iVakatekivu, Na

Na iVakatekivu e imatai ni ivola ena Veiyalayalati Makawa ka a vola na parofita ko Mosese. E tukuni kina e dua na itukutuku ni itekitekivu eso, me vaka na buli ni vuravura, na kena biu mai ki vuravura na manumanu kei na tamata, na nodrau Lutu ko Atama kei Ivi, na vakatakilai ni kosipeli vei Atama, na itekivu ni veiyavusa kei na matatamata, na vanua e vu mai kina na veivosa eso mai Pepeli, kei na ivakatekivu ni matavuvale vaka-Eparaama ka mai tekivutaki kina na yavusa i Isireli. Na itavi nei Josefa me baleta na nodra maroroi voli na Isireli e vakamacalataki ena iVakatekivu.

Na ivakatakila ni gauna oqo e vakamacalataka ka vakamatatataka na itukutuku ena iVakatekivu (1 Nif. 5; Ica 1; Mosese 1–8; Epa. 1–5).

Ena iVakatekivu, wase 1–4 e tukuni kina na buli ni vuravura kei na vakatorocaketaki ni matavuvale nei Atama. Na wase 5–10 e tukuni kina na itukutuku makawa kei Noa. Na wase 11–20 e tukuni kina ko Eparaama kei na nona matavuvale me yacova sara na gauna i Aisake. Na wase 21–35 e muria na matavuvale nei Aisake. Na wase 36 e tukuni Iso kei na nona matavuvale. Na wase 37–50 e tukuna na matavuvale nei Jekope ka tukuna e dua na itukutuku ni nona volitaki ki Ijipita ko Josefa kei na nona itavi ena nodra vakabulai na yavusa i Isireli.