Valetabu mai Katiladi, Oaio (Amerika)

Na imatai ni valetabu ka a tara na Lotu ena itabagauna oqo. Era a tara na Yalododonu mai Katiladi, me vaka na ivakaro ni Turaga (V&V 94:3–9). E dua na kena inaki sai koya me vakarautaki kina e dua na vanua me ra ciqoma kina na lewenilotu bula kilikili na kaukauwa vakayalo, na dodonu, kei na veivakararamataki (V&V 109–110). A vakatabui ena ika 27 ni Maji, 1836; a soli mai ena ivakatakila na masu ni kena vakatabui (V&V 109). A solia ena loma ni valetabu oqo na Turaga e vica na ivakatakila bibi ka vakalesuya mai kina na idola ni matabete e gadrevi (V&V 110; 137). A sega ni vakayagataki ena veicakacaka tabu vakalotu taucoko ka ra vakayacori tu ena veivaletabu ena gauna nikua.