Ilamani, Luvei Ilamani
E dua na parofita ka dau maroroi itukutuku ena iVola i Momani ka a vakavulici ira na kai Nifai. E makubui Alama Lailai ko koya ka tamai Nifai ka a soli vua na kaukauwa me lewa na draki kecega. A vola ko Ilamani na ivola i Ilamani vata kei na luvena ko Nifai.
Na ivola i Ilamani
Wase 1–2 e vakamacalataki kina e dua na gauna ni tiko yavavala levu ena bula vakapolitiki. Na wase e 3–4 e tukuna na nodrau a mani qai rawata ena dua na gauna ko Ilamani kei Moronaia, koi rau na nodra turaganivalu liu na mataivalu ni Nifai, na tiko sautu. Ia, e dina ni rau veiliutaki tiko na tamata vinaka oqo, a yaco me toso cake tikoga na nodra caka ca na tamata. Ena wase 5:1–6:14 sa solia yani ko Nifai na idabedabe ni vakatulewa, me vaka a vakayacora na tukana ko Alama, me vakatavulici ira na tamata. Ena dua na gauna sa yaco na veivutuni vei ira na tamata. Ena wase e 6:15–12:26, ia, sa yaco me ra dau caka ca na Nifaiti. Na iotioti ni veiwase, 13–16, e koto kina na itukutuku matalia kei Samuela na Leimanaiti o koya a tukuna taumada mai na sucu kei na nona Vakamatei ena kauveilatai na iVakabula kei na ivakatakilakila ka na vakatakilakilataka na veika oqori.