Vakabauta

Mo vakabauta e dua na ka se dua na tamata se mo ciqoma e dua na ka ni dina. Me vaka ni dau vakayagataki vakawasoma ena ivolanikalou, na vakabauta sai koya na yalodei kei na veivakabauti vei Jisu Karisito ka vakavuna me talairawarawa kina Vua, e dua na tamata. Sa dodonu vua e dua na tamata me veivutuni ka vakabauti Jisu Karisito me rawa kina ni vakabulai ena matanitu ni Kalou (V&V 20:29). E dodonu me vakabauti ko Jisu Karisito me rawa kina na nona vakabulai e dua na tamata. O ira talega na Yalododonu Edaidai era vakabauta na Kalou na Tamada, na Yalo Tabu, na kaukauwa ni matabete, kei na veika bibi tale eso ni kosipeli vakalesui mai.

Na vakabauta e okati kina na kena vakanuinuitaki na veika e sega ni rairai, ia e ka dina (Ipe. 11:1; Alama 32:21; Ica 12:6). E basika na vakabauta ena kena rogoci na kosipeli era vakavuvulitaka o ira na iliuliu vakadonui ka talai ira mai na Kalou (Roma 10:14–17). Na cakamana e sega ni vakavuna na vakabauta, ia na vakabauta e qaqaco vinaka e rawa mai na talairawarawa ki na kosipeli i Jisu Karisito. E dua tale na kena vosa, na vakabauta e basika mai na buladodonu (Alama 32:40–43; Ica 12:4, 6, 12; V&V 63:9–12).

Na vakabauta dina ena kauta mai na cakamana, na raivotu, na tadra, na veivakabulai, kei na isolisoli kece ni Kalou ka solia vei ira na Nona Yalododonu. Ena vakabauta ena rawata kina e dua na vakabokoci ni ivalavala ca ka na yaco mai na gauna me sa rawa kina vua me tiko ena iserau ni Kalou. Na lailai ni vakabauta ena kauta e dua ki na yaluma, ka dau yaco mai ena vuku ni talaidredre (Moro. 10:22).

Me vaka ko sa vakabauta, me yaco vei iko, Maci. 8:13.
Sa vakabulai iko na nomu vakabauta, Maci. 9:22 (Mari. 5:34; Luke 7:50).
Me yaco vei kemudrau me vaka na nomudrau vakabauta, Maci. 9:29.
Kevaka e tu vei kemudou na vakabauta e vaka na sore ni mosita, sa sega na ka ena dredre vei kemudou, Maci. 17:20 (Luke 17:6).
Kei na ka kece sara ga dou na kerea ena masu, ni dou sa vakadinata, dou na rawata, Maci. 21:22.
Kakua ni yalolailai vakadinata ga, Mari. 5:36.
Sa rawarawa na ka kecega vua sa vakabauta, Mari. 9:23–24.
O koya sa vakabauta ka papitaisotaki ena bula, Mari. 16:16 (2 Nif. 2:9; 3 Nif. 11:33–35).
Kau sa masulaki iko me kakua ni malumalumu na nomu vakabauta, Luke 22:32.
O koya sa vakabauta na Luvena ena rawata na bula tawamudu, Joni 3:16, 18, 36 (Joni 5:24; V&V 10:50).
Ia keitou sa vakabauta ka kila ni sai kemuni na Karisito, Joni 6:69.
Ko koya sa vakabauti au, kevaka sa mate ena bula ga, Joni 11:25–26.
Ni sa vakabauti na yacai Karisito sa vakaukauwataki kina ko koya oqo, Cakacaka 3:16.
Sa rawa na vakabauta ena vakarorogo ki na vosa ni Kalou, Roma 10:17.
Kevaka sa sega ni tucake tale mai na Karisito, sa qai ka wale talega na nomudrau vakabauta, 1 Kori. 15:14.
Sa yaga ga na vakabauta sa dau cakacaka yaco ena loloma, Kala. 5:6.
Ni sa loloma soli wale ga dou sa vakabulai kina ena vuku ni vakabauta, Efe. 2:8 (2 Nif. 25:23).
Kauta na vakabauta me isasabai, Efe. 6:16 (V&V 27:17).
Au sa ciciva oti na cere, au sa taura matua na vakabauta, 2 Timo. 4:7.
Ni da sa qai curu ki na ivakavakacegu koi keda sa vakabauta, Ipe. 4:3.
Na vakabauta sa vaka ni sa vakayacori na veika sa vakanuinuitaki, Ipe. 11:1.
Kevaka sa sega na vakabauta sa dredre sara me da vinakati, Ipe. 11:6.
Na vakabauta sa sega ni tu vata kei na cakacaka sa mate ga, Jeme. 2:17–18, 22.
Me da vakabauti Jisu Karisito ka veilomani, 1 Joni 3:23.

Au na lako ka kitaka na ka sa vakarota na Turaga, 1 Nif. 3:7.
Sa rawa vua na Turaga me kitaka na veika kece ena vukudra na luve ni tamata, kevaka wale ga era cakacakataka na nodra vakabauti Koya, 1 Nif. 7:12.
Sa vakatau tiko na nona cakacaka na Liaona ki na vakabauta, 1 Nif. 16:28.
Ka na sega ni vakarusa na Mesaia e dua sa vakabauti koya, 2 Nif. 6:14.
Veivutuni, ka papitaiso ena yacana, ni ra sa vakabauta taucoko vakaidina na Yalo Savasava ni Isireli, 2 Nif. 9:23.
Era na vakararawataki tiko na Jiu me yacova na gauna era sa vakabauti Karisito kina, 2 Nif. 25:16.
Sa kitaka na cakacaka mana lelevu na Karisito, ena kedra maliwa na luve ni tamata me vaka na nodra vakabauta, 2 Nif. 26:13 (Ica 12:12; Moro. 7:27–29, 34–38).
Sa bokoci na ivalavala ca nei Inosi ena nona vakabauti Karisito, Inosi 1:3–8.
Ni na sega ni yaco na veivakabulai vua e dua sa vakaoqo, ka vakavo ga ena sala ni veivutuni kei na vakabauta na Turaga ko Jisu Karisito, Mosa. 3:12.
Kevaka ko ni sa vakabauta na veika kece oqo, mo ni vakayacora sara vakakina, Mosa. 4:10.
Sa veisau na yalomudou ni dou sa vakabauta na yacana, Mosa. 5:7.
Sa saumi kina na nodra masu na nona dauveiqaravi na Kalou me vaka na nodra vakabauta, Mosa. 27:14.
Ia ena colata ko koya na nodra talaidredre ko ira sa vakabauta na yacana, Alama 11:40.
Ni vakaukauwataki keirau me vaka na neirau vakabauti Karisito, Alama 14:26.
Ka kaciva na yacana na Kalou ena vakabauta, Alama 22:16.
Era sa kalougata kina ko ira sa vakabauta na vosa ni Kalou, ni ra sa sega ni vakasaurarataki, Alama 32:16.
Na vakabauta e sega ni noda kila taucoko vakavinaka na ka, Alama 32:21 (Ica 12:6).
Kevaka mada ga ko ni gadreva mo ni vakabauta, mo ni laiva na gagadre oqo me kadre e lomamuni, Alama 32:27.
Ia ni sa tekivu me tubu mai mo ni qai vakabulabulataka ena nomuni vakabauta, Alama 33:23 (Alama 32:28).
Na nodra sa maroroi mai, a rawa ga oqo ena kaukauwa veivakurabuitaki ni Kalou baleta na levu ni nodra vakabauta, Alama 57:25–27.
Ia era na bula vakatalega kina ko ira kece sa rai vua na Luve ni Kalou ena vakabauta, Ila. 8:15.
Kevaka ko ni sa vakabauta na yacai Karisito ko ni na veivutuni, Ila. 14:13.
Ia ko ira yadua sa vakabauti au era sa vakabauti Tamada talega, 3 Nif. 11:35.
Ni’u raica ni sa kilikili me’u vakabulai kemuni me vaka na nomuni vakabauta, 3 Nif. 17:8.
Ni se sega vakadua ni vakabauti Karisito na tamata me vakataki tuakai Jereti, Ica 3:15.
Ni vakabauta sa i koya na vakanuinuitaki ni veika sa sega ni rairai, Ica 12:6.
O ira kece era sa kitaka na cakamana era sa kitaka ena vakabauta, Ica 12:12–18.
Kevaka era vakabauti au, au na qai vakayacora me vu ni nodra kaukauwa na veika malumalumu, Ica 12:27–28, 37.
Sa vakavuvulitaka ko Momani na vakabauta, na inuinui, kei na loloma uasivi, Moro. 7.
Ni veika kece ga sa veisureti me da vakabauti Karisito, sa talai yani ena kaukauwa kei na isolisoli i Karisito, Moro. 7:16–17.
Na ka kece ga sa vinaka dou sa kerea vei Tamaqu ena yacaqu ka vakabauta ni dou na rawata, raica ena vakayacori vei kemudou, Moro. 7:26.
Ia ko ira era sa vakabauti Karisito era na taura matua na veika vinaka kece ga, Moro. 7:28.
Kevaka dou sa kerea ka vakabauti Karisito, ena vakatakila vei kemudou ko koya ni sa dina, Moro. 10:4.

Ko ira ga sa vakabauta na vosa ni Turaga era na talevi ena veivakatakilai ni Yaloqu, V&V 5:16.
Ni sega na vakabauta ko na sega ni rawata e dua na ka; o koya mo kerea ena vakabauta, V&V 8:10.
Ni dodonu me soli vei ira me vaka na nodra vakabauta ena nodra masu, V&V 10:47, 52.
O ira era vakabauta na yaca ni Turaga era na yaco me ra luve ni Kalou, V&V 11:30 (Joni 1:12).
Na tamata kecega me vosota ena vakabauta, ena yacana me yacova na ivakataotioti, V&V 20:25, 29.
Ia ena soli vei kemudou na Yalo ni dou sa masu ena vakabauta, V&V 42:14.
Sa soli vei ira eso me ra vakabauta na nodra vosa eso tale, V&V 46:14.
Ka ra na raica na ivakatakilakila ko ira sa vakabauta, V&V 58:64 (V&V 63:7–12).
Sa sega ni yaco mai na vakabauta ena ivakatakilakila, ia na ivakatakilakila ena muri ira era sa vakabauta, V&V 63:9–12.
Me ra vakavulici ira na luvedra ko ira na itubutubu ena vakabauti Karisito, V&V 68:25.
Dou segata na kila ka, io ena vuli kei na vakabauta, V&V 88:118.