Jemesa, Tacidra na Turaga

E dua na ivola ena Veiyalayalati Vou. Na ivola taumada a volai vei ira na tinikarua na mataqali i Isireli ka ra sa veiseyaki tu ena veivanua tani ka kena irairai ni a volai mai Jerusalemi. E lewena na ivola oqo eso na tikina matata sara me baleta na lotu cakacakataki, ka okati kina na ivakasala bibi ena wase 1, kevaka sa lailai na vuku vua e dua na tamata, me kerea vua na Kalou na veivuke (Jeme. 1:5–6; JS—AT 1:9–20). Na wase e 2 e baleta na vakabauta kei na cakacaka. Na wase 3–4 e tukuni kina na kena lewai vakavinaka na yame ka ra vakasalataki kina na Yalododonu me ra kakua ni dau veivakacacani vakataki ira ena veika era tukuna. Na wase e 5 era vakauqeti kina na Yalododonu me ra dau vosota ka me ra dau kacivi ira na italatala qase me ra vakalougatataki ira ni ra tauvimate; e vakavuvulitaka talega na veivakalougatataki ni noda veivuke ena nodra veisau na tamata.