Vakalougatataka, Kalougata, Veivakalougatataki

Me soli na veitokoni vakalou vua e dua. Na ka kecega ena vakabasikata na marau dina, na tiko vinaka, se na bula sautu sa ka ni veivakalougatataki.

Na veivakalougatataki kece sara e yavutaki ena veilawa tawamudu (V&V 130:20–21). Me vaka ni vinakata na Kalou me ra kune marau na Luvena ena bula oqo (2 Nif. 2:25), sa dau vakalougatataki ira me isau ni nodra talairawarawa ki na Nona ivakaro (V&V 82:10), me isau ni masu se dua na cakacaka vakalotu vakamatabete (V&V 19:38; 107:65–67), se ena vuku ni Nona loloma soli wale (2 Nif. 25:23).

Na iVunau ni Veivakalougatataki e dua na ituvatuva ni itukutuku ni veivakalougatataki kilai levu, (Maci. 5:1–12; 3 Nif. 12:1–12).

Vakararaba

Veivuke ena kena vakayacori na noqu cakacaka, ia ko na vakalougatataki, V&V 6:9.
Mo daumasu tiko ga, ena qai levu kina na nomu kalougata, V&V 19:38.
Tucake mo papitaiso, io ena soli vei iko na Yaloqu, ia ko na rawata na veivakalougatataki sa uasivi sara, V&V 39:10.
Ni sa oti na veika rarawa, ena yaco na veivakalougatataki, V&V 58:4.
Era sa sega ni talairawarawa kina na tamata; Au sa bokoca tani ka ra sega ni ciqoma na veivakalougatataki, V&V 58:32.
Ka dou sa sega ni kila na cecere ni veivakalougatataki ka sa vakarautaka na Tamaqu me baleti kemudou, V&V 78:17.
Sa vu mai na bete levu na lewa kece me vakayacori kina na cakacaka vakalotu kei na veivakalougatataki ena lotu, V&V 107:65–67.
E dua na lawa sa vakayavutaki kina na veivakalougatataki kece ga, V&V 130:20.
Ko ira kece era na vakalougatataki mai ligaqu era na muria mada na lawa, V&V 132:5.
Sa maroroi tu na veivakalougatataki me baleti ira era lomana na Turaga, V&V 138:52.