iVakaro e Tini, Na

Na tini na lawa ka a solia na Kalou vei Mosese me lewai kina na ivakarau ni bula savasava.

Na yacana vaka-Iperiu na “Tini na Vosa.” Era vakatokai talega me Veiyalayalati (iVaka. 9:9) se na iVakadinadina (L.Y 25:21; 32:15). Na nona solia na Kalou na iVunau e Tini vei Mosese, ka qai dewa yani mai vua vei ira na Isireli, sa vakamacalataki koto ena L.Y 19:9–20:23; 32:15–19; 34:1. A ceuti na ivunau ena rua na vatu, ka qai biu ena loma ni Kato; o koya oqo sa vakatokai kina na Kato me Kato ni Veiyalayalati (Tiko. 10:33). E kaya na Turaga, ena nona cavuta na iVaka. 6:4–5 kei na Vuna. 19:18, sa vakalekalekataka na iVunau e Tini ena “rua na ivunau cecere” (Maci. 22:37–39).

Sa tokaruataki ena ivakatakila ni gauna oqo na iVunau e Tini (VJS, L.Y 34:1–2, 14 [Ai Kuri]; Mosa. 12:32–37; 13:12–24; V&V 42:18–28; 59:5–13).