Tui

Na wase 1 e vakamacalataki kina na iotioti ni veisiga ni nona bula na Tui ko Tevita. Na wase 2–11 e tukuna na bula nei Solomoni. Na wase 12–16 e tukuni rau na isosomi kei Solomoni, ko Riopoami kei Jeropoami. A vakavuna ko Jeropoami na kena tawase na matanitu ko Isireli. Era tukuni talega kina na tui tale eso. Na wase 17–21 e tukuni kina eso na iwase ni nona gauna ni veiqaravi ko Ilaija ena nona vakasalataki Eapi, na tui Isireli. Na wase 22 e tukuna e dua na ivalu vata kei Siria ka rau to vata kina ko Eapi kei Jiosafati, na tui Juta. Sa parofisai na parofita ko Maikaia ka saqati kina na tui.

Na wase 1:1–2:11 e tomani kina na bula nei Ilaija, ka okati kina na kau cake nei Ilaija ki lomalagi ena dua na kareti bukawaqa. Na wase 2–9 e tukuna na veiqaravi ena yalodina kei na kaukauwa levu nei Ilaisa. Na wase 10 e tukuni Jeu, na tui, kei na nona vakarusa na vale nei Eapi kei ira na bete i Peali. Na wase 11–13 e tukuna na veiliutaki dodonu nei Jioasi kei na mate nei Ilaisa. Na wase 14–17 e tukuna na ka me baleti ira na tui eso era a veiliutaki e Isireli kei Juta, e vakavuqa ni dau ca. Na wase 15 e tukuna na nona taura ko Asiria e tini na mataqali i Isireli. Na wase 18–20 e tukuna na bula dodonu nei Esekaia, na tui Juta, kei na parofita ko Aisea. Na wase 21–23 e tukuni rau na tui ko Manasa kei Josaia. Me vaka na ivalavala ni vanua, a bale vei Manasa na nona mate ena vuku ni nona vakabauta ko Aisea. Ko Josaia e dua na tui yalododonu ka a tauyavutaka tale na lawa vei ira na Jiu. Na wase 24–25 e tukuna na tiko vakavesu mai Papiloni.