Ica

E dua na ivola ena iVola i Momani ka tu kina na tiki eso ni kedra ivolatukutuku na Jeretaiti. Ko ira na Jeretaiti e dua na matatamata ka ra a bula voli ena ra ni vuravura ena vica vata na senijiuri ni ra se bera yani na Liai. Na ivola i Ica e tauri mai ena ruasagavulu kava na peleti era a raica na tamata i Limiai (Mosa. 8:8–9).

Na wase 1–2 e tukuni kina na nodra biuta na nodra itikotiko na Jeretaiti ena gauna donumaka na Vale Cecere mai Pepeli ka tekivuna na nodra ilakolako ki na vanua sa kilai tu ena gauna oqo ko Amerika. Na wase e 3–6 e vakamacalataki kina na nona a raica na iVakabula ka se bera ni sucu mai, na taci Jereti, kei na nodra soko ena walu na waqa na Jeretaiti. Na wase 7–11 e tomani kina na itukutuku makawa ni caka ca e kuruseseta tu na kedra itukutuku makawa na Jeretaiti. O Moronai o koya e qai vakadodonutaka na ivolatukutuku nei Ica, a vola ena wase 12–13 na veika talei a vakayacori ena vakabauta kei Karisito, kei na Jerusalemi Vou ka na yaco mai. Na wase 14–15 e tukuni kina na nodra sa yaco na Jeretaiti me dua na matanitu kaukauwa ia era a vakarusai ena ivalu ni vanua ena vuku ni caka ca.