Liai, Tamai Nifai

Ena iVola i Momani, e dua na parofita vei ira na Iperiu ka a liutaki ira na nona matavuvale kei ira era muri koya mai Jerusalemi ki na dua na vanua yalataki ena ra ni vuravura rauta na 600 B.K. O Liai na imatai ni parofita vei ira na nona tamata ena iVola i Momani.

Eratou a dro tani mai Jerusalemi ko Liai vata kei na nona matavuvale ena ivakaro ni Turaga (1 Nif. 2:1–4). O koya e dua na kawa i Josefa ka a volitaki ki Ijipita (1 Nif. 5:14). A solia vua na Turaga e dua na raivotu me baleta na vunikau ni bula (1 Nif. 8:2–35). Eratou a tara ko Liai kei iratou na luvena e dua na waqa ka soko yani vaka ki na ra ni vuravura (1 Nif. 17–18). Era laki vakacokotaki ira ena dua na vanua vou ko koya vata kei ira na nona kawa (1 Nif. 18:23–25). Ni bera ni mate, a vakalougatataki iratou na luvena ko Liai ka vakavulici ira me baleti Karisito kei na yaco mai ni iVola i Momani ena veigauna e muri oqo (2 Nif. 1:1–4:12).