Emeni

E kena ibalebale “me yaco me vakakina” se “sa vakakina.” E dau cavuti na emeni me vakaraitaki kina na duavata ena yalodina se na veiciqomi dokai (iVaka. 27:14–26) se na dina (1 Tui 1:36). Ena gauna oqo ni cava na masu, ivakadinadina, kei na vosa, era na vakaemeni ko ira era rogoca na masu se na itukutuku me ra vakaraitaka na nodra duavata kei na nodra ciqoma.

Ena gauna ni Veiyalayalati Makawa, ena kaya na emeni e dua na tamata ni cakava e dua na bubului (1 Vei. 16:7, 35–36; Nie. 5:12–13; 8:2–6). E vakatokai na Karisito “na Emeni, na ivakadinadina bula tudei ka dina” (iVakata. 3:14). Na emeni talega e dau vakayagataki me ivakadinadina ni dua na veiyalayalati ena nodra Koronivuli na Parofita (V&V 88:133–135).