Wase 4
Na veika sa vakatakilai vei Josefa Simici na Parofita me baleti Josefa Simici Levu na tamana, e Amoni, Penisilivenia, Feperueri 1829.
1–4, Na veiqaravi ena yaloqaqa ena taqomaki ira na italai ni Turaga; 5–6, Na ivakarau Vakalou sa rawa kina me ra lesi ki na cakacaka; 7, Me vakasaqarai matua na veika ni Kalou.
1 Raica oqo, e dua na cakacaka veivakurabuitaki sa voleka ni vakayacori vei ira na luve ni tamata.
2 O koya, Koi kemudou sa lesi mo dou vakaitavi ena cakacaka ni Kalou, raica mo dou qaravi koya ena yalomudou taucoko, igu, vakasama kei na kaukauwa, mo dou kunei ni dou sa sega ni cala ena mata ni Kalou ena siga mai muri.
3 O koya, kevaka dou gadreva mo dou qarava na Kalou dou sa lesi ki na cakacaka;
4 Ia raica sa matua tu na were ka sa vakarau na tatamusuki; ia, ko koya sa curumaka na nona isele takelo ena nona igu, sa kumuna vata ko koya me kakua kina ni rusa, ia sa kauta mai na veivakabulai ki na yalona.
5 Kei na vakabauta, na inuinui, na loloma uasivi kei na loloma, ena mata sa vakatabakidua ki na lagilagi ni Kalou, sa rawa kina vua me qarava na cakacaka.
6 Nanuma na vakabauta, na ivalavala savasava, na vuku, na ivalavala malua, na dauvosota, na veilomani vakaveitacini, na bula vakalou, na loloma uasivi, na yalomalumalumu, na gugumatua.
7 Dou kerekere, ka na soli vei kemudou; tukituki, ka na dolavi vei kemudou. Emeni.