Vosa Vakatautauvata

E dua na italanoa rawarawa ga e vakayagataki me vakavuvulitaki kina e dua na dina vakayalo se ivakavuvuli tudei. E dau yavutaki na italanoa vakaibalebale ena kena vakatautauvatataki e dua na iyaya se dua na ka e yaco ki na dua na ka dina, ka vakavuqa ni na dau vunitaki toka na ibalebale se na itukutuku ni dua na italanoa vakaibalebale vei ira era vakarorogo tiko ka ra se bera ni vakarau tu vakayalo me ra ciqoma (Maci. 13:10–17).

Sa dau vakavuvuli vakavuqa ko Jisu ena italanoa vakaibalebale. Me baleta e dua na ituvatuva ni Nona italanoa vakaibalebale, raica na Veiwekani ni Kosipeli ena ai kuri.