Vakamau, Vakamautaka

E dua na veiyalayalati vakalawa se na konitaraki vei rau e dua na tagane kei na dua na yalewa ka rau yaco kina me rau veiwatini. Sa lewa ni Kalou na vakamau (V&V 49:15).

Na veiyalayalati vou ka tawamudu ni vakamau

Na vakamau e vakayacori ena loma ni lawa ni kosipeli kei na matabete sa baleta na bula oqo kei na veigauna tawamudu. O ira na tagane kei na yalewa bula kilikili era sa vauci vakaoqo ena vakamau ni valetabu e rawa ni ra na veiwatini tikoga me yacova na tawamudu sa bera mai.

Me rawata na ivakatagedegede e cake sara ena matanitu selesitieli, sa dodonu vua e dua na tamata me na curuma na veiyalayalati vou ka tawamudu ni vakamau, V&V 131:1–4.
Kevaka sa vakamautaka e dua na tagane na watina, ka sega ni caka vei au, ena sega ni dei tu na nodrau veiyalayalati kei na nodrau vakamau ni rau sa mate, V&V 132:15.
Kevaka sa vakamautaka na watina e dua na tagane ena noqu vosa, sai koya na noqu lawa, kei na veiyalayalati vou ka sega ni mudu, ka sa vauci vei rau ena Yalo Tabu ni yalayala, ena dei vakavinaka tu ni rau sa biuta na vuravura, V&V 132:19.

Vakamau veicurumaki

Na nodrau vakamau e dua na tagane kei na dua na yalewa ka duidui na nodrau vakabauta vakalotu kei na kena ivalavala.

Mo kakua kina ni kauta e dua me watina na luvequ mai vei ira na goneyalewa ni Kenani, iVakate. 24:3.
Kevaka sa vakawati ko Jekope kei na dua vei ira na goneyalewa i Eci, a cava na kena yaga vei au na noqu bula, iVakate. 27:46 (iVakate. 28:1–2).
Me na kakua ni vakawati vei ira mai Kenani na Isireli, iVaka. 7:3–4.
Era veiwatini kei ira mai Kenani ko ira na Isireli, ra qarava na kalou lasu, ka ra cudruvi, Dauvei. 3:1–8.
Era sa vukica na yaloi Solomoni ko ira na watina me qarava na kalou lasu, 1 Tui 11:1–6.
Ia me da kakua ni solia na luveda yalewa vei ira na lewe ni vanua, se kauta na luvedra yalewa me wati ni luveda tagane, Nie. 10:30.

Vakamau vakalevu

Na nona vakamau e dua na tagane vei rau e rua se levu cake na yalewa era bula tiko. E vakatarai vakalawa me dua ga na watina e dua na tagane, vakavo kevaka e vakarota na Turaga ena ivakatakila (Jekope 2:27–30). Ena ivakatakila, sa dau caka kina na vakawati vakalevu ena gauna ni Veiyalayalati Makawa se ena veisiga taumada ni Lotu vakalesui mai ena nona veidusimaki na parofita ka tu vua na idola ni matabete (V&V 132:34–40, 45). Sa sega tale ni vakayacori tiko ena Lotu (VR 1); nikua sa sega ni rawa ni o lewena tiko na Lotu i Jisu Karisito ni Yalododonu Edaidai kevaka e sivia na dua na watimu.