Jekope, Luvei Liai

Na ikatolu ni ivola ena iVola i Momani. Na wase 1 e tukuni kina na nona vakadewataka na itukutukuvolai vei Jekope o Nifai ka qai vakatabui rau ko Jekope kei na tacina ko Josefa me rau bete ka ivakavuvuli vei ira na tamata. Na wase 2–4 era ivunau ka ra vakauqeti kina na tamata me ra bula savasava. A vakavuvulitaka talega ko Jekope na nona lako mai na Mesaia dauveisereki, ka tukuna na vuna era na sega kina ni ciqomi Koya ena Nona lako mai eso na Isireli. Na wase 5–6 e koto kina na ivakadinadina nei Jekope kei na dua na ibalebale vakaparofita ni kedra itukutuku makawa kei na nodra veiqaravi na Isireli. Na wase 7 e koto kina e dua na itukutuku ni dua na tamata vuku dauveisaqa na yacana ko Seremi, ka a vakamalumalumutaki ena ivakadinadina nei Jekope.