłí, dóó tʼáá áłahjįʼ yáʼátʼééhii ádaałʼį́.
Wóltaʼii 7
1–3, John Ayóó Ábidóʼníinii éí Diyin Bóhólníihii nádzáájįʼ hiináa doo; 4–8, Peter, James, dóó John éí Diyin binaʼnitin bee yisdáʼiildéehii bibee ąą ńdaditʼį́hí dah deiyíjááh.
Wóltaʼii 8
1–5, Iiʼsizį́ Diyinii bibeʼadziil binahjįʼ diyingo ił ííshją́ą́ ályaaígíí nihwiileeh; 6–12, Oodląʼ binahjįʼ Diyin God binaʼnitin tʼahdoo béédahoozįįhígíí ąąʼ ádadoolnííł dóó ałkʼidą́ą́ʼ haneʼ ndaháasdzohyę́ę adziilii bee ataʼ haneʼ álʼį́.
Wóltaʼii 9
1–6, Nááná łaʼ ałkʼidą́ą́ʼ haneʼ ndaháasdzohyę́ę éí tʼah índa bá ataʼ dahodoonih; 7–14, Naaltsoos Mormon Wolyéhígíí bilagáanaakʼehjí álnééhgo hózhǫ́ naalkaah dóó Iiʼsizį́ Diyinii tʼáá aaníinii yee lą́ niʼiiłeeh.
Wóltaʼii 10
1–26, Chʼį́įdii éí dineʼé doo yáʼádaashóonii neiyiłnáago Diyin Bóhólníihii binaanish yikʼijįʼ danilį́įgo áyósin; 27–33, Nihokááʼ dineʼé biiʼ sizíinii yidoołchxǫǫłgo yíká átʼį́; 34–52, Naaltsoos Mormon Wolyéhígíí binahjįʼ Jesus Christ binaʼnitin bee yisdáʼiildéehii Laman dineʼé dóó tʼáá ałtso nihokááʼ dineʼé dah deiyíkááhgóó bee bił dahodoonih; 53–63, Diyin Bóhólníihii BiSodizin dóó Binaʼnitin bee yisdáʼiildéehii nihokááʼ dineʼé bitahgo naalnishgo íídoolííł; 64–70, Ádaa ńdaʼooskanígíí BiSodizin biyiʼ ahíídooʼish dóó akʼeh dahółʼínígíí yisdéidooʼish.
Wóltaʼii 11
1–6, Chʼil naʼatłʼoʼí kʼéédílyééhdi ndaalnishí yisdáʼiildééh nídeididoolééł; 7–14, Ééhózin biká ánítʼį́, ádaa náʼookąąh bee naʼnítin, Iiʼsizį́ Diyinii baʼíínílí; 15–22, Diyin bibee ndahazʼáanii bikʼeh honíłʼį́, dóó Diyin Bóhólníihii bizaad naniłkaah; 23–27, Diyingo ił ííshją́ą́ ályaaígíí dóó Diyin bikʼehgo áhodoonííł bee haʼoodzíʼígíí tʼáadoo nahjį́ʼ kóníłʼíní; 28–30, Christ dayoosdląądígíí Diyin God yiyeʼké daaleeh.
Wóltaʼii 12
1–6, Dáʼákʼehdi ndaalnishígíí éí yisdaʼiildééh ńdeididoolééł; 7–9, Tʼáá ałtso ádeinízinígíí dóó yídaneilʼánígíí éí Diyin Bóhólníihii binaanish yíká adoojah.
Wóltaʼii 13
Diyin Bibeʼadziilii Aaron Wolyéhígíí bibee ąą ńdaditį́hí dóó beʼadziil choidooʼįįłgo niilyá.
Wóltaʼii 14
1–6, Chʼil naʼatłʼoʼí kʼéédílyééhdi ndaalnishí yisdáʼiildééh nídeididoolééł; 7–8, Hoolʼáágóó iiná éí tsʼídá Diyin God bi aʼiilyéii bilááhdi átʼé; 9–11, Christ yádiłhił dóó nahasdzáán haidiilaa.
Wóltaʼii 15
1–2, Diyin Bóhólníihii tʼáá átʼé nahasdzáán bighaan yee yaa áhályą́; 3–6, Diyingo naʼnitin bee yisdáʼiildéehii bee naʼnitin dóó iiʼnaazíinii yisdáʼnáháʼnííł éí tsʼídá aláahdi ílį́.
Wóltaʼii 16
1–2, Diyin Bóhólníihii nahasdzáán tʼáá átʼé bighaan yee yaa áhályą́; 3–6, Diyingo naʼnitin bee yisdáʼiildéehii bee naʼnitin dóó iiʼnaazínii yisdánáhánííł éí tsʼídá aláahdi ílį́.
Wóltaʼii 17
1–4, Tááʼgo Daʼooʼíinii bidaʼoodląʼ bee béésh tʼąhí bikááʼ nídaháasdzooʼígíí dóó nááná łaʼ dadílzinígíí deidoołtsééł; 5–9, Christ Naaltsoos Mormon Wolyéhígíí tʼáá aaníigo bá hodílzinii átʼé níigo yaa hoolneʼ.
Wóltaʼii 18
1–5, Diyin God bizaad éí haitʼéego Sodizin hadidoolníłígíí yitʼį́įgo áyiilaa; 6–8, Nihokááʼ dineʼé doo yáʼáshxǫ́ yiih nootʼą́; 9–16, Diné danilíinii tsʼídá ayóó daʼílį́; 17–25, Nihokááʼ dineʼé tsʼídá Christ bízhiʼ akʼideidiitʼą́ągo tʼéiyá, yee yisdáadookah; 26–36, Hastóí Naakitsʼáadah nídiiʼnil dóó bidaʼiisniiʼ éí bił ííshją́ ádaalyaa; 37–39, Oliver Cowdery dóó David Whitmer éí Hastóí Naakitsʼáadah hazhdínóotaał; 40–47, Yisdááʼdookahgo, diné ádaa ńdaʼiidookąął, tó bee dabidiʼdoolzį́į́ł, dóó bee hazʼáanii yeʼdaʼałʼį́į doo.
Wóltaʼii 19
1–3, Christ tʼáá áłtso adziilii bee hólǫ́; 4–5, Nihokááʼ dineʼé tʼáá ałtso ádaa ńdaʼdookąął doodago éí tiʼdahodoonih doo; 6–12, Hoolʼáágóó atéʼélʼį́ éí Diyin God biʼatéʼélʼį́ átʼé; 13–20, Christ tʼáá ałtsóní yá tiʼhoozniiʼ, áko tʼáá bí doo tiʼdahwiidoonih da ádaa ńdaʼooskango; 21–28, Ádaa náʼookąąh bee yisdáʼiildéehii éí bee naʼnítin; 29–41, Haneʼ yáʼátʼéehii bee naʼnítin.
Wóltaʼii 20
1–16, Naaltsoos Mormon Wolyéhígíí éí akéeʼdi-yoołkááłgo ndaʼanishígíí éí tʼáá aaníí diyingo átʼé níigo yaa halneʼ; 17–28, Éí nahasdzáán dóó bikááʼ hadidoolníłígíí, Adam asihgo, bąąhági átʼéii bikʼé nináʼílyá, dóó tó bee alzį́į́h éí binahatʼá tʼáá aaníigo yaa halneʼ; 29–37, Ádaa náʼookąąh, diné bá nidahwiitʼaah, hadaałtʼé adaʼalyaa, dóó tó bee alzįįh bibee hazʼáanii binahjįʼ adaʼalínígíí chʼídaastʼą́; 38–67, Elders, priests, ndaʼnitiní, dóó deacons bindaanishígíí baa haneʼgo chʼídaastʼą́; 68–74, Sodizin daʼatah bindaanishígíí, awééchʼiʼí bikʼi sohodizin, dóó haitʼáo tó bee alzį́į́hígíí ííshją́ą́ ályaa; 75–84, Bááh dóó tó bikʼih sohodizin dóó Sodizin daʼatah bee hazʼáanii bíkʼídaastiʼígíí bee bił dahóóneʼ.
Wóltaʼii 21
1–3, Joseph Smith éí diyingo ooʼíínii, ataʼhalneʼé, Diyin yá yáłtiʼí, hastóí naaki tsʼáadah, dóó elder dooleełgo bikʼihodiiniiʼ; 4–8, Bizaad Zionjí biniyéhígíí yáhooʼááł doo; 9–12, Diyin Yá Naazínígíí bizaad deidoodląął Aaʼáhályáanii yinahjįʼ yáłtiʼgo.
Wóltaʼii 22
1, Tó bee alzį́į́h éí ániid dóó hoolʼáágóó diyingo bee ahaʼdeetʼaah átʼé; 2–4, Tó bee alzį́į́h éí adziilii bee álʼį́.
Wóltaʼii 23
1–7, Díí tʼáá áłtsé akééʼ naazínée ndaʼnítin, yéego ńdaʼookąąh, dóó Sodizin niłdzil ádeidoolííłgo bee bikʼidahodiiniiʼ.
Wóltaʼii 24
1–9, Joseph Smith éí ataʼ halneʼ, naʼnitin, dóó Diyin God bizaad hózhǫ́ yaa halneʼ dooleełgo bikʼihodiiniiʼ; 10–12, Oliver Cowdery éí Jesus Christ binaʼanitin bee yisdáʼiildéehii yee naʼnitin dooleełgo bee bikʼihodiiniiʼ; 13–19, Bee hazʼáanii éí álílee bídadéétʼiʼgo ííshją́ą́ ádaalʼį́, ódziih, akeeʼ łeezh bąąh nańlʼdééh, áádóó dah naʼayizii dóó azis bee naʼaljidí tʼáágééd joogááł doo.
Wóltaʼii 25
1–6, Emma Smith, asdzáán aláahdi nídiiłtíinii, bichʼooní yíkáʼanálwoʼ dóó tʼáá yił hasih ayóósingo bikʼihodiiniiʼ; 7–11, Áádóó ałdóʼ naʼazohdoogo bikʼihodiiniiʼ, Diyin God bizaad hózhǫ́ yaa halneʼ doo, dóó diyin biyiin łaʼ néídidoonił; 12–14, Diyinkʼehgo deiyíkááhii dahataałgo éí Diyin Bóhólníihii yee yichʼįʼ sodadilzin; 15–16, Akʼeh hólʼį́ atłʼááh naazłéí díí diyingo ííshją́ą́ eʼélʼyaa tʼáá ałtsoní bídadéétʼiʼ.
Wóltaʼii 26
1, Diyin God bizaad ndaołkaah dóó bee ndaʼnohtin biʼdooniid; 2, Sodizin daʼatahígíí yanídadiilnihgo bee hazʼáanii bee bá lą́ azlį́į́ʼ.
Wóltaʼii 27
1–4, Tó dóó bááh dilzingo chooʼį́ bee yitʼį́į dooígíí ndahaasyá; 5–14, Tʼáá ałtso da hodeeshzhiizhdę́ę́ʼ Christ dóó Bá Ndaalʼaʼí tó dóó bááh dílzin chodeidoołʼį́į́ł; 15–18, Béésh ééʼ bee naʼabaahii Diyin God nihaidiníʼánígíí tʼáá átʼé bee hadadohnééh.
Wóltaʼii 28
1–7, Joseph Smith éí tʼáá aaníinii tʼah doo béédahoozįįhígíí bibee ąą ńdaditį́hí dahyoojih, áádóó tʼáá bí tʼéiyá Sodizin bá diyingo bił ííshją́ą́ ályaa; 8–10, Oliver Cowdery éí Laman dineʼé neidínóotį́į́ł; 11–16, Chʼį́įdii éí Hiram Page yinaʼazloʼ dóó ił ííshją́ą́ ályaaígíí doo ákódaatʼéhígíí yaayiizlá.
Wóltaʼii 29
1–8, Christ Diné Néíyiizláʼígíí ahíyiizhʼeezh; 9–11, Nínáádoodáłígíí éí Millennium bee hahodoolzhish; 12–13, Hastóí Naakitsʼáadah éí Israel tʼáá ałtso yá ndahodooʼááł; 14–21, Christ Nínáádoodááł Bijį́ bitséedi, daatʼíinii, ndaałniihii dahodooleeł, dóó dahodoochxǫǫł; 22–28, Akéeʼdi nihokááʼ dineʼé náádahidooʼnaał dóó ałtso ánihwiitʼaah ádaalyaago índa Millennium áhodoonííł; 29–35, Diyin Bóhólníihii éí tʼáá ałtsóní Iiʼsizíiniikʼehgo ooʼį́; 36–39, Níłchʼi biʼiiníziinii dóó bikééʼ yikahígíí éí yáʼąąsdę́ę́ʼ chʼídabidiʼnoolkaad áko nihokááʼ dineʼé nideinitaah doo biniyé; 40–45, Anoonééł Hazʼlį́į́ʼ dóó Bąąhági Átʼéii Bikʼé Nináʼílyá éí binahjįʼ yisdáʼiildééh hólǫ́; 46–50, Bąąhági Átʼéii Bikʼé Nináʼílyá binahjįʼ áłchíní yázhí bá ninádaʼiisyaʼ.
Wóltaʼii 30
1–4, David Whitmer éí tsʼídá tʼáadoo yéego naʼneeztʼą́ʼígíí biniinaa bichʼahadooshkeed; 5–8, Peter Whitmer Jr. éí Oliver Cowdery Laman dineʼé neidinootʼį́į́łgóó yił dooʼash; 9–11, John Whitmer éí Jesus Christ binaʼnitin bee yisdáʼiildéehii yee naʼdínóotʼįįłgo bee bikʼihodiiniiʼ.
Wóltaʼii 31
1–6, Thomas B. Marsh éí Jesus Christ binaʼnitin bee yisdáʼiildéehii yee nidiʼnóotįįłgo bee bikʼihodiiniiʼ dóó baʼáłchíní yáʼáhootʼéehgo bił hazʼą́ą doo biʼdooʼniid; 7–13, Haʼíínílní, tʼáá áłahjįʼ sodílzin, áádóó Aaʼáhályáanii bikʼeh honíłʼį́ biʼdooniid.
Wóltaʼii 32
1–3, Parley P. Pratt dóó Ziba Peterson Laman Dineʼé neidínóótįįłgo bikʼihodiiniiʼ dóó Oliver Cowdery dóó Peter Whitmer Jr. yił yikah doo; 4–5, Diyin God bizaad yikʼidaʼdidootį́įłgo yaa sodadidoolzįįł.
Wóltaʼii 33
1–4, Ndaalnishí tsʼídá akéeʼdi oolkiłgo ndaʼiiníishdi Jesus Christin binaʼnitin bee yisdaʼiildéehii yee ndaʼdínóotįįłgo bee bikʼidahodiiniiʼ; 5–6, Sodizin hadilyaa, dóó diyingo ńdahaasdláaʼii ahíhidootʼish; 7–10, Ádaa ńdaʼoohkąąh, háálá yá ąąshdi hazʼą́ądi kʼadę́ę baa hoolzhíísh; 11–15, Sodizin éí Jesus Christ binaʼnitin bee yisdáʼiildéehii tségiʼ átʼáo bikááʼdóó bee haʼootłʼin; 16–18, Hastiin Adooyéhígíí yíghááhgo bichʼįʼ hashtʼeʼádadoołnééh.
Wóltaʼii 34
1–4, Daʼoodláanii Bąąhági Átʼéii Bikʼé Nináʼílyáhígíí binahjįʼ Diyin God biyeʼké daaleeh; 5–9, Jesus Christ binaʼnitin bee yisdáʼiildéehii bee naʼnitingo Christ Nínáádoodááł Bijį́įdi bá hashtʼeʼhodinééh; 10–12, Diyin bikʼehgo áhodoonííł bee haʼoodzíʼígíí éí Iiʼsizį́ Diyinii bibeʼadziilii binahjįʼ áhootʼįįh.
Wóltaʼii 35
1–2, Haitʼáó nihokááʼ dineʼé Diyin God baʼáłchíní dadooleeł; 3–7, Sidney Rigdon éí tó yee iisį́į́h dóó Iiʼsizį́ Diyinii aa yiiléehgo bee bikʼihodiiniiʼ; 8–12, Yitʼíinii dóó álilee éí oodląʼ binahjįʼ ndahwiileeh; 13–16, Diyin Bóhólníihii bá ndaalʼaʼí éí Iiʼsizį́ Diyinii bibee adziilii bee ałʼąą dineʼé dahyikahgo íídoolííł; 17–19, Joseph Smith éí tʼah doo béédahoozįįhígíí bibee ąą ńdaditį́hí dahyoojih; 20–21, Nídahiséláʼígíí Diyin Bóhólníihii doogááł bijį́įdi yídaníłdzil doo; 22–27, Israel yisdádooʼnił.
Wóltaʼii 36
1–3, Diyin Bóhólníihii éí Sidney Rigdon bilá binahjįʼ Edward Partridge yitsiitʼááh dahdiilniiʼ; 4–8, Tʼáá ałtso nihokááʼ dineʼé Jesus Christ binaʼnitin bee yisdáʼiildéehii dóó diyin bibeʼadziilii baa dahasyáhígíí éí náás yee ndaʼnitin doogo bee bikʼidahodiiniiʼ.
Wóltaʼii 37
1–4, Jesus Christ Yá Naazínígíí Ohiodi áłah dadoohłeeł biʼdooʼniid.
Wóltaʼii 38
1–6, Christ tʼáá ałtsoní áyiilaa; 7–8, Éí Bá Naazíinii yitahgóó hólǫ́, Éí hodíínaʼgo dabiidoołtsééł; 9–12, Tʼáá ałtsoní bitsʼíís dahólóonii yidááhdóó doo yáʼádaashǫ́ǫ da; 13–22, Kéyah yá ádéhaadzííʼgo Bá Naazíinii éí hoolzhishgi dóó ahoyoolʼáágóó yá hastʼeʼ neiníʼą́; 23–27, Jesus Yá Naazíinii tʼáá łaʼí dahyikahii danohłį́ dóó kʼé bee ahił naałdeeh biʼdooniid; 28–29, Anaaʼ hodoołeeł haʼní; 30–33, Jesus Yá Naazíinii hódahdééʼ adziilii baadahaasyá dóó ałʼąą dineʼé tʼáá ałtso bitaajikai doo; 34–42, Sodizin daʼatahígíí éí baadahojoobaʼígíí dóó bichʼįʼ andahaztʼiʼígíí baa ádahołyą́ dóó ahoolʼáágóó bee daʼatʼíinii bíká ádaahtʼį́ yídííniid.
Wóltaʼii 39
1–4, Jesus Christ Yikééʼ Naazíinii éí Diyin God baʼáłchíní dadooleełgo yídeiyíghah; 5–6, Jesus Christ binaʼnitin bee yisdáʼiildéehii joodląąhgo éí Christ bikééʼ dahjidiighááh; 7–14, James Covel tó bee nidiʼdoolzį́į́ł dóó Diyin Bóhólníihii Bidáʼákʼeh biiʼ nanilnish doo biʼdooniid; 15–21, Diyin Bóhólníihii yá ndaalʼaʼí éí Jesus Christ binaʼnitin bee yisdáʼiildéehii yee ndaʼnitin doo Christ Nínáádoodáłígíí tʼah doo beiyíłkaahdą́ą́ʼ; 22–24, Tʼáá háíshį́į́ Jesus Christ binaʼnitin bee yisdáʼiildéehii deiyoosdląądígíí ahíídootʼish kʼad hoolzhish dóó hoolʼáágóó.
Wóltaʼii 40
1–3, Akʼijįʼ ídlį́ dóó nihokááʼ dineʼé doo dajoobaʼgo báhádzid hwiinidzinígíí biniinaa Jesus Christ binaʼnitin bee yisdáʼiildéehii doo deiniizįįh da.
Wóltaʼii 41
1–3, Elders éí diyingo ił ííshją́ą́ ályaígíí yee Sodizin deiyiyééłyeed doo; 4–6, Tʼáá aaníigo hastóí naakitsʼáadah akééʼ naazíinii éí Diyin Bóhólníihii bibee hazʼáanii baadahidoolyééł dóó yikʼehdahółʼį́į dooleeł; 7–12, Edward Partridge éí Sodizin Daʼatahígíí bibishop dooleełgo bee bikʼihodiiniiʼ.
Wóltaʼii 42
1–10, Elders Jesus Christ binaʼnitin bee yisdáʼiildéehii yee ndaʼnitin doo, dóó daʼoosdląądígíí tó yee deiyiisį́į́h doo, dóó Sodizin yíká adoojahgo bee bikʼidahodiiniiʼ; 11–12, Éí bikʼidahodidoonih dóó deidoolzįįł dóó Diyin God bizaad biyiʼ binaʼnitin bee yisdáʼiildéehii bitłʼaah naazléí yee ndaʼnitin dooleeł; 13–17, Diyin Iiʼsizį́ bibeʼadziilii yinahjįʼ ndaʼnitin dóó diyingo ádahodoonííłii yaa dahalneʼ doo; 18–29, Jesus Yikééʼ Naazíinii tʼáadoo ndaʼołtseedí, daʼnohʼįįhí, danihiyoochʼídí, ałjiłnii, aaʼdilyé, doodago háida tʼáadoo bikʼijįʼ yádaałtiʼí dabiʼdooniid; 30–39, Kéyah dílzin bee hazʼáanii bikʼéstiʼgo aahalyé ndaasdzoh; 40–42, Ádaahodzódlí doo ił hóyééʼ éí doo bá hazʼą́ą da; 43–52, Bąą dahnahazʼánígíí akʼah ąąh álnééh dóó oodląʼ binahjįʼ ndadoodzih; 53–60, Diyin God bizaad bee Sodizin bee bikʼiʼádééstʼį́į́ʼ doo áádóó adahwiisʼáágóó baa haneʼ doo; 61–69, New Jerusalem haaʼígi niitʼaah dóó diyingo hazʼą́ bi tʼáá aaníinii tʼahdoo béédahozįįhígíí éí ííshjání ádadoolnííł; 70–73, Kéyah bikʼi sodahodoozinígíí éí Sodizin yilą́ąjįʼ naazínígíí bee bíká adoowołgo bá silá; 74–93, Bee hazʼáanii ałjiłnii, aaʼdilyé, naʼatseed, anitʼįįh, dóó bąąhági ádaatʼéii baa náhaneʼ bá siláa dooleełígíí bił chʼétʼą́.
Wóltaʼii 43
1–7, Diyingo ił ííshją́ą́ ádaalʼíinii dóó bee hazʼáanii éí tʼááłáʼí bikʼihodiiniiʼígíí tʼéiyá baa doolyééł; 8–14, Jesus Yikééʼ Naazíinii éí Diyin Bóhólníihii yidááhdóó tʼáá ałtsoní deidísingo ádaʼáłʼį́ kótʼáo hadaałtʼéego ádabiʼdiilyaa; 15–22, Sodizinjí elders danilínígíí éí diné ádaa ńdaʼoohkąąh dabidohníigo ndanohtin dóó Diyin Bóhólníihii ayóó átʼéego beiníłką́ągo yibaʼ hashtʼeʼádadilnééh dooleeł; 23–28, Diyin Bóhólníihii tʼáá Bí bizhí yee diné yichʼįʼ yáłtiʼ dóó nahasdzáán yee bidziilígíí binahjįʼ; 29–35, Tʼááłáhídi Mííl Nááhaigo áádóó Chʼį́įdii dahidootłʼóółgo baa hodoolzhish.
Wóltaʼii 44
1–3, Sodizinjí elders daʼatahígíí ntsaago áłah aleehdi ahíídookah; 4–6, Éí kéyah hahoodzoh bibee hazʼáanii bikʼehgo dóó baa dahojoobaʼígíí baa áháyą́ągo hashtʼedeidoolííł.
Wóltaʼii 45
1–5, Christ éí nihiTaaʼ yichʼįʼ nihá akʼíyáłtiʼí nilį́; 6–10, Jesus Christ binaʼnitin bee yisdáʼiildéehii éí haneʼ yooʼááłgo Diyin Bóhólníihii doogáłígíí yá hashtʼehalééh; 11–15, Enoch dóó bikʼéí éí Diyin Bóhólníihii tʼáá Bí bił hazʼą́ą́góó anáyííʼeezh; 16–23, Christ éí Mount of Olivesdi Bí doogáałgo bee daatʼínígíí ííshją́ą́ áyiilaa; 24–38, Jesus Christ binaʼnitin bee yisdáʼiildéehii ninádoolyééł, éí Gentile dineʼé bił hoolzhishígíí bohoolyaago índa, áádóó naałniih adahwiisʼáágóó bitah níłniiʼgo dabidooghą́ą́ł; 39–47, Bee daatʼínígíí, dóó tʼóó bikʼee ił adahayóíígíí, áádóó Náádaʼiiná éí Christ Nínáádoodááł Bijį́įdi bił hwiidooʼaał; 48–53, Christ éí Mount of Olivesdi yidoozįįł, áádóó Jew dineʼé éí Bílaʼ dóó bikeeʼ bił oʼoolkaalgo atílyaayę́ę deidoołtsééł; 54–59, Tʼááłáhídi Mííl Nááhaijįʼ Diyin Bóhólníihii hooʼááł doo; 60–62, Diyin Yá Yáłtiʼí éí Ahaʼdeetʼą́ Ániidíii éí biʼataʼ haneʼ ádíílííłgo bididíílnish biʼdooniid, éí binahjįʼ haneʼ ílíinii bééhodoozįįł; 63–75, Dííjį́įdi Jesus Christ Yá Naazíinii áłah doołééł dóó New Jerusalem hadeididoolííł, áko tʼáá ałtso nihokááʼ dineʼé dah deíkááhdę́ę́ʼ nahidookah.
Wóltaʼii 46
1–2, Elders éí Iiʼ Sizį́ Diyinii bikʼehgo áłah nídaahłeeh doo yidííniid; 3–6, Tʼáá aaníinii hadeinitáhígíí sodizindi tó dóó bááh dílzin biniyé áłah naʼádleeh éí doo bichʼįʼ baa hóchįʼ da doo; 7–12, Diyin God ndeidółkid dóó Iiʼ Sizį́ Diyinii aa dahalyéii bíká ádaahtʼį́; 13–26, Diyingo aa dahalyéii tʼáá ałʼąą ádaatʼéego aa dahaasyá; 27–33, Sodizin yinaatʼáanii danilínígíí éí adziilii Iiʼ Sizį́ Diyinii aa dahalyéii aidiiʼaahii bił béédahózingo baa dahaasyá.
Wóltaʼii 47
1–4, John Whitmer éí Sodizin binákééʼ náháneʼ dóó Diyin Yá Yáłtiʼí yá naʼiizóóh doogo bee bikʼihodiiniiʼ.
Wóltaʼii 48
1–3, Ohiodi Sodizin Atah Danilínígíí éí bikédaayah łahdóó nihikʼéí baa dadidoohʼááł dabiʼdooniid; 4–6, Sodizin Atah Danilínígíí éí kéyah nideidiyoołnih, dóó kin dashiijaaʼgo ádeidoolííł, dóó bilą́ąjįʼ naazínígíí bá dahwéeʼaahgo yikʼeh dahółʼį́į doo.
Wóltaʼii 49
1–7, Christ nídoodááłígíí bijį́ dóó oolkiłgo yíighahígíí doo bééhózin da Nádzáago índa; 8–14, Nihokááʼ dineʼé ádaa ńdaʼdookąął, Jesus binaʼnitin bee yisdáiildéehii deiyoodlą́ą doo, dóó oʼoolʼįįł yikʼeh dahiináa doo áko yisdá nídookah; 15–16, Iigeh éí Diyin God bibee óʼoolʼįįł átʼéego yee nihoníʼą́; 17–21, Atsʼįʼ yidánígíí bee lą́ azlį́į́ʼ; 22–28, Zion éí ałʼąą dínóotʼį́į́ł áádóó tʼah doo Christ Nínáádoodááł Bijį́ aleehdą́ą́ʼ Laman dineʼé éí chǫ́ǫ́hgiʼ átʼáo hadínóotʼį́į́ł.
Wóltaʼii 50
1–5, Ląʼí da nahasdzáán bikááʼ iiʼ naazíinii tʼóó ádaʼdilínígíí dahólǫ́; 6–9, Tʼóó ádaʼdilʼínígíí dóó sodizindóó chʼídabidiʼnoolkaadígíí yíi bee bichʼįʼ hadaʼoodzííʼ; 10–14, Elders éí Iiʼ Sizį́ Diyinii bił dahólǫ́ǫgo Diyin binaʼnitin bee yisdáʼiildéehii yee ndaʼnitin doo; 15–22, Tʼáá áłah ndaʼnitinígíí dóó daʼíístsʼąʼígíí éí Iiʼ Sizį́ Diyinii bił chʼídiʼdoołdlał; 23–25, Áko nihiʼoodląʼ doo bidziil áyoołííłgo éí Diyin God doo bitsʼą́ą́dę́ę́ʼ átʼée da; 26–28, Diyin yikééʼ naazíinii éí tʼáá ałtsóní bee bídahólníih doo; 29–36, Chin bąąh ádaadin daazlį́ʼígíí bisodizin bá bedaʼdoolnííł; 37–46, Christ éí Yáʼátʼéehgo Dibé Yaa Áhályáanii dóó Israel biTsé nilį́.
Wóltaʼii 51
1–8, Edward Partridge akʼi bóhólnííh dóó kédaayah neichʼid doogo bee bikʼihodiiniiʼ; 9–12, Diyin Yikééʼ Naazíinii tʼáadoo dabiyoochʼídí dóó tʼáá aheełtʼéego ahił ndaalnish doo; 13–15, Bishop naadeełii bá hazʼą́ ádadoołííł dóó Diyin Bóhólníihii bibee hazʼą́ bikʼehgo kéyah hashtʼedadoołííł dabiʼdooʼniid; 16–20, Ohiodi tʼóó honíshgháníjįʼ ahandaʼiinééh doo.
Wóltaʼii 52
1–2, Missouridi ntsaago áłah nááʼdoodleełgo yee nidahazʼą́; 3–8, Łaʼ elders tʼáá háíshį́į́ yił ndaʼdinóotį́łígíí bee bił dahóóneʼ; 9–11, Elders éí hastóí naakitsʼáadah bikʼidahodiiniiʼígíí dóó Diyin yá yádaałtiʼí saad yee hadahaasdzííʼgo nídeiyíízooígíí bee ndaʼnohtin doo dabiʼdooniid; 12–21, Iiʼ Sizį́ Diyinii bitsʼą́ą́dóó tʼáá aaníinii bił béédahoozįįhígíí éí ląʼígo tsin bineestʼą́ʼgiʼ átʼéego hodílzin dóó ééhózin bee dahólǫ́ǫ doo; 22–44, Łaʼ elders Diyin binaʼnitin bee yisdáʼiildéehii yee ndaʼdínóotį́į́łgo bee bikʼih dahodiiniiʼ éí Missourigóó ntsaago áłah aleeh yichʼįʼ yikah doo.
Wóltaʼii 53
1–3, Sidney Gilbert éí Sodizin biyiʼ elder dooleełgo bíká ádooʼniidgo nídiiltį́; 4–7, Áádóó ałdóʼ bishop yíkáʼanálwoʼí nilį́į doo.
Wóltaʼii 54
1–6, Jesus Christ Yikééʼ Naazíinii éí Jesus Christ binaʼnitin bee yisdáʼiildéehii bee ałhaʼdiitʼaah yikʼeh dahółʼį́įgo tʼéiyá diyingo ajoobaʼ baa dahidoolyééł; 7–10, Achʼįʼ nahwiiʼná yiiʼ yikahgo hadaʼólníi doo.
Wóltaʼii 55
1–3, William W. Phelps nídiiltį́ dóó tó bee bidiʼdoolzį́į́ł biniyé bikʼihodiiniiʼ, éí elder dooleeł biniyé óʼoolʼįįł bá ályaa, áádóó Diyin binaʼnitin bee yisdáʼiildéehii yee naʼnitin dooleeł biniyé; 4, Áádóó ałdóʼ Sodizin óltaʼ ndeiznilígíí biyiʼ áłchíní bá naaltsoos ííłʼį́į doo; 5–6, Missourigóó doogááł, áadi hazʼą́ądi naalnish doo.
Wóltaʼii 56
1–2, Jesus Christ Yá Naazíinii bitsin ałnáosdzo ndeididootį́į́ł dóó Diyin Bóhólníihii yikééʼ yikahgo bee yisdáʼiildéehii ńdeididoolééł; 3–13, Diyn Bóhólníihii bibee hazʼáanii aa yiilé dóó nínéídiyiilé, dóó doo akʼeh dahółʼínígíí nahjįʼ kwíídoolííł; 14–17, Yéego daʼatʼínígíí teʼéʼį́ danilínígíí doo yíkáʼiijeehii yíi bikʼijįʼ siláa doo, áádóó téʼéʼį́ danilíinii doo bijéí joobaʼí ádeiyósinígíí yíi bikʼijįʼ siláa doo; 18–20, Téʼéʼį́ danilíinii bikʼihojídlí háálá éí aʼátʼeʼ doo bijéí biiʼ dahólǫ́ǫ da, éí nahasdzáán daabí doo.
Wóltaʼii 57
1–3, Independence, Missouri hazʼą́ądi, éí Zion Kindashijaaʼ dóó Diyin bighan ntsaaígíí hadidoolnííł; 4–7, Áadi Diyin Yikééʼ Naazíinii kéyah ndeidiyoołnih dóó áadi kéyah baa dahididootʼááł; 8–16, Sidney Gilbert éí naalyéhí báhoghan łaʼ neidooʼááł, William W. Phelps éí naaltsoos bikʼeʼéschí ííłʼíní dooleeł, áádóó Oliver Cowdery éí naaltsoos hahinidéhígíí néínílʼį́įgo neiłkaah doo.
Wóltaʼii 58
1–5, Yéego achʼįʼ nahwiiʼná yiiʼ dabidziilgo naaskaiígíi ayóó átʼáo naatʼá chʼah bąąh ndahidooʼnił; 6–12, Diyin Yikééʼ Naazíinii Dibé Yázhí Wólyéii adooyehgo dóó Diyin Bóhólníihii yił daʼdooyį́į́łgo yichʼįʼ hashteʼe ádaʼdidoolnííł; 13–18, Bishops éí Israelgi ándahwiiʼaahii danilį́; 19–23, Diyin Yikééʼ Naazíinii kéyah bibeehazʼáanii yikʼeh dahółʼį́į doo; 24–29, Nihokááʼ Dineʼé tʼáá bí átʼéego éʼéłʼį́ beilyáhígíí yee yáʼátʼéehii ííłʼį́į doo; 30–33, Diyin Bóhólníihii saad neidiyiiʼaah dóó nineidiyidlé; 34–43, Nihokááʼ dineʼé ádaa ndaʼdookąąłgo, bibąąhági ádaatʼéí yaa dahodoolnih dóó yóó adeidiyooʼááł; 44–58, Jesus Yikééʼ Naazínígíí kéyah baa dahideestʼánígíí ndeidiyoołnih dóó Missouridi áłah dooleeł; 59–65, Jesus Christ binaʼnitin bee yisdáʼiildéehii nihokááʼ dineʼé łaʼí nízínígo bee ndinóotįįł.
Wóltaʼii 59
1–4, Diyin Yikééʼ Naazíinii éí Ziondi biʼoodląʼ yadaʼolíhígíí bikʼidahojidoodliił; 5–8, Éí Diyin Bóhólníihii ayóó ádeiyóʼní dóó yá ndaalʼaʼ doo dóó Bibee hazʼáanii yikʼeh dahiináa doo; 9–19, Diyin Yikééʼ Naazíinii éí Diyin Bóhólníihii bijį́ hodílzin yikʼeh dahóółʼį́įgo, éí atsʼíís dóó iiʼ sizíiniikʼehjí bikʼidahojídlį́į doo; 20–24, Diyinkʼehgo dahiinánígíí éí nahasdzáań bikáaʼgi kʼé bee bá hadaʼiisdzį́į́ʼ dóó hoolʼáágóó iiná náásgóó kéédahatʼį́į́ dooleełígíí baa dahidoolyééł.
Wóltaʼii 60
1–9, Elders éí diné doo yáʼádaashóonii áłah nídaadleehdi Diyin binaʼnitin bee yisdáʼiildéehii bee ndaʼnohtin doo dabiʼdooʼniid; 10–14, Tʼáadoo tʼóó doo baa naahkaiígóó nihił ahoolzhíísh lágo, áádóó bee danohłínígíí doo tʼóó nídadidoołʼį́į́ł da; 15–17, Tʼáá háiida doo tʼáá kʼad Diyin bináʼnitin bee yisdáʼiildéehii deididootsʼíłígíí éí kótʼáo bee dahózin doo nihikeeʼ bikʼijįʼ łeezh bąąh táádadohgis.
Wóltaʼii 61
1–12, Diyin Bóhólníihii tó bikááʼgi éí ląʼígo tídahodooníiłgo yee haadzííʼ; 13–22, John éí tó danílínígíí hóyééʼgo yá haadzííʼ, áádóó naʼałtseedí éí yikáá naaghá; 23–29, Łaʼ éí tóhígíí yichʼįʼ yádaałtiʼgo bikʼeh dahółʼį́; 30–35, Elders danilínígíí éí naaki yiltʼéego Diyin binaʼnitin bee yisdáʼiildéehii yee ndaʼnitin doo; 36–39, Diné Silį́įʼii nídoodáałdi yíchʼįʼ hashtʼeʼádadiʼdoolnííł.
Wóltaʼii 62
1–3, Tʼáá aaníí átʼée baa dahaneʼígíí yáʼąąshdi ndaháasdzoh; 4–9, Elders éí tádínééhgo Iiʼ Sizį́ Diyinii yikʼehgo ndaʼnitin dóó ndahaʼáa dooleeł.

Béé’ídlééh

Include highlights and underlines

Yáʼíiniyaahgo inda chʼóóʼį́

Include footnotes