Juta (Veiyalayalati Vou)

Na ivola oqo e lewena e dua na ivola mai vei Juta vei ira eso na Yalododonu ka sa malumalumu voli na nodra vakabauta. Era sa vakamalumalumutaki mai vei ira era maliwai ira voli ka ra kaya ni ra vakabauta Vakarisito ia era vakayacora tiko na ivalavala tawasavasava ni qaravi kalou lasu ka ra kaya ni ra sega ni vauci ena lawa ni bula savasava. A gadreva ko Juta me vakayadrati ira na Yalododonu me ra kidava na vanua rerevaki vakayalo era sa tu kina ka me vakayaloqaqataki ira me ra yalodina tikoga.

Eso na malanivosa kilai ena Juta sai koya na tikina e 6, ka tukuna na ivalu mai lomalagi kei na nona vakasevi tani ko Lusefa kei ira na nona agilosi mai na nodra itutu ena bula taumada (Epa. 3:26–28), kei na tikina 14–15, ka tukuni kina e dua na parofisai a cakava ko Inoki.