Simioni
Ena Veiyalayalati Makawa, na ikarua ni luvedrau tagane ko Jekope kei na watina ko Lia (iVakate. 29:33; 35:23; L.Y 1:2). A to vata kei Livai ena nodra valuti ira na kai Sikemi (iVakate. 34:25–31). Na parofisai nei Jekope me baleti Simioni e kunei ena iVakatekivu 49:5–7.
Na mataqali i Simioni
O ira na kawa i Simioni era sa dau tiko vata ga kei ira na mataqali i Juta ena loma ni iyalayala ni vanua kei Juta (Josu. 19:1–9; 1 Vei. 4:24–33). Era sa to vata kei Juta ko ira na mataqali i Simioni ena ivalu vata kei ira na Kenanaiti (Dauvei. 1:3, 17). E muri era a qai lewena talega na mataivalu nei Tevita (1 Vei. 12:25).