Samuela, Parofita ni Veiyalayalati Makawa

Ena so na iVolatabu, na ivola ni 1 kei na 2 ni Samuela e dua vata ga na kena ivola. Ena so tale e rua. E kovuti ena ivola e rua oqo e rauta ni 130 na yabaki, mai na gauna e sucu kina ko Samuela me yacova na gauna sa voleka kina ni mate na Tui ko Tevita.

Na wase 1–3 e vakamacalataki kina na nona cudruva ka totogitaka na matavuvale nei Ilai na Turaga, ka qai kacivi Samuela me bete levu ka turaganilewa. Na wase 4–6 e tukuna na kena lutu ki ligadra na kai Filisitia na kato ni veiyalayalati. Na wase 7–8 e volai kina na nona ivakasala ko Samuela me baleta na qaravi kalou lasu kei na dua na tui ca. Na wase 9–15 e vakamacalataki kina na nona buli kei na nona veiliutaki vakatui ko Saula. Na wase e 16–31 e tukuna na kena itukutuku ko Tevita kei na nona rawata na kaukauwa—sa lumuti Tevita ka a vakamatei Koliaci ko Samuela. Sa cati Tevita sara ko Saula, ia a sega ni via vakamatei Saula ko Tevita e dina ni a basika mai eso na gauna vinaka me vakayacora kina.

E koto ena ivola na itukutuku vakamatailalai ni nona veiliutaki vakatui Juta ko Tevita ka qai yaco e muri me tui ni vanua taucoko ko Isireli. Na wase 1–4 e vakaraitaka e dua na nodra veiqalisominiwai balavu na tisaipeli nei Tevita, ni oti na nona buli mai vei ira na kai Juta, kei ira na tisaipeli nei Saula. Na wase 5–10 e tukuni kina na nona sa yaco me qaqa sara ko Tevita ena vuqa na veivanua. Na wase 11–21 e tukuni kina na kena lutu sobu na kaukauwa vakayalo nei Tevita ena vuku ni nona ivalavala ca kei na veisaqasaqa ena loma ni nona matavuvale. Na wase 22–24 e vakamacalataka na nona sasaga ko Tevita me veivinakati tale kei na Turaga;