Simici, Josefa Lailai

Na parofita a digitaki me vakalesuya tale mai na Lotu dina i Jisu Karisito ki vuravura. A sucu ko Josefa Simici ena yasana ko Vemoni e Amerika ka a bula voli mai na 1805 ki na 1844.

Ena 1820, erau a rairai kina na Kalou na Tamana kei Jisu Karisito vei Josefa, ka qai kila kina ni sega ni dua na lotu e tu e vuravura e dina (JS—AT 1:1–20). A qai veisiko mai muri na agilosi ko Moronai, ka mai vakatakila na vanua e vunitaki tu kina na peleti koula ka tu kina na kedra itukutuku na tamata era a bula e liu e Amerika (JS—AT 1:29–54).

A vakadewataka ko Josefa na peleti koula ka qai tabaka ena 1830 me iVola i Momani (JS—AT 1:66–67, 75). Ena 1829, a ciqoma kina na kaukauwa ni matabete mai vei Joni na Dauveipapitaisotaki kei Pita, Jemesa kei Joni (V&V 13; 27:12; 128:20; JS—AT 1:68–70).

Ena veidusimaki ni Kalou, ena ika 6 ni Epereli 1830, eratou a tauyavutaka ko Josefa kei na lewe vica tale na Lotu i Jisu Karisito sa vakalesui mai (V&V 20:1–4). Ena veiliutaki nei Josefa, sa tubu kina na Lotu mai Kenada, Igiladi, kei na tokalau kei Amerika, vakauasivi e Oaio, Misuri kei Ilinoi. A muri Josefa voli kei ira na Yalododonu na veivakacacani ca sara ena veivanua kecega era laki tikora. Ena 27 ni June 1844, erau a vakamatei kina ena vuku ni nodrau vakabauta mai Kaceji, Ilinoi e Amerika ko Josefa kei na tuakana ko Airame.

Ni sa kila tu na Turaga na veika rarawa ena yaco vei ira na kai vuravura, sa kacivi Josefa Simici Lailai, kina na nona tamata, V&V 1:17 (V&V 19:13).
A kacivi ka tabaki mai vua na Kalou ko Josefa Simici Lailai Me dua na iapositolo i Jisu Karisito ka imatai ni italatala qase ni lotu, V&V 20:2.
A tabaki ki na itutu vakaiapositolo ko Josefa mai vei iratou ko Pita, Jemesa kei Joni, V&V 27:12.
Erau vakadinadinataka ko Josefa kei Sidini Rikitoni ni rau a raica na Le Duabau ga nei Tamana, V&V 76:23.
Erau a raica vata na Turaga ena dua na raivotu ko Josefa Simici kei Oliva Kaudari, V&V 110:1–4.
Sa kacivi Josefa na Turaga me italatala qase vakatulewa, dauvakadewa vosa, dauvakatakila, daurairai ka parofita, V&V 124:125.
Ko Josefa Simici, sa cakava e levu cake na ka mai vei ira kecega na tamata era sa bula oti e vuravura, ka vakavo ga kina ko Jisu, me baleta na nodra vakabulai na tamata e vuravura, V&V 135:3.

Na ivolanikalou e kauta mai na Parofita ko Josefa Simici

A vakadewataka ko Josefa e dua na iwase ni peleti koula a solia vua na agilosi ko Moronai, ia na vakavakadewa oqori a tabaki ena 1830 me iVola i Momani. A ciqoma talega e vuqa na ivakatakila mai vua na Turaga ka tuvalaki mai kina na ivunau taumada kei na tauyavu ni Lotu. E vuqa na ivakatakila oqori era qai biu vata ena ivola ka sa kilai tu ena gauna oqo me Vunau kei na Veiyalayalati. A qarava talega o koya na kena vakarautaki kei na kena tabaki na Mataniciva Talei, ka ra lewena tu na ivakavakadewa vakauqeti ni veika era vola o Mosese, Eparaama, kei Maciu, na veitikina digitaki mai na kena itukutuku kei na nona ivakadinadina, kei na tinikatolu na iyatuvosa ivunau ka vakabauta ni Lotu