iApositolo

Ena vosa vaka-Kirisi, na iApositolo e kena ibalebale “e dua e talai yani.” Oqo na itutu a solia vei iratou na Le Tinikarua o iratou a digitaka ka tabaka ko Koya me ratou Nona tisaipeli voleka sara ka ivukevuke ena gauna ni Nona veiqaravi e vuravura (Luke 6:13; Joni 15:16). A talai ira yani me ra matataki Koya ka veiqaravi ena Vukuna ni sa Cabe cake ki lomalagi. Ena gauna e liu ka vakakina ena Kuoramu ni iApositolo Le Tinikarua ena Lotu sa vakalesui mai nikua, na iApositolo e dua na ivakadinadina digitaki i Jisu Karisito e vuravura taucoko me vakadinadinataki Jisu Karisito e vuravura taucoko me vakadinadinataka ni kalou kei na Nona vakaturi cake tale mai na mate (Cakacaka 1:22; V&V 107:23).

O ira era sega ni muria na nodra vosa na parofita kei na iApositolo era na muduki tani, V&V 1:14 (3 Nif. 12:1).
Sa vakatakilai na nodratou ilesilesi kei na itavi na Le Tinikarua, V&V 18:26–36.
A tabaki me iApositolo ko Josefa Simici, V&V 20:2; 21:1.
Ko ira na iApositolo era ivakadinadina bula digitaki ni yacai Karisito ka taura na idola ni cakacaka ni veiqaravi, V&V 27:12 (V&V 112:30–32).
Eratou lewena e dua na kuoramu e Le Tinikarua na iApositolo ka tautauvata na kena dodonu ki na Mataveiliutaki Taumada, V&V 107:23–24.
O iratou na Le Tinikarua eratou Matabose Cecere Vakatulewa dau Veilakoyaki, V&V 107:33.
E tu vei ira na iApositolo na idola ni cakacaka ni kaulotu, V&V 107:35.
Sa vakamacalataki tu eso na nodra itavi na iApositolo, V&V 107:58.
Au sa kaya talega vei iratou taucoko na Le Tinikarua: muri au, ka vakania na noqu sipi, V&V 112:14–15.

Veitikina digitaki ena iApositolo

Era digitaki mai vua na Turaga na iApositolo (Joni 6:70; 15:16).