Mosaia, Luvei Penijamini

E dua na ivola ena iVola i Momani. Na wase 1–6 e koto kina na nona ivunau kaukauwa na Tui ko Penijamini vei ira na nona tamata. A tara na yalodra na tamata na Yalo ni Turaga ka ra saumaki kina ka ra sega tale ni via kitaka na veika ca. Na wase 7–8 e tukuni kina e dua na ilawalawa Nifaiti era a lako me ra laki vakaitikotiko ena nodra vanua na Leimanaiti. Era a talai yani e dua na ilawalawa dau vakasaqaqara me ra laki vakasaqarai ira. A kunei ira ko Amoni, na iliuliu ni ilawalawa dau vakasaqaqara ka rogoca na italanoa ni nodra a vakatovolei ena nodra veivakararawataki na Leimanaiti. Na wase 9–24 e vakamacalataki kina na veivakararawataki ko ya kei na nodra iliuliu—ko Senifi, Noa, kei Limiai—ka ratou a bula voli ena nodra veiliutaki na Leimanaiti. E volai talega kina na nona vakamatei ena vuku ni nona vakabauta e dua na parofita ka yacana ko Apinatai. A saumaki mai ko Alama ena gauna a veilewai tiko kina ko Apinatai. Na wase 25–28 e talanoataki kina na nodratou saumaki mai na luvei Alama kei iratou na le va na luvei Tui Mosaia. Ena wase 29 e vakatura kina na Tui ko Mosaia me vakaisosomitaki na itutu vakatui ena dua na ivakarau ni turaganilewa. A digitaki kina ko Alama na luvei Alama me imatai ni turaganilewa liu